PAWTDAWNA THU 3:17 - PATHIAN LEKHABU THIANGTHO (BSI)

¹⁷ Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

PAWTDAWNA THU 3:17 ပူးပေါင်းရင်းမြစ်များ

THILSIAM THU 46:4

Aigupta gam ah chun hun umpi pek ding ka hi: Zia tak ah kipat chun hun pui to kit ngei ngei ding ka hi; chuleh, Joseph khut ah la um sung in la mit sîng ding la hi,” a ti tai.

THILSIAM THU 50:24

Joseph in a suapite kiang in, “Thi ding ka hi tai; himaleh, Pathian in hung kantha ngei ngei intin, Abraham, Isak leh Jakob kiang ah kihaksial ah piak ding ah a tiamna gam ah um ding in, zia gam ah kipat hin hung puidok ding ahi,” a ti’n.

THILSIAM THU 50:25

Chutichun, Joseph in Israel suante chu a kihaksialsak ah, “Pathian in a hun kanthâk phât leh, ka gute hi zia tak ah kipat hin la puak to ngei ngei ding uh ahi,” a ti’n.

1 KHANGTHU 1:15

Hiv mite, Arki mite, Sin mite,

SAM 102:21

Zion ah Lalpa min puanjak ahi a, Jerusalem ah a min a pâk theina ding uh leh,

PAWTDAWNA THU 13:5

Lalpa chun Kanaan mite, Hit mite, Amor mite, Hiv mite leh Jebus mite chênna gam, la pu la pateu kiang ah piak ding ah sia a la sapna, bawngnawi leh khuaizu luanna gam chu a hun pui lût phat leh, zia kût hi zia tha ma ma’ hin la bawl zing sek diu ahi.

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

PAWTDAWNA THU 33:3

Khuaizu leh bawngnawi ah luang, gampha lam ah chun chia to un; himaleh, la lak ua um in hun kitonpi talo ding ka hi; achutiloleh, lam kâl in hun hi’mangthai malam ziang kha tawl ing ka, nam lu’lul tak la hi’ngal un,” a tia.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

JEREMIAH 11:5

tu’ni hun gual ah gampha, khuaizu leh bawngnawi luanna gam hi la pu leh pateu kiang ah piak dingin ka la kitiam ta’n, a ti’n. Zia phat ah chun ke’nle, “Chutichun hi hen, Lalpa,” ti’n ka la dawnhu tai.

JEREMIAH 32:22

a pu leh pateu kiang ah gampha, khuaizu leh bawngnawi luanna gam, piak ding ah la la tiamna, zia gam hi la la pia ta’n;

EZEKIEL 20:6

Zia ni chun Aigupta gam ah kipat puidok ing ka tin, amau â ding ah ka mudaw’na gampha, bawngnawi leh khuaizu luanna, gam zosia lak ah pha pen ah pui lût dingin ka la tiam tai.

THIAMPUTE LEKHABU 20:24

“A gam uh bawngnawi leh khuaizu luanna gam ngei chu, keima’n la gochan ding ua la lua ding un hun pia ding ka hi,” ti ah ka la gen tâk gual ah khan. Midangte lak ah kipat hun khendanpa Lalpa la Pathian uh chu ka hi.

KISIMNA LEKHABU 13:27

Amau chun, “Lei sawlnau gam chun ka vachiau ah, a gam chu a pha ma ma ziang ah, bawngnawi leh khuaizu luanna gam ahi ngei ah, ziate hile a gam ah theigate chu ahi;

DAN LEKHABU 26:9

zia gam pha, bawngnawi leh khuaizu luanna gam hi ei pia’n, ei pui lût tai.

DAN LEKHABU 6:3

Ziaziakchun, aw Israelte haw, ngai tiam un; la suantuteu Lalpa, Pathian in a kiang ua a la kitiamna dungzui a, bawngnawi leh khuaizu luanna, gampha ah nasa tak ah la hung pun ua, la lamzan theina ding un chingthei tak in zui tau in.

JOSHUA 24:11

Jordan lui hung gâl kâi ah, Jeriko khua la hung tun phat un, Jeriko khua mite: Amorte, Perizte, Kanaante, Hitte, Girgashte, Hivte leh Jebus mite’n a hun do tau a; ahi’n la, amau chu la khut un ka hun pia ta ahi.

JOSHUA 5:6

Lalpa thu a ngailo ziak un Israel mipi, Aigupta gam ah kipat hung pawtdok zosia leh a gâldo mi teu tiang ah sukmangthai sik sek ah a um tiang un, Israel suante chu gamthip ah kum sawmli sung zet a vâkvai tau ah. Lalpa‘n a pu leh pateu kiang ah kihaksial ah piak ding ah a la tiamna gampha, khuaizu leh bawngnawi luanna gam chu musak lo dingin a la kitiam tai.

JOSHUA 9:1

Tu’hin, Jordan gâl langkhat lam ah tâng gam leh phâi, Tuipi Lian gei jul jul ah kipat Lebanon tiang ah leng um zosia: Hit mite, Kanaan mite, Periz mite, Hiv mite leh Jebus mite chun a chanchin uh a la het phat un,