PAWTDAWNA THU 3:1 - PATHIAN LEKHABU THIANGTHO (BSI)

¹ Mosi chun a sungpa Jethro, Midiante thiampupa belamte chu a ching ah; belamte chu gamthip khêl lam ah, Pathian tâng, Horeb tiang hial in a vaching a.

PAWTDAWNA THU 3:1 ပူးပေါင်းရင်းမြစ်များ

1 LENGTE 19:19

Tichun, zia kipat chun a kipandok ah, Shaphat chapa Elisha loukai lai chu a vamu ta’n. A ma-âng in bawngchal ngawngkol kitua sawm leh khat a um un; ama chun a sawm leh ni’na chun lou a kai ah. Elijah chun a kiang a vahaw ah, a puanâkchual chu a se’khum tai.

1 LENGTE 19:8

A tho ah, a ne’ a dawn tai; zia a an nêk in a hatsakna jal ah chun, ni sawmli leh jan sawmli, Pathian tâng Horeb tiang in a chia tai.

SAM 106:19

Horeb tâng ah bawngno lim a siam un, milim kisung chu a ho tau a.

PAWTDAWNA THU 17:6

Horeb ah Suangpi chung in la ma-âng ah a la ding di ka hi. Suangpi chu jep in la tin, zia kipat chun mipite dawn ding tui hung pawt ding ahi,” a tia. Zia gual chun, Israel upate mit mu ah chun Mosi’n a bawl tai.

PAWTDAWNA THU 18:12

Chuleh, Mosi sungpa Jethro chun hâlmang thillat leh kithoinate chu Pathian â dingin a hun la; chuleh, Aron leh Israel upate zosia chu, Pathian âng ah Mosi sungpa an nêkpi dingin a hung khawm tau hi.

PAWTDAWNA THU 19:11

a nithum ni ding ah chun kiging uh hen; a nithum ni leh Lalpa chu Sinai tâng chung ah chun mipite zosia mit mu in hung suk ding ahi.

PAWTDAWNA THU 19:2

Rephidim mun ah kipat in a hung pawt ua, Sinai gamthip a hung tung ua; zia gamthip ah chun giamun a khual tau a: zia tak tângbul ah chun Israelte chu a giak tau a.

PAWTDAWNA THU 19:3

Ziaphatchun, Mosi chu Pathian kiang in a chia to ah; Lalpa’n ama chu tâng ah kipat chun a hun ko in, a kiang in, “Jakob Inkuante kiang in zia gual hin gen inla, Israelte chu hil in:

PAWTDAWNA THU 2:16

Midiante thiampu chanu pasagi a neite chu tuikhai ah hung in, tui a thâl un, a pau belam honte dawn dingin a tuikuang ah chun a sung un.

PAWTDAWNA THU 2:18

Chuleh, a pau Reuel kiang lam a hung tun kit phat un, “Bangatia tu’ni hi hung tung kit pai ziang la hiu em?” a la tia.

PAWTDAWNA THU 2:21

Mosi’n ziapa kiang ah umden ding chu lem a sa’n; chuleh, ama chun Mosi kiang in a chanu Zipporah a ji dingin a pia tai.

PAWTDAWNA THU 24:13

Tichun, Mosi’n a kithuapipa Joshua pui in a kipandok ta, Mosi chu Pathian tâng ah chun a kal to tai.

PAWTDAWNA THU 3:12

Ama chun, “Keima’n nang hun umpi ing ka; chuleh, zia hi keima hun sawl ngei la hinai ti tepte’na hi’n a: Mipite chu Aigupta gam ah kipat la hun puidaw phat leh, zia tâng chung ah hin Pathian ho ding la hi,” a tia.

PAWTDAWNA THU 3:5

Ziaphatchun, ama’n, “Hun nai kin! La kengtawdap kha sût in; la dinna mun kha mun thiangtho ahi ngal in,” a hun tia.

