PAWTDAWNA THU 23:31 - PATHIAN LEKHABU THIANGTHO (BSI)

³¹ Chuleh, la gamgi chu Tuipi San ah kipat Philistinte Tuipi tiang; gamthip ah kipat Euphrates luipi tiang in gît piak ing ka; a gam ah chêngte chu la khut ah pia ding ka hi’ngal a: Chuleh, amau chu la ma-âng ah kipat in la nawdok ding ahi.

PAWTDAWNA THU 23:31 ပူးပေါင်းရင်းမြစ်များ

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

1 LENGTE 11:2

zia a ji lâk khawm namte chungchâng thu ah chun, Lalpa chun Israelte kiang ah zia gual hin a gensa ahi: “Amau numeite chu kichenpi kiu in la, nang uh numeite chule ji’n nei sak diak kiu in; achutiloleh, a pathianteu lam in la lungthim uh hun kai hei kha’n au,” ti in. Ahi’n, Solomon chu numei doichâkna’n zia numeite lam ah chun a kihei ta ahi.

1 LENGTE 20:13

Ziaphatchun, jawlnei pakhat Israelte Lengpa Ahab kiang in a hung to ah, a kiang in, “Lalpa‘n zia gual hin a gen hi: Zia mi tam takte hi la mu em? En in, zia chu tu’ni hin la khut ah pia ding ka hi; kei hi Lalpa chu ka hi ti hun he ta ding la hi,” a tia.

1 LENGTE 4:21

Solomon in Euphrates ah kipat Philistinte gam zosia, Aigupta gamgi tiang ah lenggamte zosia chung in vai a hawm ah; amau chun Sia’ a hun chawi ua, Solomon dam sung sia’n a na a sep piak tau hi.

1 LENGTE 4:24

Ama’n Euphrates tumlam gamte zosia, Tiphsah ah kipat Gaza, Euphrates lui ah kipat tumlam kâi ah lengte zosia chung in thu a nei ah; chuleh, a kîmvêl in muanna a um hi.

1 LENGTE 8:65

Tichun, zia hun ah chun Solomon leh Israelte kikhawm a kiang ah um zosiate chu, Lebo-hamath ah kipat leh Aigupta lui tiang ah kipat mipi hungte chu tawh, Lalpa I Pathian uh âng in kût ni sagi sung a mang tau a.

2 KHANGTHU 9:26

Euphrates luipi kipat Philistinte gam leh, Aigupta gamgi tiang huap sung ah gamte chung ah leng a la umsate chung in vai a hawm hi.

SAM 72:8

Ama’n langkhat lam ah tuisuagiat ah kipat, langkhat lam tuisuagiat tiang leh, Luipi Lian ah kipat kawl kîmvêl tiang in vaihawm hen.

KISIMNA LEKHABU 21:34

Himaleh, Lalpa chun Mosi kiang in, “Amau chu lau him him kiu in; ama tawh a mihing zosiau tawh, a gam uh la khut ah ka hun piaksa a hita ngâl a. Heshbon khua vaihawmpa, Amorte lengpa Sihon la bawl gual khan, ama chung inle bawl ding la hi,” a tia.

KISIMNA LEKHABU 34:2

Israelte chu thu pia’n la, chuleh, a kiang un: Kanaan gam chu la lût phat uh leh (la gamgi dungzui ah Kanaan gam la luana ding uh chu,)

DAN LEKHABU 1:7

Kichawn unla, Amorte chênna tâng gam leh a kîmvêl ua gamte: Arabah tâng gam zosia leh Saphelah, Negeb tuisuagiat pang gam niamna, Kanaante leh Lebanonte chênna gam zosia ah kipat Luipi Lian, Euphrates luipi tiang in chia pek un.

DAN LEKHABU 1:8

En un, la mau in gam chu ka hun koi piak ta la hiu; tichun, chiau inla, la pu leh pateu Abraham, Isak leh Jakob kiang leh amau nung ah a suan leh pâkteu in a lua ding ua piak ka la tiamna gam chu valua tau in,” a tia.

DAN LEKHABU 11:24

La keng ua la chotnau gam tapo chu nang uh â hita’n ah; la gam uh chu gamthip ah kipat Lebanon tâng tiang leh Euphrates luipi ah kipat tumlam Tuisuagiat chan hita’n a.

DAN LEKHABU 2:33

Lalpa ka Pathian un amau chu ka khut un ei pia ta’n; ama tawh, a suante tawh, a mipite zosia pum in ka that gam tau a.

DAN LEKHABU 2:36

Arnon lui pang ah um Aroer ah kipat (phâijawl ah khuate tawh pum in) Gilead tiang in, ka lâk zaw lo ding khop ua khawpi detdo a um puai. Lalpa ka Pathian un a leng un ei pia sik sek tai.

DAN LEKHABU 20:16

Himaleh, Lalpa la Pathian un la lua ding ua a hun piakna khawpi ah chêngte a hiu leh vang, a hing ah, a hathei taphot khêk nei lo ah la thâgam sik sek ding uh ahi;

DAN LEKHABU 3:2

Lalpa‘n ka kiang in, “Amau chu lau kiu in, a mipite tawh, a lenggam pumpi chu la khut ah ka hun pia ta ngâl in. Amor mi, Heshbon ah vaihawmpa Sihon la bawl gual ah khan amau chule la bawl ding ahi,” a ti’n.

