PAWTDAWNA THU 3:14 - PATHIAN LEKHABU THIANGTHO (BSI)

¹⁴ Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

PAWTDAWNA THU 3:14 ပူးပေါင်းရင်းမြစ်များ

JOB LEKHABU 11:7

Pathian thu gilte thûk dan tak chu, mudok zo ding la hem? Hat Chungnung Pathian lopi dan leh, a bawlthei dan chu hesuak zo ding kisa la hem?

SAM 68:4

Pathian chawihoi in La sau inla, a min pâk in La sau in; van sûm chung ah chia sekpa pâkna La, ngai tak in sau inla, a min chu Lalpa ahi’n, a ma-âng in kipak tau in.

SAM 90:2

Tângte la siam masang leh, khawvel leh leilung la siam ma’nle, kumtuang ah kipat kumtuang tiang in, Pathian la hi.

PAWTDAWNA THU 15:3

Lalpa chu galdona hat; A min Lalpa chu ahi.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

PAWTDAWNA THU 3:13

Himaleh, Mosi chun Pathian kiang in, “Israel mipite kiang ah ka vatun ah, a kiang un, ‘La pu, la pateu Pathian in la kiang ua ei sawl ka hi,’ ti leng, amau in, ‘A min chu bang a hem?’ ti’n ei la dong taleu, a kiang un bang ka gen ta diam?” a tia.

PAWTDAWNA THU 6:2

Pathian in Mosi kiang in, “Kei Lalpa chu ka hi;

PAWTDAWNA THU 6:3

Abraham, Isak leh Jakob kiang in Elshaddai in ka la kilâk sek ah; himaleh, ka min tak tak JEHOVAH ti in vang amau kiang in ka la kihiat sak kha nai puai.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

MATTHAI 18:20

Keima min ah mi pani a hem, pathum a hem la um khawmnau ah chun kei pakhat ah pang zing sek ka hingal a, a tia.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

JOHAN 8:24

Ziaziakchun, ‘La gitonau ah thi ding la hiu,’ ka ti la hiu; keima lei ginchâk lo ziak un, la gitlonau ah chun thi ngei ding la hiu,” a tia.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

2 KORINTH 1:20

Pathian thutiamte zosia’n, ama ah chun, “Ahi,” ti a muu hi. Ziaziakchun Pathian lopina ding ah ama ziak ah, “Amen,” ti ahi zing hi.

HEBRAITE 13:8

Jesu Khrista chu jani leh tu’ni leh kumtuang in a ngai ngai ahi zing hi.

THUPUAN 1:17

Zia gual ah ama ka mu phât chun a kengbul ah mithi gual in ka kipûk ta’n. Chuleh, ama chun a khut changlam ka chung ah koi in, “Lau kin, a masa pen leh a nunung pen chu ka hi.

THUPUAN 1:4

Kei Johan hin, Asia gam ah kochuam pasagite kiang ah chun, a um lai tak leh, a umsa leh a hung um ding ah kipat leh a lalchutpha âng ah um, thagau pasagite ah kipat chun;

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 4:8

Chuleh, zia thilhing palite chun thâ paguk chiat a nei ua; a kîmvêl leh a sung lam uh chu mit a dim a hiu. Amau haw chun sun leh jan chawl lo in zia La hi a sau ah: “Lalpa Pathian Bangkim Hi’thei, um tasa leh um lai tak leh hung um ding chu, A thiangtho hi, a thiangtho hi, a thiangtho hi,” a tiu a.