PAWTDAWNA THU 28:9 - PATHIAN LEKHABU THIANGTHO (BSI)

⁹ Chuleh, Onik suang mantam pani la’n la, zia chung ah chun Israel nam sawm leh nite min la sut ding ahi.

PAWTDAWNA THU 28:9 ပူးပေါင်းရင်းမြစ်များ

THILSIAM THU 2:12

Zia gam ah sana chu a hoi ma ma ah; zia tak ah chun bdelium leh onik suangmantamte le a um hi.

1 KHANGTHU 29:2

tichun, ka hi’thei tawp sua in ka Pathian Insakna van ding chu ka la guanggal ta’n; sanate chu sana ah pang dingin, dangka thikte chu dangka thik ah pang dingin, sum-engte chule sum-eng ah pang ding, thikte chule thik ah pang dingin, thingte chule thing ah pang dingin leh a zechuam chuam ah cheina ding onik leh suang mantam chi chuam chuamte, suang mantam jat chuam chuamte leh marbul tam tak, kiningting tak ah mat dingin ka lakhawm zo tai.

2 KHANGTHU 2:7

Ziaziakchun, tu’hin Judai gam leh Jerusalem khua ka pa David in mi khutthiam a la neisate kithuapi a: Sana, dangka thik, sum-eng, thik leh puan sandup leh a dum leh a zia chuam chuam leh thil khuak thiamte ei hun sawl piak inla;

JOB LEKHABU 28:16

Ophir sana’n a tuk thei pua’n, onik leh sapphire suang mantamte’n le, a tuk zo puau hi.

PAWTDAWNA THU 25:7

thiampu puanâk chual leh awmphaw jemna ding ah Onik leh suang mantam chi taphot le hi’n a.

PAWTDAWNA THU 28:10

Pagukte min chu suang khat ah chun sun inla, a dang pagukte min chu suang pakhat zawk ah chun la sut ding ahi; a pian dan uh kizom dungzui in sun in.

PAWTDAWNA THU 28:20

a tian li’na chun: beril, onik leh jaspar tiang in: zia suang mantamte hi sana kikhuak sung ah chun phum chiat ding ahi.

PAWTDAWNA THU 28:36

Sana pêk lekhazik theina ding siam inla, min namna gual ah kijemhoi in, “Lalpa â ding ah Thiangtho,” ti sun in.

PAWTDAWNA THU 28:8

Puanâk chual chung ah um, a kawnggâk ding chule zia kisiam dan gual ma chu mang in la siam ding ahi; chuleh sana, puan malngat leh thuksa puan nem, a dum, a sandup leh a sandângte hi’n a.

PAWTDAWNA THU 31:5

suang sêk ding leh thing dawi dan dan ah khuak ding leh khutthiam thil tincheng bawl dingin.

PAWTDAWNA THU 39:13

a tian li’na chun beril, onik leh jaspar suangte a hiu a; amau chu min namna kijemmawi gual chiat ah bawl ahi.

PAWTDAWNA THU 39:6

Chun, sana pumphial ah Onik suang umte jemna jam kual vêl kikâl ah te chun, Israel chate min dungzui chiat in min namna gual in a zik a.

SOLOMON LÂ 8:6

La bânpuam ah tepte’na um gual ah khan, la lungchang ah tepte’na’n ei koi in; thi’na gual tuk in hepina hile a hat in, ûtna hile mithi khua gual khop in a hat hi. Meikuang gual in a diang jak in, gamkâng mei gual in a jam jak hi.

ISAI 49:16

En tiam in, ka khutpêk sung ah hin, ka hun zik lut la hi tai; la kulbângte chu ka ma-âng in a um zing hi.

EZEKIEL 28:13

Pathian huan, Eden ah la um hi; suang mantam chitin: karnelian, topaz leh jaspar, krusolit, beril leh onik, saphir, karbankul leh emeral, zosia hi la kicheina a hiu a; la kicheina zosia chu sana ah kisiam ngen ahi. Nangma kisiam ni khan ziate zosia hi, nang â ding ah siam ahi tau hi.

ZEKARIAH 9:16

Ziaphat chuleh, Lalpa a Pathian un hukdok ta’n a, amau chu a gan-gual mipite a hiziak un; lallukhuk ah suang mantam um gual in a gam uh chun vâk ta’n au.