PAWTDAWNA THU 24:4 - PATHIAN LEKHABU THIANGTHO (BSI)

⁴ Mosi chun Lalpa thugen zosia chu a zikdok ah. Jingkal matak in a tho ah, tângbul ah chun mâichâm pakhat a siam ah, Israel nam sawm leh ni tawh kituak in, khuam sawm leh ni a phut a.

PAWTDAWNA THU 24:4 ပူးပေါင်းရင်းမြစ်များ

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 28:18

Chun, Jakob chu jingkal ma tak in a tho ah, a suang khapchâk chu a la’n, suang chu a phu ah, sathau a sunkhum a.

THILSIAM THU 28:22

zia suang, suangphu ding ah ka phu hile Pathian In hi’ntin: chun, ka kiang ah lei piak zosia chu sawm ah pakhat hun pia ngêi ngei ing ka,” ti’n a kitiam tai.

THILSIAM THU 31:45

Tichun, Jakob in suang pakhat a la’n, a phu a.

1 LENGTE 11:30

Ahijah in a puanthak âklai chu a tudet ah, phel sawm leh ni’n a botthêk tai.

1 LENGTE 18:31

“La min Israel hita’n a,” ti ah Lalpa thu a la thunna Jakob chapate nam sawm leh nite dungzui in, Elijah chun suang sawm leh pani a la;

EZRA 6:17

Zia Pathian In latna dingah chun, bawngchal za khat, belamchal za ni, belamno za li leh Israelte zosia gitlo thoina dingin, Israel Inkuan sawm leh nite dungzui in kêlchal sawm leh ni le a lân tau hi.

NEHEMIAH 10:1

Zia thuthung kisiam ah suai namte lakah chun Hakaliah chapa Nehemiah, gam awppa tawh Zedekiah;

PAWTDAWNA THU 17:14

Ziaphatchun, Lalpa chun Mosi kiang in, “Hetzingna dingin zia hi lekhabu khat in zik inla, Joshua het dingin gen kit in: Amalekte chu van nuai ah kipat in nuaimang ding ka hi,” a tia.

PAWTDAWNA THU 17:15

Tichun Mosi’n mâichâm pakhat a siam ah, a min dingin Jehovah Nissi ti a sak tai.

PAWTDAWNA THU 21:1

Ziate hi mipite ma-âng ah la taklat ding dan thuguatte chu ahi:

PAWTDAWNA THU 24:7

Ziazaw chun, thuthung lekhabu chu a la, mipi zosia het in a simdok ta’n; amau chun, “Lalpa’n a gen zosia chu bawl in, a thu le awi ing kau,” ti’n a hun dawnhuu a.

PAWTDAWNA THU 28:21

Suang mantam sawm leh ni, Israel chate min dungzui in um intin; min namna khutsebi kijem mawi gual in nam sawm leh nite chiat adingin a min uh la sut ding ahi.

PAWTDAWNA THU 34:27

Lalpa chun Mosi kiang in: “Zia thute hi zik tiam in; zia dungzui ah hin nang leh Israelte kiang in thuthung ka siam ahi,” a tia.

ISAI 19:19

Zia ni phat chuleh, Aigupta gam lailung ah chun, Lalpa â ding ah mâichâm khat hung kidin intin; chuleh, a gamgi bul ah chun Lalpa min in khuam pakhat hung kiphut in a.

THIAMPUTE LEKHABU 24:5

Chângbuang nêl pha tak la’n la tin, pei sawm leh ni kang min in la tin; pei khat chu ephah se’sawm sua ah se’ni chiat hiding in.

KISIMNA LEKHABU 17:2

“Israelte kiang ah gen inla, a phung tin ua luchangte chiat lak ah kipat in, phung tin ah kipat tiangkhut pakhat chiat tiangkhut sawm leh ni hun lakhawm in. Amau min chu a tiangkhut un zik piak chiat inla;

LUKA 22:30

ka lenggam ah chun, ka dawkan ah an lei nekpi theina ding uh leh, Israel nam sawm leh nite vaihawmna lalchutpha ka kiang ah la hung chut theina ding un, a tia.

GALATIA 2:9

Tichun, hepina kei kiang ah piak ah um chu a mu phât un, Jakob, Kipha, Johan leh Inkhuampi ah a ngaiteu chun, kei uh Jentelte kiang ah chia ding leh, amau chu zektante kiang ah chia dingin, kei leh Barnaba chu kipawl theina khut changlam ei pia tau a.

DAN LEKHABU 31:9

Chun, Mosi’n zia dan chu a zikdok ah, thiampute, Lalpa thuthung thingkuang pua ah pang, Levi chate leh Israel upate zosia kiang in a pia’n.

JOSHUA 4:20

Chuleh, Jordan lui lai ah kipat a puak dawu suang sawm leh nite chu, Joshua’n Gilgal ah chun a phut ta’n;

JOSHUA 4:5

Joshua’n a kiang un: “Lalpa la Pathian uh thuthung thingkuang, Jordan lui lai ah um kha makhel unla, mi tin in la liangko un suang pakhat chiat, mi khat in Israelte lak ah phung khat chiat thasâng in puu in;

THUPUAN 21:14

Khawpi kulbâng chun suangphûm kingakna sawm leh ni a nei a, ziate ah chun sawlchâk sawm leh nite min a chuang a.