PAWTDAWNA THU 23:8 - PATHIAN LEKHABU THIANGTHO (BSI)

⁸ Golgûkna him him la lâk lo ding ahi; golgûkna hin vaihawmte mit a hi’thûm ah, midikte dikna a lebawl sek ziakin.

PAWTDAWNA THU 23:8 ပူးပေါင်းရင်းမြစ်များ

SAM 15:5

a pung thangaina ziak ah dangka thunglâk sak ngai lo mi; mawna neilo lanna ding ah, golgûknale la ngai lo mite ngei chu. Zia gual mi chu bangtik lai inle kilîng pua’n a.

SAM 26:10

A khut ua ngaituana phalo nei ah, a changlam khut golgûkna dimte lak in ei pansak kin.

THUPILTE 15:27

Lam diklo tak ah lawkna hawl ah du-âmte chun, a In sung â ding ah buaina a kisiam in; golgûkna dawilote chu vang hing in au.

THUPILTE 17:23

Mi nunsia chun vaihawmna dik pêtsanna dingin, golgûkna a la sek hi.

THUPILTE 17:8

Golgûkna hi a pete â dingin, suang dawi nei tawhbang ahi’n; a kiheina lam taphot in a lawting sek hi.

THUPILTE 19:4

Nei leh lam in gual leh pâi tam tak a siam in, chaga chun gual leh pâi a nei puai.

THUGENTU 7:7

Mi a nuaisianau ziakin mipil chule, mingol a hung suak têi sek un, golgûkna chun mi lungthim a hisiai.

ISAI 1:13

La kithoina thil latteu a thawn ahi; la gimtui uh haw le ka chimchâk hi. La thathak leh sabbath niteu leh, gûkkhel kawm ah khawmpi thupi tak ah la bawlteu hi, ka thokda lam tak ahi.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 33:15

Kuale dik tak ah tawi ah, dik tak ah thugen a, mi neisa lâkpiak ah punna doi lo ah, gawlgûkna la’lo ding ah a khut kaimang ah, thisan sua’na ding thu hetkhâk ding lau ah kivêng sek ah, thil phalo mu ding nuam lo ah mitsîng sekte chu,

ISAI 5:22

Uain dawn ah mihangsan leh, zuchîk tak ah kihel dawn ngam a,

ISAI 5:23

a thiamlote golgûkna ziak ah thiam chansak ah, bawlkhial neilote a diknau lâkpiakte haw, la chung uh a gik hi!

EZEKIEL 22:12

Nangma ah thisan sua’na dingin golgûkna a lau ah; sum bat man ding leh a sum pung la lau a; chuleh, la Invêngte neisa lâkpiak in kihihausat la guau a; tichun, keima lei hemil tau hi, Lalpa Pathian in a tii.

HOSEA 4:18

A zudawn uh a kichai phat leh, thanghuai tak in a kimang un; a lopinau sâng in a thanghuainau a ngaina zawu hi.

AMOS 5:12

La bawsiatnau a tam dan, la gitlonau a nasat dante, mi diktatte la sugenthei un, golgûkna la lau ah, vaihawmna kotkhak bul in mi tasamte la sawndok ui, ti ka he ngal a.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

DAN LEKHABU 10:17

Lalpa la Pathian uh hi pathiante zosia chung ah Pathian, lalte zosia chung ah Lal, Pathian Chungnung pen, hat leh lau um tak, kuama doichuam diak nei lo leh golgûkna la ngai lo leh,

DAN LEKHABU 16:19

Dikna chu manlo sua kiu inla, doichuam bîk la nei lo ding ahi; gawlgûkna le la kiu in; gawlgûkna chun mipilte mit a hi’thûm ah, a dikna thugen uh a changma sek hi.

1 SAMUEL 12:3

Zia hin ka um hi; ka chung ah lungkim lo zosia’n Lalpa leh a sathaunu’ ma-âng ah hin gen un. Kua bawngchal ka lâkpiak a um em? A leh, kua sabiltung ka lâkpiak a um em? ahiloleh, kua dawha bawl in a nei ka lâkpiak la um awm? Kua ka hun êngbawl la um awm? Mit kithumsak in kua kiang ah golgûkna ka la ngai em? Zia gual chu a um chun hun gen un, hun dit kit sik sek ing ka,” a tia.

1 SAMUEL 8:3

Himaleh, a chate hin ama umchan zui lo in, amau lawkna ding bep a ngaituau ah; golgûkna a lau ah, diklo tak in vai a hawm tau hi.