PAWTDAWNA THU 23:25 - PATHIAN LEKHABU THIANGTHO (BSI)

²⁵ Lalpa la Pathian uh na la sep ding uh ahi: tichun, la an uh leh la tui uh hun maljawl ding ka hi; chuleh, la lak ua kipat natna lamang ding ka hi.

PAWTDAWNA THU 23:25 ပူးပေါင်းရင်းမြစ်များ

SAM 103:3

la manthei lona zosia a ngaidam ah, la natna zosia a hi’dam ah,

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

THUGENTU 5:20

Pathian in a lunggil ua kipakna a piak ziakin, a damsung niteu chom dan tak chule lunggêlna man nei him him pua’n au.

ISAI 33:16

zia gual mite chu munsâng leh, thawveng ah chêng intiu in; a kisêlnau chu suangpi lak ah kulte chu hi’ntin, a nêk ding uh piak hizing intiu in, a tui dawn ding uh kang ngai pua’n a.

ISAI 33:24

Chun, a gam sung ah chêng kuama’n, “Ka dam puai,” ti ngai ta pua’n tin; zia khua chêngte chu a bawsiatnau ngaidam hita’n au.

JEREMIAH 8:2

nisa, thapi leh van lam ah um zosia a thangai un, a thuu zui in, a nau a sep piak un; a dot leh a biakteu ma-âng ah chun thejak in um intiu in, luak khawm kit leh vui hita pua’n au; lei tual ah ki’dak buaksia gual mai in um ta’n au.

DANIAL 1:15

Ni sawm nung in lengpa’n nêk leh dawn ding a piak, tangval dangte sâng ah a mêlteu phazaw leh thau zaw in a mu ta’n.

THIAMPUTE LEKHABU 11:44

Keima Lalpa la Pathian uh ka hi’ngâl a; kisuthiangtho unla, thiangtho tak ah la um ding uh ahi: keima ka thiangtho ngâl a. Lei chung ah bokvâkte ziakin kisubuak kiu in.

THIAMPUTE LEKHABU 26:3

Ka dan bawlte la zui ua, ka thupiakte vop ah la zui uh chun,

MALAKI 3:10

Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

DAN LEKHABU 10:12

Aw Israel, tu’hin Lalpa la Pathian un a hun phût chu bang ahi tam? Ama Lalpa la Pathian uh la lau ua, a lampi zosia la zui ua, la hepiu ah, Lalpa la Pathian uh chu la lungthim zosia leh la ngaituanau zosia ah ama na bep la sep ding uh,

DAN LEKHABU 10:20

Lalpa la Pathian uh la lau ding uh ahi’n; ama bep chu la biak ding uh, ama min bep la vop det ua, ama min bep in la kihaksial sek ding uh ahi.

DAN LEKHABU 13:4

Lalpa la Pathian bep uh la zui ua, ama bep la lau ua, a thupiakte bep la zui ua, a aw bep la ngai ua, ama na bep la sep ua, ama bep la tûkchak ding uh ahi.

DAN LEKHABU 6:13

Lalpa la Pathian uh chu lau unla, ama na bep sêm in, a min bep in kitiam sek un.

DAN LEKHABU 7:13

hun hepi in, maljawl in, hun hi’pung in ah; la pu leh pateu kiang ah piak a la tiamsa gam ah chun la gil ua gate leh la gam ua theiga te, bu te, uain te, sathau te, la ganchateu leh la belamteu chu hi’pun piak in a.

DAN LEKHABU 7:15

La lak ua kipat natna zosia Lalpa‘n la mang in ah; Aigupta gam ah natna la la thokteu zosia kha la chung ua tun sak lo in, la mêlmateu chung in tung zaw ta’n a.

JOSHUA 22:5

Lalpa suak Mosi’n, Lalpa la Pathian uh hepi ah, a lampi zosia haw in, la lunggil zosiau leh la thagau zosiau ah ginum tak ah a na sêm chiat dingin thu a hun piakte kha, zia thupiak leh a dan thuguatte chu chingthei tak in zawm phot mai un,” ti’n a gen a.

JOSHUA 24:21

Chun, mipite’n Joshua kiang in, “Hilo e, Lalpa na ahi ka sep ding uh!” ti’n a dawnhu tau a.

JOSHUA 24:24

Mipite’n Joshua kiang in, “Lalpa I Pathian uh na bep sêm ing ka tiu in, ama thu le jawm ing kau,” a tiu a.

1 SAMUEL 12:20

Samuel in mipite kiang ah chun, “Lau kiu in; zia gual khop ah chun a la bawlkhial ta maleu chinle, Lalpa nusia kiu inla, la lungthim zosiau in Lalpa na sêm tau in;

1 SAMUEL 12:24

Lalpa chu lau him him phot mai unla, la lunggil zosiau in ama na chu sêm phot mai un; nang uh â ding ah bang gual ah thil lopi hun bawl piak a hem ti ngaitua zing zaw tau in.

1 SAMUEL 7:3

Ziaphatchun, Samuel in mipite zosia kiang in, “La lunggil tak ua Lalpa lam ah kihei kit gua la hiu chun, la lak ua pathian dang zosia tawh Astarte kha paidok un. La lunggil tak un Lalpa lam ah kihei unla, ama na bep sêm un; chutileh, Philistinte thunuai ah kipat hin hun hukdok ding ahi,” ti’n a gen tai.