PAWTDAWNA THU 23:21 - PATHIAN LEKHABU THIANGTHO (BSI)

²¹ Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

PAWTDAWNA THU 23:21 ပူးပေါင်းရင်းမြစ်များ

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

SAM 72:19

A min lopi tak kumkhua’n pâk in um hen la; khawvel pumpi hi a lopina’n lua dim suak ta hen. Amen! Amen!

SAM 78:40

Gamthip ah khan bang vei jat bep, a chung in a kiphin un, gamkeu ah khan a la hi’lung jing ta bep awm maw!

SAM 78:56

Ahi’n, Chungnung pen Pathian chu a patep un, a chung in a hel nalai lai ui. A thuguatte chule a zui nuam diak puau ah,

SAM 83:18

Nangma bep hi Lalpa min pu, leilung zosia chung ah Chungnung pen la hi ti, a hun hettheina ding un.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

PAWTDAWNA THU 6:3

Abraham, Isak leh Jakob kiang in Elshaddai in ka la kilâk sek ah; himaleh, ka min tak tak JEHOVAH ti in vang amau kiang in ka la kihiat sak kha nai puai.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 45:6

keima hi Lalpa chu ka hi’n, keima tilo ngâl kuama dang a um puai, ti hi nisuana lam ah kipat, a tumna lam tiang ah mite’n, a hettheina ding un.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

ISAI 9:5

A do ah hung kuan sepaite kengtaw zosia, a sil leh chên thisan kâi nêt nût zosia chu, meikuangchaw gual ah hâl tum zaw hita’n a.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 5:7

Bangti hun ngaidam ding ka hem, la chateu in ei nusia in, pathian hilote min in a kitiam tau hi. A vâ sêt ua ka vâk phatin, nawchizuakte In ah lût in, a ângkawm zo tau hi.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

KISIMNA LEKHABU 14:11

Chun, Lalpa chun Mosi kiang in, “Zia mite hin ei musit tak ah bang chan um ding a hiu em? A lak ua teptênate bang jat ka bawl ah le ei taksang nai diak lo ding a hiu maw?

KISIMNA LEKHABU 14:35

Keima Lalpa chun ka gen ta’n, ei do ding ah migilo pungkhawmte chung ah hin zia gual ah chun bawl ngei ngei ding ka hi; zia gamthip ah hin mangthai gam in, thi sik sek ding la hiu, ti in.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

JOHAN 10:30

Kei leh ka Pa chu pumkhat ka hiu,” ti’n a dawnhu a.

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

DAN LEKHABU 18:19

Kuale ka min ah thugen jawlnei kamsuak ngaitha lo taphot chu, a chungchâng keima’n ngaitua ing ka.

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.

KOLOSSA 2:9

Ama ah chun Pathian bukimna zosia chu taksa nei in a um zing ngal a.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

HEBRAITE 3:16

Ahileh kua a hiu em, a aw he ngal ah hel nalaite chu? Aigupta ah kipat Mosi’n a hun puidawte kha hilo a hiu em?

JOSHUA 24:19

Himaleh, Joshua’n mipite kiang in, “Lalpa na chu sêm thei pua’n lau, ama chu Pathian thiangtho ahi ngâl a. Ama chu Pathian thikthusia ahi’n, la bawsiatnau leh la gitlonateu chu ngaidam pua’n a.

1 JOHAN 5:16

La suapi pakhat thina khop hilo gitlona bawl la mu chun, don in la tin, Pathian in ama tawhbang kiang ah chun hinna pia’n tin; chuleh, thina khop hilo gitlona bawlte kiang ah chunle pia’n a. Thina khop gitlona a um ah, zia gual mite â ding ah chun pauchap un ka ti ahi puai.

THUPUAN 1:8

Kei Alpha leh Omega, a bul leh a tawp chu ka hi, Lalpa Pathian, um lai tak leh umsa leh hung um ding, bangkim hi’thei chun a tii.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

THUPUAN 2:8

Smurna khua kochuam vansawlchâk kiang ah chun, zia gual hin zik in: A masa pen leh a nunung pen, thi ta hung hing kit ta chun zia thu hi a gen hi:

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

VAIHAWMTE 13:18

Himaleh, Lalpa vansawlchâk chun a kiang in, “Bang ding ah ka min ei dong la hem? Ka min chu mak talua ahi ngâl ah,” ti’n a dawnhu a.