PAWTDAWNA THU 28:3 - PATHIAN LEKHABU THIANGTHO (BSI)

³ Chuleh, mi khutthiamte, lemhiatna thagau ah ka thuam zosiate kiang ah gen inla, Aron chun thiampu’na kei â ding ah ei sep piak theina ding ah hithiantho a hung hitheina dingin a kithuamna dingte chu bawl piak uh hen.

PAWTDAWNA THU 28:3 ပူးပေါင်းရင်းမြစ်များ

1 LENGTE 7:14

Ama chu Naphtali nam ah meithâi pakhat chapa ahi’n; a pa Tura mi chu sum-eng ah thilbawl thiam a la hia; ama chu, thiamna, pilna, hetna leh sum-eng ah thil bawldan thiamna’ dim ahi. Ama chu Lengpa Solomon kiang in a hung ah, a sep ding zosia chu a sêm pan tai.

PAWTDAWNA THU 35:10

La lak ua mi khutthiam zosia chu hung khawm uh hen la, Lalpa’n bawl ding ah thu a piak zosiate chu bawl uh hen; a biakbûk,

PAWTDAWNA THU 35:25

Numei them thiam zosia’nle pat a khêk ua, zia a patkhêk uh, a dum, a sandup leh a sandângte leh puan malngatte chu a hun lakhawm un;

PAWTDAWNA THU 35:30

Mosi chun Israelte kiang ah chun: “Ngai tiam un, Lalpa chun Judah nam ah mi Hur chapa Uri, zia mipa chapa Bezalel chu a teldok tai;

PAWTDAWNA THU 35:31

zia mipa chu lemhiatnate, hetthiamnate, hetnate, bangkim bawldan thiamnate;

PAWTDAWNA THU 35:35

Ama chu nasep tincheng sêm ding ah khut thiamna, pat a dum, a sandup leh a sandângte siam dan leh puan malngat jem bawl leh ga dan leh, thilbawl ding dan zosia guanggal thiamnate nei dingin lungthim pilna’n a thuam tai.

PAWTDAWNA THU 36:1

Bezalel leh, Oholiab tawh mi khutthiam taphot, Lalpa’n thu a piak dungzui ah mun thiangtho ah na zosia sêm thei ding ah pilna leh hetthiamna a piak cheng bep chun a sak ding uh ahi, a tia.

PAWTDAWNA THU 36:2

Bezalel tawh Oholiab tawh mi khutthiamte, Lalpa’n a lunggil ua pilna a piak ah, zia na chu sêm ding ah lunggil tak ah phûlna nei taphot chu Mosi’n a ko a:

THUPILTE 2:6

Lalpa‘n zia gual mi chu pilna a pesek in, a kam ah kipat chun pilna leh, hetthiamna a hung pawt sek a;

ISAI 11:2

Pilna leh hetthiamna Thagau, lemhetna leh hatna Thagau, hetna leh Lalpa launa Thagau, Lalpa Thagau ngei chun hun thuam ta’n tin,

EPHESA 1:17

I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

DAN LEKHABU 34:9

Chun, Nun chapa Joshua chu Mosi in a chung ah a khut a ngat ziak in, pilna thagau in a dim ah; Lalpa‘n Mosi thu a la piak gual gual in Israelte’n a thu a mang tau a.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.