PAWTDAWNA THU 25:8 - PATHIAN LEKHABU THIANGTHO (BSI)

⁸ A lak ua ka chênden theina dingin mun thiangtho pakhat ei bawl piak uh hen.

PAWTDAWNA THU 25:8 ပူးပေါင်းရင်းမြစ်များ

1 LENGTE 6:13

Israel chate lak ah chêng ing ka tin, ka mipi Israelte chu nusia lo ding ka hi,” ti in.

1 KHANGTHU 22:19

Tu’hin, la lungthim leh ngaituanau chun Lalpa la Pathian uh hawl tau in. Kipan unla, Lalpa thuthung thingkuang tawh, Pathian ûm leh bêl thiangthote chu a In ah koikhawm hiding in, Lalpa min in Lalpa Pathian a ding ah mun thiangtho chu hun tungding tau in,” ti’n a gen tai.

PAWTDAWNA THU 15:17

Aw Lalpa, la chênna ding ah la siamna mun, Aw Lalpa, la mun thiangtho, nangma khut in la sukdetna mun ngei ah chun; nang in amau chu la hun pui lût a, la tâng ngei ah chun la phut tai.

PAWTDAWNA THU 15:2

Lalpa chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

PAWTDAWNA THU 29:45

Tichun, Israel suante lak ah chun chêng zing ing ka tin, a Pathian uh hi’ng ka.

PAWTDAWNA THU 29:46

Chuleh, amau haw lak ah ka chêntheina dingin, Aigupta gam ah kipat puidok sek Lalpa a Pathian uh chu ka hi ti he ta’n tin uh: Keima Lalpa a Pathian uh ka hi.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

EZEKIEL 37:26

Amau tawh kichamna thuthung siam ing ka tin, zia chu a kiang ua ka kumtuang thuthung hita’n a; maljawl in, hi’pung ing ka tin, a lak un kumtuang ah umden dingin ka mun thiangtho chu koi ta’ng ka.

EZEKIEL 37:28

A lak ua ka mun thiangtho a umden phat leh, Israelte suthiangpa chu Keima, Lalpa hi ka hi ti he ta’n au.

EZEKIEL 43:7

ka kiang in, “Mihing, zia tak hi ka lalchutpha umna mun, ka kengpêk ngakna leh, ka mipi Israelte kiang ah kumtuang ah ka umdenna ding mun chu ahi. Israel Inkuante’n ka min thiangtho hi’buak kit ta pua’n au; amau leh a lengteu inle ângkawmna ziak leh a lengteu thiluang inle hi’buak kit ta pua’n tiu in,

THIAMPUTE LEKHABU 10:4

Mosi’n Aron paneu Uzziel chapa Mashael tawh Elzaphan a ko ah, a kiang un, “Hung kipan un, la unauteu saw mun thiangtho ah kipat in ladok unla, giamun pawlam in thakdok un,” a tia.

THIAMPUTE LEKHABU 21:12

Mun Thiangtho ah kipat pawtdok in, a Pathian Mun Thiangtho chu a hi’buak lo ding ahi; a Pathian sathaunu’na lal lukhuk a luchung in a um ngâl ah: Keima hi Lalpa chu ka hi.

THIAMPUTE LEKHABU 26:11

La lak un chêng ing ka tin, hun kiheimangsan ta pua’ng ka.

THIAMPUTE LEKHABU 4:6

thiampu’n gan thisan lak ah a khut dia in, them khat chu Lalpa ma-âng ah, mun thiangtho puanjak bul ah sagivei a the’ ding ahi.

ZEKARIAH 2:10

Aw Zion chanu, lim in La sa’n! Ngai in, la kiang ah chêng ding ah hung ding ka hi’ngal a, Lalpa‘n a tii.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

KISIMNA LEKHABU 5:3

a lak ua ka chênna, a giamun uh a hi’buaklona ding un numei hileh, pawsal hileh giamun pawlam ah la nawdaw ngâl ding uh ahi.

NASEPTE 7:44

I pu leh pateu khan, gamthip ah Mosi’n a mu gual tak ah hi’ding ah Pathian in a hil dungzui khan, hetpina biakbûk kha a nei tau hi.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

HEBRAITE 3:6

Himaleh, Khrista chu vang ama Insung in Chapa hi’ in a ginum hi; ama I muan ngamnau leh ama ah I kinepnau ah kipakna chu I tukdet zing ua leh ama Insung mite chu I hiu.

JOSHUA 22:31

Eleazar chapa thiampu Phinehas in, Reubente, Gadte leh Manassehte kiang ah chun, “Tu’ni hin zia thu hin Lalpa chung ah thil phalo bawl ah a la bawlkhial lo la hiziak un, I lak un Lalpa a um tak zet hi ti ka hiau; tu’hin, Lalpa lungnatna khut ah kipat in Israelte chu la hukdok tau ahi,” a ti tai.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.