PAWTDAWNA THU 24:18 - PATHIAN LEKHABU THIANGTHO (BSI)

¹⁸ Mosi chu sûmpi lak ah chun a lut ah, tâng a chun a kal to in: Mosi chu tâng ah chun sun sawmli leh jan sawmli a vachâm tai.

PAWTDAWNA THU 24:18 ပူးပေါင်းရင်းမြစ်များ

1 LENGTE 19:11

A kiang in, “Pawtdok inla, tâng chung ah sawn Lalpa âng ah vading in, Lalpa‘n hun hawtheng ding ahi,” a tia. Zia chun hui hât tak in a hung hang a, Lalpa âng ah chun tângte chu a mût kêk ah, suangpite chule a mût phel tai; himaleh, hui ah chun Lalpa a um puai; chun, hui hân zaw ah chun lîn a hung lîng ah; himaleh, linlîng ah chunle Lalpa a um puai;

1 LENGTE 19:8

A tho ah, a ne’ a dawn tai; zia a an nêk in a hatsakna jal ah chun, ni sawmli leh jan sawmli, Pathian tâng Horeb tiang in a chia tai.

PAWTDAWNA THU 19:20

Sinai tâng chung ah Lalpa a hung suk ah, tângvûm a hung tun in, tâng chung lam ah chia to dingin Lalpa chun Mosi a hun kodok ah; tichun, Mosi chu a kal to tai.

PAWTDAWNA THU 24:17

Lalpa lopi’na kilang chu Israelte mit mu in tângvûm ah haltuina mei gual mai ahi.

PAWTDAWNA THU 25:1

Lalpa chun Mosi kiang in:

PAWTDAWNA THU 32:1

Mipite chun Mosi tâng ah kipat a hung suk kit hak talua tai, a tiu ah tichun, Aron kiang in a chia khawm ua a kiang in, “Kipan in, ka mau ei pui dingin pathian ei siam piak mai in; zia Mosi, Aigupta gam ah kipat ei puidokpa hi la bangti a hem ka he’phak ta puau in,” a hung tiu a.

PAWTDAWNA THU 34:28

Zia tak ah chun Lalpa kiang ah ni sawmli leh jan sawmli a hung um ah; an him him a ne pua’, tui le a dawn diak puai. Chutichun, a suangpêkte ah chun thuthung, thupiak sawmte chu a zik ta’n.

PAWTDAWNA THU 9:29

Mosi’n a kiang in, “Khawpi paw lam ka pawt daw phat leh Lalpa kiang in ka khutte jak ing ka tin; tichun, van-gi chawl intin, gialpi le ke diak ta pua’n a; tichun, lei chung pumpi hi Lalpa â ahi ti la hettheina dingin.

PAWTDAWNA THU 9:33

Tichun, Mosi’n Pharaoh a nusia in, khawpi pawlam in a pawtdok ah, a khutte chu Lalpa lam in a jakdok a; ziaphatchun, van-gi leh gialpi chu a chawl ta’n: gua chule lei chung ah chun a zu ta puai.

THUPILTE 28:1

Migilo chu del lo in a tai in, midik vang sakeibaknei gual in a hangsan hi.

MATTHAI 4:2

Ni sawmli leh jan sawmli an a ngawl nung in, a gil a hung kial ta’n.

MARKA 1:13

Gamthip ah chun Setan thep in ni sawmli a um a; gamsa lak in a um ah, vansawlchâkte chun na a hung sep piak tau a.

LUKA 4:2

Diabol thep in ni sawmli sung a um a. Zia hun sung ah chun bangma a ne puai; zia hun tawp lam ah chun a gil a hung kial tai.

DAN LEKHABU 10:10

A masa ka bawl gual khan, tâng ah chun ni sawmli leh jan sawmli ka vachâm ah; Lalpa‘n ka thu ei ngaithâk piak nalai ah, Lalpa‘n nanghaw chu a hun hi’mangthai nuam pua’n.

DAN LEKHABU 5:31

Nang la hileh vang, ka kiang ah hin ding zing in, a lua ding ua ka piakna mun a tun phat ua leh a zop ding uh ka thupiakte, dan thuguat leh thuthungte la hilsawn ding chu hun hil ing ka,” a tia.

DAN LEKHABU 9:18

Ziaphatchun, tu’ ma ka bawl gual in Lalpa ma-âng in, ni sawmli leh jan sawmli zet ka bokkhup ta’n, Lalpa mit mu ah thil sual huaisia tak bawl ah, a lung la hi’nat tâk ziak un, bangma ne lo leh dawn lo in ka la um ta ahi.

DAN LEKHABU 9:25

Lalpa‘n nanghaw a hun hi’ mangthai guat lai ah khan, Lalpa âng ah ni sawmli leh jan sawmli hial ka bokkhup a;

DAN LEKHABU 9:9

La kiang ua Lalpa‘n thu a thunna suangpêk la ding ah ka va chia to lai ah khan, ni sawmli leh jan sawmli zet ka vaum ah; anle ka ne pua, tui le ka dawn puai.