PAWTDAWNA THU 25:2 - PATHIAN LEKHABU THIANGTHO (BSI)

² “Israelte chun kei â ding ah thilpiak pakhat chiat hun chawi dingin gen inla; kua’nle a lungthim ah kiphalna a nei dungzui chiat ua a piak taphot uh chu, ka kiang ah thilpiak dingin la sân ding ahi.

PAWTDAWNA THU 25:2 ပူးပေါင်းရင်းမြစ်များ

EZRA 1:6

A Invêngteu chiat in dangka ûm leh bêlte, sanate, thil chi chuam chuam, ganchate leh thil go takte chu, amau kiphalna dungzui ah a piakkhawmteu bân in panpi’na a pechiat tau a.

EZRA 2:68

Jerusalem khua Lalpa In a hung tun phat un, Pathian In chu a umna mun dik tak ah tundaw kit a hitheina dingin, Inkuan khenkhat lak ah luchangte chun amau kiphalna dungzui chiat un thawlawm a sep khawm tau hi.

EZRA 3:5

ziazaw nung ah chun hâlmang thil latte, tha thak kûtte leh Lalpa a ding ah kût zek thiangthote bawl zing kawm in, mi tin in Lalpa â ding ah thawlawm a kiphalnau dungzui chiat un a lakhawm sek ui.

EZRA 7:16

Jerusalem ah Pathian In ding sakna ah mipite leh thiampute’n, amau kiphal dungzui chiatah a piak khawm uh, Babulon gam sung pumpi sana leh dangka la mu zosiau chule paw khawm un.

NEHEMIAH 11:2

Chuleh, amau nopna dungzui ah Jerusalem khua chêng ding ah kipete chu mipite chun mal a jawl tau a.

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

PAWTDAWNA THU 25:1

Lalpa chun Mosi kiang in:

PAWTDAWNA THU 25:3

Amau ah kipat thilpiak la sân dingte chu ziate hi ahi: sana, dangka, sum-eng,

KISIMNA LEKHABU 18:24

Israelte chun Lalpa kiang ah a sawm ah khat piak zosiau leh Lalpa â ding ah thillat a koichuam zosiau chu, amau gochan dingin ka pedok ta ngâl a. Ziaziakchun, Israelte lak ah kipat in gambung chantum a nei lo ding uh ahi ka la ti ta ahi kha, a tia.

2 KORINTH 9:7

Mi zosia’n phal lo sa sa’n pawngchangsan ah piak ding ah ngai ah pia hilo in, lunggil ah a tup gual un pechiat uh hen; kipak tak ah pete chu Pathian in a kipakpi hi.

VAIHAWMTE 5:9

Ka lungthim chu Israel sepai hotute leh, mipite lak ah kipat thanuam tak ah, hung kipete kiang ngei in a kuandok hi. Lalpa chu pâk un.