PAWTDAWNA THU 3:13 - PATHIAN LEKHABU THIANGTHO (BSI)

¹³ Himaleh, Mosi chun Pathian kiang in, “Israel mipite kiang ah ka vatun ah, a kiang un, ‘La pu, la pateu Pathian in la kiang ua ei sawl ka hi,’ ti leng, amau in, ‘A min chu bang a hem?’ ti’n ei la dong taleu, a kiang un bang ka gen ta diam?” a tia.

PAWTDAWNA THU 3:13 ပူးပေါင်းရင်းမြစ်များ

THILSIAM THU 32:29

Chuleh, Jakob in ama chu a dong ah, “Lungsiat in la min ei hil in,” a ti’n. Ama chun, “Bang ziak ah ka min ei dong la hem?” a ti’n. Tichun, zia mun ah chun a maljawl tai.

PAWTDAWNA THU 15:3

Lalpa chu galdona hat; A min Lalpa chu ahi.

PAWTDAWNA THU 3:12

Ama chun, “Keima’n nang hun umpi ing ka; chuleh, zia hi keima hun sawl ngei la hinai ti tepte’na hi’n a: Mipite chu Aigupta gam ah kipat la hun puidaw phat leh, zia tâng chung ah hin Pathian ho ding la hi,” a tia.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

PAWTDAWNA THU 7:16

A kiang in: Lalpa, Hebraite Pathian in ei sawl hen, ‘Ka mipite pawtsak in, gamthip ah ei biak theina ding un,’ ti la kiang ah hung gen dingin ei sawl a. Himaleh, nang in tu’tiang ah hinle a thu la ngai nai puai.

THUPILTE 30:4

Kua a hem van ah kaldok ah hung kumtha kit chu? Kua a hem a khutpêk sung ah hui kichoi thei chu? Kua a hem puan ah tui chûn thei? Kua a hem lei chung kawlkil zosia phu det? Ama chu kua a hia, a chapa min le bang a hem? Nang in la he ma ma hi!

ISAI 52:6

Ziaziakchun, ka mipite’n ka min hun he ta’n tiu in; zia hun phat chuleh, a kiang ua thugen chu keima ka hi ti hun he ta’n au; keima a genpa chu zia hin ka um hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

MATTHAI 1:21

Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

VAIHAWMTE 13:17

Ziaphatchun, Manoah in Lalpa vansawlchâk kiang in, “La thugente chu a hung guitun phat leh, ka hun chawihoi theina ding un, la min bang a hem ei hil in?” a tia.

VAIHAWMTE 13:6

Ziaphatchun, a hung ah a pawsal kiang in, “Pathian mi khat ka kiang in a hung ah, a mêl chu Pathian vansawlchâk a bang in, lau um ma ma khat ahi; khoilam ah hung kipan a hem ti ka dong pua’n, a min le ei gen diak puai;