PAWTDAWNA THU 27:21 - PATHIAN LEKHABU THIANGTHO (BSI)

²¹ Kikhopna biakbûk ah, puanjak pawlam ah thuthung thingkuang âng lam ah chun Aron leh a chapate chun, nitâk ah kipat jingkal kit tiang ah Lalpa âng ah mit lo ah kuang zing dingin a guanggal diu ahi. Zia hi Israel chate â ding ah a khang a khang ua, kumtuang ah a bawl zing ding ua ka thuguat det tak chu ahi, a tia.

PAWTDAWNA THU 27:21 ပူးပေါင်းရင်းမြစ်များ

THILSIAM THU 1:5

Pathian in vâk chu, “Sûn” a sak in, thim chu, “Jan” a sa ta’n; chun, nitâk lam a um ah, jingkal lam le a hung um gêl tai, a ni khat ni ah chun.

THILSIAM THU 1:8

Tichun, Pathian in vânthamjawl lian tak chu van a sak hi. Chutichun, nitâk lam a um ah, jingkal lam le a hung um gêl tai, a ni ni ni’ chun.

2 KHANGTHU 13:11

Amau haw chun jing leh nitâk si’n ah, Lalpa kiang ah kithoina, hâlmang thillat leh gimtuite chu hâl in, sana thiangtho dawkan ah chunle vaithum haw chu tiang in, nitâk si’n leh sana thaumeite chu a vak zingna dingin a chingtup zing ui; kei haw hin Lalpa ka Pathian thupiak uh chu ka vop zing un, nanghaw’n vang la nusia tau ahi kha.

SAM 134:1

Lalpa suak, Lalpa In ah jan sîn ah ding sekte haw, hung unla, Lalpa chu pâk tau in!

PAWTDAWNA THU 12:14

Zia ni hi nang uh â ding ah het zing ding hita’n a. La suanteu tiang ah Lalpa â ding ah Kût a la mat zing ding ua dan ah siam in, kumtuang ah Kût ah la mat diu ahi.

PAWTDAWNA THU 16:34

Lalpa chun Mosi thu a piak dungzui ah chun Aron in thuthunna thingkuang ah chun a um zing dingin a koi tai.

PAWTDAWNA THU 25:16

Thuthung ka hun piak ding hi zia thingkuang sung ah chun la koihe ding ahi.

PAWTDAWNA THU 28:43

Ziate chu Aron tawh a chapate’n, mipite kikhopna biakbûk sung ah nasêm ding ah a lut phat ua leh, mun thiangtho, mâichâm mai ah a hung ding tak ua leh a chên sek diu ahi: chutilochun, gitlona kithoina ding ah thillat a hun choi phat ua leh amau chu maw chang ah um in, thi kha’n au. Zia hi ama tawh a nung ah a suante zosia â ding ah kumkhua a bawl ding uh dan ka guat chu ahi.

PAWTDAWNA THU 29:28

Zia chu Israel suante lak ah kumtuang ah Aron leh a cha pawsalte chantum ding ah guat chu hi’ntin; zia chu pei thillat ahi: kichamna thillat a kithoinateu lak ah Israel suante’n a pei thillat ding uh chu hi hen, Lalpa â ding ah pei thillat ngei chu ahi ngal a.

PAWTDAWNA THU 29:42

Zia chu la suante tiang ah mipi kikhopna biakbûk kotbul ah, Lalpa âng ah hâlmang thillat bawl zing sek ding hi’ntin; zia tak mun ah chun hun kihopi dingin hung sek ding ka hi’ngal a.

PAWTDAWNA THU 29:44

chuleh, mipi kikhopna biakbûk leh a mai lam chu hi’thiangtho ing ka.

PAWTDAWNA THU 30:21

A thi lona ding un a khut leh a kengteu chu sil sek intiu in; zia chu amau â ding ah kumtuang ah a zui ding ua chawn dan chu hi’ntin, ama leh a suante’n a khang zosiau ah a zui ding uh ahi,” a tia.

PAWTDAWNA THU 30:36

Bang jat a hem chu gawt buang dim dem inla, ka hun hosekna ding mun, kikhopna biakbûk sung ah thu hiatsakna mun ah chun koi in: Zia chu nang uh â ding ah thilzek thiangtho pen hi’n a.

PAWTDAWNA THU 30:8

Aron in nitâk lam ah thaumei a det zaw phat leh, zia mâichâm chung ah chun gimtui hâl intin, la khang zosiau ah Lalpa ma ah gimtui ahi zing ding ahi.

PAWTDAWNA THU 40:3

Thuthunna Thingkuang chu In sung ah koi lut in la tin, thingkuang khû ding puanjak chule la jak ding ahi.

THIAMPUTE LEKHABU 10:9

“Nang leh, la chate a hem inle mipi kikhopna biakbûk sung ah la chia lai un, zu leh khamthei thil him him la dawn lo ding uh ahi; achutiloleh, thi mai ding la hiu: Zia hi la suanteu tiang ah kumtuang dan ah la nei ding uh ahi.

THIAMPUTE LEKHABU 16:34

Zia hi Israelte gitlona zosia tatna ding ah kum khat ah khatvei la bawl ding uh chu ahi, a tia. Tichun, Mosi’n Lalpa thupiak gual in a bawl tai.

THIAMPUTE LEKHABU 17:7

tichun, thithate kêlcha kiang ah kithoina a piak ua, nawchi ei zoksan tâklona ding ua, a khang zosiau ah a zui ding uh dan chu ahi.

