PAWTDAWNA THU 3:15 - PATHIAN LEKHABU THIANGTHO (BSI)

¹⁵ Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

PAWTDAWNA THU 3:15 ပူးပေါင်းရင်းမြစ်များ

THILSIAM THU 24:12

“Aw Lalpa, ka pu Abraham Pathian, lungsiat in tu’ni hin ei lawtinsak in, ka pu Abraham chung ah la hepina latsak in.

1 KHANGTHU 16:16

Abraham kiangah a thuthung leh, Isak kiang ah a thutiam chu,

1 KHANGTHU 29:18

Aw Lalpa, ka suantubul uh Abraham, Isak leh Jakob Pathian, la mipite hin zia gual lungthim hi a put zing theina ding un, a lunggil uh hi hi’det piak in.

2 KHANGTHU 28:9

Himaleh, a lak un Lalpa jawlnei pakhat a um ah, a min chu Oded ahi. Ama chu Samaria khawpi lam ah sepai hungte lamtua dingin a chia ah, a kiang un, “Judai gam ah mite chung ah Lalpa la pu leh pateu Pathian a lungnat ziakin, a hun zaw sak ta hen; himaleh, nang un thangtawm takah la thâgam thawmgit un van a thawng ta ahi.

SAM 102:12

Aw Lalpa, nang vang kumkhua’n, lalchutpha chu zing in; la minle suan zosia tiang in a um zing hi.

SAM 102:13

Tho inla tin, Zion khawtua ding la hi, doisak hun lai tak ahi ngal a; hun guat chu a tung tai.

SAM 135:13

Aw Lalpa, la min kumtuang in um zing intin; aw Lalpa, la minthanna chunle kumtuang dai in a.

SAM 30:4

Aw a mi ginumte haw, Lalpa chawihoi in La sau inla, a min thiangtho chu pâk tau in.

SAM 30:5

A lungnatna chu hun chomkhat bep dai ahi’n; a doisakna chu vang damsung dai ahi. Kâ-na chu a jan giak mai thei, ahi’n, jingkal ah chun kipakna a hung tung ngal sek hi.

SAM 68:5

Pathian, a umna thiangtho ah chêngpa chu, pa neilote pa leh meithâite khawtuapa ahi.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

PAWTDAWNA THU 15:2

Lalpa chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

PAWTDAWNA THU 15:3

Lalpa chu galdona hat; A min Lalpa chu ahi.

PAWTDAWNA THU 3:13

Himaleh, Mosi chun Pathian kiang in, “Israel mipite kiang ah ka vatun ah, a kiang un, ‘La pu, la pateu Pathian in la kiang ua ei sawl ka hi,’ ti leng, amau in, ‘A min chu bang a hem?’ ti’n ei la dong taleu, a kiang un bang ka gen ta diam?” a tia.

PAWTDAWNA THU 3:6

Ama chun a gen zom pek ah, “Keima hi la pa Abraham Pathian, Isak Pathian leh Jakob Pathian chu ka hi,” a tia. Mosi’n Pathian a et ngam lo ziakin a mai chu a sêl tai.

PAWTDAWNA THU 4:1

Ziaphatchun, Mosi’n a dawnhu ah, “Ahi’nla, amau chun ei taksang lo in, ka thugen ngaisak lo in, ‘Lalpa la kiang in a kilâk puai,’ ei la tita leu la?” a tia.

PAWTDAWNA THU 4:5

“Tichun, Lalpa, a pu a pateu Pathian, Abraham Pathian, Isak Pathian leh Jakob Pathian kha la kiang ah kilâk ngei ahi ti a taksan theina ding un,” a tia.

PAWTDAWNA THU 6:2

Pathian in Mosi kiang in, “Kei Lalpa chu ka hi;

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

ISAI 26:8

Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 63:12

A khutbân lopi tak, Mosi khut changlam kitonpi zing a, kumtuang ah a minthanna ding ah, a ma-âng ua tuiliante khên tan a,

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 33:2

Khawvel siamdokpa leh tundin ding dan guanggal ah tungdokpa Lalpa, a min Lalpa chun, zia gual hin a gen hi:

DANIAL 2:23

Aw, ka pu leh pate Pathian, nang in pilna leh hâtna lei pia ta’n, la kiang ah ka thil dot uh ei hiatsak in, lengpa’n ei phût chu lei hiatsak tâk ziakin, la kiang ah kipak thu gen in ka hun chawihoi hi,” ti in a gen tai.

HOSEA 12:5

Lalpa, sepai honte Pathian chu, Lalpa chu a min ahi!

HOSEA 12:6

Nang uh vang la Pathian lam un kile’kit unla, hepina leh vaihawmna dik tuchak unla, la Pathian uh chu ngak zing un.

THIAMPUTE LEKHABU 24:11

Israel nu chapa chun, Lalpa min a hun dem ta’n. Ziapa chu Mosi kiang in a hun pui tau ah; a nu min chu Dan nam ah mi Dibri chanu Shelomith ahi’n;

MIKAH 4:5

Chitinte’n amau pathian chiat zui ta ding ahi ngal un; ei hawn vang, Lalpa, I Pathian min un, kumtuang kumtuang in zui tai tiu.

MALAKI 3:6

Keima Lalpa hi ka danglam ngai paw’ngal a; ziaziakchun, aw Jakob chate haw, mangthai pua’n lau.

MATTHAI 22:32

“Keima hi Abraham Pathian, Isak Pathian leh Jakob Pathian chu ka hi. Pathian chu mithi Pathian a hipua’n, a hingte Pathian a hizawi, ti thu kha,” a tia.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

NASEPTE 7:32

“Keima hi la suanpateu Pathian, Abraham Pathian, Isak Pathian leh Jakob Pathian chu ka hi,” a hun tia. Mosi chu a kithing ah, a en ngam ta puai.

DAN LEKHABU 1:11

Lalpa, la pu leh pateu Pathian chun a le sâng mun sâng ah tam zaw in hun hi’pung hen la, a hun tiamsa dungzui in mal hun jawl ta hen!

DAN LEKHABU 1:35

“La pu leh pateu kiang ah piak ding ah ka la kitiamna gampha chu, zia khang gilo takte lak ah pakhat chânle lua pua’n tiu in;

DAN LEKHABU 4:1

Tu’hin, aw Israel mite haw, Lalpa, la pu leh pateu Pathian in a piakna gam chu dam ah la lût ua, la lua theina ding un ka dan thu leh ka thuguatte chu ngaisak ah la zui ding uh ahi.

HEBRAITE 11:16

Himaleh, gam phazaw a thangai un, zia chu van-gam ahi. Ziaziakchun, Pathian in a Pathian uh kiti ding chu a zakcha puai; amau â ding ah khawpi khat a siam piak tak ziakin.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.