PAWTDAWNA THU 33:6

Chutichun, Israelte’n a kicheinateu chu Horeb tâng ah kipat chun a lîptha tau a.

PAWTDAWNA THU 4:18

Mosi chu a talpupa Jethro kiang a hung tun kit phat ah chun a kiang in, “Lungsiat tak in Aigupta gam lam ah ka chipite kiang ah ei chiasak kit inla, amau chu a dam dam le ahi nau em ti vakan tha’ng ka,” ti’n a don a. Jethro chun, “Thamuang tak in vachia ta’n,” a tia.

PAWTDAWNA THU 4:27

Aron kiang in Lalpa chun, “Mosi dawn dingin gamthip ah vachia in,” ti’n a sawl a. Tichun, ama le a chia ngal ah; chuleh, Pathian tâng ah chun a vatuak ah, a chawp tai.

AMOS 1:1

Judai gam ah lengpa Uzziah leh Israel gam ah lengpa Joash chapa, Jeroboam vaihawm hun lai in, lînlîng masang kum ni ah, Tekoa mun ah belam ching mi lak ah mi, Amos in Israelte chung thu a mu chu:

MALAKI 4:4

Ka suakpa Mosi zilsakna leh Horeb tâng ah Israelte â ding ah ka thuguatte, ka dan thute leh ka thupiakte kha hezing un.

KISIMNA LEKHABU 10:29

Chun, Mosi’n a sungpa Midian mi Reuel chapa, Hobab kiang ah chun, “Kei haw hi Lalpa‘n ka kiang un, ‘Zia gam chu hun pia ding ka hi,’ a ti’na gam zuan ah chia ka hiu ah; nang le ka lak un hung pang in, pha tak in hun bawl ing kau; Lalpa chun Israelte â dingin thilpha ei tiam ta ngâl a,” a tia.

KISIMNA LEKHABU 10:33

Chutichun, Lalpa tâng ah kipat in a kipandok un, Lalpa thuthung thingkuang a ma lam un giamun kitûpna mun hawl lawk dingin ni thum lam in a jawn un;

LUKA 2:8

Zia tuam ah chun belam chingte lawi khat a um un; amau chu gamtalai ah a belamteu ching ah jan giak a hiu a.

NASEPTE 7:30

Kum sawmli nung in, Sinai tâng gamthip ah chun, a kiang in Pathian ah mi pakhat, thingbuk lak ah meikuang in a hung kilâk a.

DAN LEKHABU 1:2

(Horeb tâng ah kipat Kadesh-barnea chu Seir tâng gam haw malam ah ni sawm leh khat chiana gamla ahi).

DAN LEKHABU 1:6

Lalpa I Pathian un Horeb tâng ah khan I kiang un, “Zia tâng ah hin la um sawt talua tau hi.

DAN LEKHABU 4:10

Horeb tâng ah Lalpa la Pathian âng ah la din lai ua, Lalpa‘n ka kiang ah, “Mipite chu ei ko khawm piak inla, ka thu hil ing ka; lei chungah a dam sungsiau ah ei lau theina ding uh leh a chateu a hilsawn theina ding un;

VAIHAWMTE 4:11

Zia hun ah chun, Kent mi Heber kiti, Mosi talpupa Hobab suante lak ah mi chu, Kent mite lak ma ma ah kipat nawkdok in, Kedesh kiangchin ah Elon-bezaa-nannim mun ah puanbûk a la suang ta’n.

1 SAMUEL 16:11

Jesse kiang ah Samuel in, “La chapate zia hin a um kim awm?” ti’n a dong ah. Ama chun Samuel kiang in, “A naupang pen chu a um nalai ah; himaleh, ama chu belamching ah pang ahi,” ti’n a dawnhu a. Jesse kiang ah chun Samuel in, “Ama chu ko inla, hun pui in; ama zia tak hi a hung tun masang sia kithoina chu lân theilo ding I hiu,” ti’n a gen a.