DAN LEKHABU 6:19

Lalpa‘n a la tiamsa gual ah, la mau ah la mêlmateu zosia la naw daw theina ding un.

DAN LEKHABU 9:3

Tu’ni hin Lalpa la Pathian uh chu kâng mang sek mei kuang gual ah la ma lam ua chia pek ahi ti he tau in; Lalpa‘n la kiang ua a la tiamsa gual khan, amau la suandawu ah, la hi’mangthai theina ding un hun do piak in, hun zaw piak ding ka hi ti he tau in.

JOSHUA 1:4

Gamthip ah kipat Lebanon tâng leh Luipi Lian, Euphrates tiang ah Hit mite gam zosia tawh, tumlam ah Tuipi Lian chu la gam giu hi’n a.

JOSHUA 10:19

nang uh vang hung um den lo in, la mêlmateu del pek unla, a nung lam ua kipat in do pek un. A khawpiteu ah lutsak kiu in, Lalpa la Pathian un la khut un amau chu a piaksa la hi ta’ngâl un,” a tia.

JOSHUA 10:8

Lalpa‘n Joshua kiang in, “Amau chu lau him him kin, la khut ah ka piaksa ahi ta’ngâl un; a lak ua khat chale nang hun zo ding um lo a hiu,” ti’n a gen a.

JOSHUA 13:6

Lebanon ah kipat Misrephoth-maim tiang ah tâng gam ah chêng zosia leh, Sidon mite zosia tiang in a huap ah. A bawn un Israelte ma-âng in hun nawdaw piak ding ka hi; thu ka hun piak gual in, Israelte a gam luana ding chiat uh la hawm ding ahi.

JOSHUA 2:24

Joshua kiang in, “Lalpa‘n a gam pumpi chu I khut un ei pia tak tak na ahi; zia bep chule hilo in, zia gam ah chêng zosia chu ei uh ei lau in I âng un a timaw zo tau hi,” a tiu a.

JOSHUA 21:44

A pu leh pateu kiang ah a la kitiam gual in, kil tin ah kipat in Lalpa‘n muanna a pia ta’n; a mêlmateu zosia a khut un Lalpa‘n a piaksa ahi ziakin, a mêlmateu lak ah khat chale amau do ngam a um ta puau hi.

JOSHUA 23:14

Chuleh, tu’hin lei chung pumpi dan in chia ding ka hi tai; Lalpa la Pathian un la chung ua tung ding ah thilpha a la tiamsa zosia kha, pakhatle a thawn puai ti la lungthim leh ngaituana zosiau in la hechian ngâl ui.

JOSHUA 24:11

Jordan lui hung gâl kâi ah, Jeriko khua la hung tun phat un, Jeriko khua mite: Amorte, Perizte, Kanaante, Hitte, Girgashte, Hivte leh Jebus mite’n a hun do tau a; ahi’n la, amau chu la khut un ka hun pia ta ahi.

JOSHUA 24:12

La chemjam leh la thalpiteu ziak hilo in, la ma lam un khuaingal ka sawl ah, ziate chun Amorte leng pani chu la masang un a la del mang tau ahi.

JOSHUA 24:18

tichun, Lalpa‘n I ma lam un nam dang zosia leh a gam ah chêngsa, Amorte zosia a la deldok zo ta’n. Ziaziakchun, Lalpa na bep sêm ding ka hiu, ama chu ka Pathian uh ahi ngâl a,” ti’n a dawnhu tau a.

JOSHUA 24:8

Chuleh, Jordan lui gâl ah um Amor mite chênna gam in ka hun pui lût ah; amau in a hun do un; ahi’n, amau chu la khut un ka pia’n, a gam uh la lua tau ah; amau chu ka hun hi’mangthai piak ta ahi.

JOSHUA 8:18

Ziaphatchun, Lalpa‘n Joshua kiang in, “La khut ah chemjam chu Âi khua lam in lek ta’n; zia khua chu la khut ah hun pia ding ka hi’ngâl ah,” ti’n a hun gen ta’n. Tichun, Joshua’n le a khut ah chemjam chu khawpi lam in a vak lek tai.

JOSHUA 8:7

a nung lam ua la chân-gûknau mun chiat ah kipat hung pawt in, khawpi chu la hun bulu ding uh ahi; Lalpa la Pathian un la khut un hun pia ding ahi ngâl a.

JOSHUA 9:7

Himaleh, Israelte chun, Hiv mite kiang ah chun, “Ka lak ua chêng khatto hi’n lau e! Zia gual chu hileh bangti’n kichamna thuthung siam thei ding ka hiu em?” ti’n a dawnhuu a.

VAIHAWMTE 1:4

Judah chu a kuan to ah, Lalpa‘n Kanaan mite leh Periz mite chu a khut in a pia ta’n; Bezek ah chun mi sîng khat a vathat tau a.

VAIHAWMTE 11:21

Ziaphatchun, Lalpa, Israelte Pathian chun Sihon tawh a mipite zosia chu Israelte khut in a pia ta’n, Israelte’n a zo tau a; tichun, Amorte chênna gam chu a lua tau ahi.

1 SAMUEL 23:4

Ziaphatchun, David in Lalpa a dong kit ah, Lalpa chun, “Keilah ah chun chiau in; Philistinte chu la khut ah hun pia ding ka hi’ngâl a,” ti’n a hun dawnhu a.