THIAMPUTE LEKHABU 23:14

La Pathian kiang ah la hun lat masang sia chu, vaithum ah huan a hem, kanthaw a hem leh a sial ah la nêk lo ding uh ahi: Ziate hi la chênnau taphot ah la suan zosia tiang ua, la kumkhaw dan ding uh chu ahi.

THIAMPUTE LEKHABU 23:21

Zia ni chu khawmpi thiangtho ahi ti ah puang in mang unla, na la sep lo ding uh ahi. Zia hi la chênnau zosia ah la khang zosiau â ding ah dan thu guat chu ahi.

THIAMPUTE LEKHABU 24:2

Thaumei a vâk zing theina dingin, meivak tui ding a Oliv thau kithitthiang hun la dingin Israelte thu pia’n la.

THIAMPUTE LEKHABU 24:3

Kikhopna biakbûk sung hetpina puanjak pawlam ah; Lalpa âng ah nitâk ah kipat jingkal tiang ah la vak zing ding uh ahi ti, Aron in thu a piak ding ahi: Zia hi la suanteu tiang ah la bawl zing ding dan uh chu ahi.

THIAMPUTE LEKHABU 24:9

Zia chu Aron tawh a chate â ding hi’ntin, Mun Thiangtho sung in a nêk ding uh ahi: Zia chu kumkhaw dan dungzui ah, Lalpa kiang ah mei ah thil kilânte lak ah amau chantum thiangtho pen chu ahi ngâl a, a tia.

THIAMPUTE LEKHABU 3:17

Zia hi khoi gam ah chêngleu chinle, la khang tin ua la bawl zing ding ua dan kisiam chu ahi: Sathau a hem, sa thisan a hem la nêk him him lo ding uh ahi, a tia.

THIAMPUTE LEKHABU 3:8

la thillat luchung ah la khut ngat in. Zia chu kikhopna biakbûk paw lam ah la thâlup ding ahi; tichun, Aron chapa thiampute chun a thisan chu mâichâm a the’ kîmvêl ding uh ahi.

THIAMPUTE LEKHABU 6:15

Changbuang lat ding ah um sathau tawh kihel, begaw kibuak khum ah kipat in, a leng ah thasâng in a khut dim khat hamdok intin, zia chu Lalpa â ding ah gimtui a hitheina dingin, mâichâm ah chun a hâltum ding ahi.

THIAMPUTE LEKHABU 7:36

sathaunu’ ahi niu ah kipat Israelte’n a piak ding ua Lalpa‘n thu a piak, zia chu kumtuang ah a suanteu tiang in a bawl ding uh ahi.

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

KISIMNA LEKHABU 18:23

Levite’n kikhopna biakbûk na zosia sêm intiu in, a thiamlonau chu amau in a kipuak ding uh ahi; zia hi a khang a khang ah la suanteu tiang ah a chantum ding uh chu ahi. Israelte lak ah kipat in vang gam chan nei pua’n au;

KISIMNA LEKHABU 18:5

Israelte chung ah ka lungnatna a puanjak kît lona dingin, nangma ngei ngei in mun thiangtho ah sep leh bawlte leh, mâichâm ah sep leh bawlte chu la mawpuak ding ahi.

KISIMNA LEKHABU 19:21

Zia hi kumkhua la dan thuthung ding uh chu ahi. Hi’thianna tui thinkhum pen chun a puansawp in ah; zia kihi’thianna tui sukha taphot chu nitâk lam tiang in a buak ding uh ahi ngâl a.

KISIMNA LEKHABU 35:29

Zia dante hi nang uh â ding a, a khang a khang ah, la chênnau gam tin ah, la thutanna ding dan uh thuthung chu ahi.

KISIMNA LEKHABU 8:9

Kikhopna biakbûk In mai tual ah chun Levite chu pui inla, Israel mipi zosia ko khawm in.

MATTHAI 4:16

‘Thim nuai ah chu te chun vâk lopi tak chu a mu tau in, thina lîm guam ah chu te chung ah chun, vâk a hung suakdok tai,’ tia a gen kha a hung guitun theina dingin”.

LUKA 12:35

La kawng uh gâk unla, la thaumei uh vâksa’n um un;

JOHAN 5:35

Ama kha thaumei kuang zing leh vâk chu ahi, chomkhat a vâk ah chun kipak tak ah a jal zaw la nop uh kha!

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

2 PETER 1:19

Tichun, genlawkna thu det zaw diak I nei ui, khua a hung vâk ah, jingsol aksi chu la lung sung ua a suak masia, zia chu thim lak ah thaumei vâk a ngaisak gual ua la ngaisak ua leh a hi’pha hi’n lau.

THUPUAN 2:1

Ephesa khua kochuam vansawlchâk kiang ah chun zia gual hin zik in: A khut changlam ah aksi pasagi chawi ah, sana thaumei koina pasagi lak ah vâk lumlet khan zia thu hi a gen hi:

1 SAMUEL 3:3

Lalpa âng ah thaumei chu a mit ma deu in, Lalpa tempul sungah Pathian thuthung thingkuang umna mun ah chun Samuel chule a lumah.

1 SAMUEL 30:25

Zia ni kipat chun Israelte’n a zui ding uh dan thu a pia ta’n; tu’ni tiang hin a zui den tau hi.