PAWTDAWNA THU 3:10 - PATHIAN LEKHABU THIANGTHO (BSI)

¹⁰ Tichun, hung inla, ka mipi Israelte chu Aigupta gam ah kipat puidok ding ah Pharaoh kiang ah chia dingin nangma hun sawl ding ka hi,” a tia.

PAWTDAWNA THU 3:10 ပူးပေါင်းရင်းမြစ်များ

THILSIAM THU 15:13

Ziaphatchun, Lalpa chun Abram kiang in, “La suante chu amau gam hilo ah chun malzin in hung um intiu in, a nau hun sep piak in au, ti kichian tak in he ta’n: Chuleh, amau chun kum za li hun hi’genthei in au.

THILSIAM THU 15:14

Himaleh, a nau a sep piak uh namte chu keima’n hun vaihawm ing ka tin; ziazaw chuleh, nei leh lam tam tak tawh hung pawtdok in au.

SAM 105:26

A suak Mosi leh a mi têlchuam, Aron chu a kiang un a sawl a.

SAM 77:20

Mosi leh Aron khut in la mite chu, belamhon gual in la puidok tai.

PAWTDAWNA THU 12:40

Aigupta gam ah Israelte châm sung chu kum za li leh sawmthum ahi.

PAWTDAWNA THU 12:41

Kum za li leh sawmthum a ti’n ni ma ma ah chun, Lalpa’n a mite zosia Aigupta gam ah kipat in a hun puidok tai.

PAWTDAWNA THU 33:12

Ziaphatchun, Mosi chun Lalpa kiang in, “Ngaitia, nang in ka kiang in: Zia mite hi vapui to in lei tingal ah; himaleh, ka kithuapi ding ah kua hun sawl ding la hem ti lei hetsak pua hen. Nang in la, ‘La min ka hun hechian hen, ka mittung ah um la hi ti le ka henai,’ la ti ngal in.

PAWTDAWNA THU 33:13

Tu’hin, la mittungna ka hi chun, nangma ka hun hetchian theina ding leh la mittung ah ka um zing theina dingin, tu’ ma ma hin la lampite hi lungsiat tak in ei hetsak ta’n la; chuleh, zia mipite hile nangma mi ngei a hiu ti ngaitua ta’n la,” a tia.

PAWTDAWNA THU 6:26

Lalpa chun, Mosi tawh Aron kiang ah, “Ziate hi a hon hon in Israelte chu Aigupta gam ah kipat in puidok un,” a la tite chu a hiu a.

HOSEA 12:13

Jawlnei pakhat mang in Lalpa‘n Israel chu, Aigupta ah kipat in a la puidok ta’n, jawlnei pakhat in a chingtup tai.

MIKAH 6:4

Aigupta gam ah kipat in ka hun puidok la hi’ngal un, suak la hi’nau ah kipat ka hun tatdok la hiu; a hun pui dingin, Mosi, Aron leh Miriam ka hun sawl ta kha.

NASEPTE 7:34

Aigupta gam ah ka mite chu, sukgenthei ah a umdan uh ka mu ta’n, a maunateu le ka he ta’n, amau hukdok ding ah hung suk ka hi. Tu’hin hung in, Aigupta gam ah hun sawl ding ka hi,” a tia.

NASEPTE 7:36

Ama chun Aigupta gam ah kipat, Tuipi San ah te leh kum sawmli gamthip ah a châm sung ua chun, thilmakte leh tepte’nate etsak pek in, a puidok a.

NASEPTE 7:6

Chuleh, Pathian in a suan leh pâkte chu midangte gam ah, suak nasem leh genthei tak in kum zali sung chêng in au, ti’n a gen zo tai.

NASEPTE 7:7

Pathian chun, himaleh, a na a seppiakteu chung ah chun keima’n vai hun hawm ing ka tin, ziazaw chuleh, hung pawtdok intiu in, zia mun ah hin keima ei hun ho ding a hiu, a la ti’n.

VAIHAWMTE 6:14

Ziaphatchun, Lalpa‘n ama chu a en ah, a kiang in, “La thahât lai hin chia inla, Israelte chu Midiante khut ah kipat in va hukdok ta’n; keima’n ka hun sawl la hi,” a hun tia.

1 SAMUEL 12:6

Samuel in mipite kiang ah chun, “Mosi leh Aron a la têldok ah, a pu leh pateu Aigupta gam ah kipat a la puidokpa Lalpa chu ei hiatpitu ahi.

1 SAMUEL 12:8

Jakob kha Aigupta gam ah a chên lai khan, Aiguptate chun a la êngbawl tau ah; Ziaphatchun, la pu leh pateu khan Lalpa a ko un; tichun, la pu leh pateu kha Aigupta gam ah kipat a puidok ah, zia gam ah chênsak dingin Mosi leh Aron kha a la sawl tai.