PAWTDAWNA THU 23:20 - PATHIAN LEKHABU THIANGTHO (BSI)

²⁰ Ngai in, la ma-âng ah vansawlchâk pakhat, la lampi nangma hun vêng ding leh nang â ding ah ka tiamna gam ah hun pui lût dingin ka hun sawl hi.

PAWTDAWNA THU 23:20 ပူးပေါင်းရင်းမြစ်များ

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

THILSIAM THU 24:40

Ama chun, Lalpa, a ma-âng ah ka dinsekna pa chun a vansawlchâk chu la kiang ah hun sawl intin, la chiana ding ah chun hun lawtinsak in a: Ahi’n, ka chapa â dingin ka chanaute leh ka pa chanaute lak ah mi chu ji la neisak ding ahi:

THILSIAM THU 24:7

Lalpa, van Pathian, ka pa In ah kipat leh ka pianna gam ah kipat ei puidokpa leh ei hopa, ‘Zia gam hi la suante kiang ah hun pia’ng ka,’ ti ah ka kiang ah thu tiampa khan, ama ngei in la ma lam in a vansawlchâk chu chiasak intin, zia tak ah kipat chun ka chapa hi ji la hun neisak ding ahi.

THILSIAM THU 48:16

siat theina zosia lak ah ei humbitpa vansawlchâk chun, naupangte hi maljawl ta hen; keima min tawh, ei suante Abraham tawh, Isak min chu amau ah kipat in het zing in um ta hen; lei chung ah hin nasa tak ah hung khang in, hung pung tau hen,” a tia.

SAM 91:11

La lampi tincheng ah hun vêng dingin, la chung thu ah a vansawlchâkte, thu pia ding ahi ngal a.

PAWTDAWNA THU 14:19

Pathian vansawlchâk, Israel sepaite ma-âng ah chia pek chu a nung lam un a hung kichawn ah; chuleh, sûmpi ding chule a ma-âng ua kipat hung kichawndok in, a nung lam uh dâl dingin a hung ding tai.

PAWTDAWNA THU 15:16

Aw Lalpa, la mipite a gâlkâi ma siau, la chawk dawsa la mipite zosia chu a gâlkâi ma siau in, launa leh tizatna a chung un a chu ta’n, la bân thahâtna ziakin, amau chu suangtum gual in a thip tau hi.

PAWTDAWNA THU 15:17

Aw Lalpa, la chênna ding ah la siamna mun, Aw Lalpa, la mun thiangtho, nangma khut in la sukdetna mun ngei ah chun; nang in amau chu la hun pui lût a, la tâng ngei ah chun la phut tai.

PAWTDAWNA THU 23:23

Ka vansawlchâk chu la ma-âng ah a chia phat leh, Amor mite, Hit mite, Periz mite, Kanaan mite, Hiv mite leh Jebus mite gam chu hun pui tung intin; amau chu gawtmang dim dem ding ka hi’ngal a;

PAWTDAWNA THU 32:34

Himaleh, tu’hin nangma chia inla, mipite hi la kiang ah ka hun hilna gam chu lua dingin vapui in; en in, ka vansawlchâk in hun pui zing ding ahi. Ahi’nla, ka gawtna hun a hung tun phat leh amau gitlona dungzui ah chun hun gawt ding ka hi,” a tia.

PAWTDAWNA THU 33:14

Tichun, a kiang ah chun, “La lak un um zing ing ka tin, hun chawldamsak ing ka,” a tia.

PAWTDAWNA THU 33:2

la ma-âng in vansawlchâk khat hun sawl ing ka tin, Kanaan mite, Amor mite, Hit mite, Periz mite, Hiv mite leh Jebus mite chu hun del daw sak ding ka hi.

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

ZEKARIAH 12:8

Ziaphat chuleh, Lalpa chun Jerusalem ah chêngte chu hûm intin, a lak ua a zawngkhâl pente chule David gual hi’n tiu in; chuleh, David Inkuante chu Pathian gual hi’n tiu in; a ma-âng ua Lalpa vansawlchâk um gual chu hi’n au.

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

KISIMNA LEKHABU 20:16

Lalpa kiang ah kap pum ah ka kiko phat un, ka aw git uh a hia’n, a vansawlchâk hun sawl in Aigupta gam ah kipat in ei hung puidok ah; tu’hin la gamgi bul, Kadesh mun ah khua pakhat ka hung tung tau hi.

KISIMNA LEKHABU 22:22

A chia ziak ah chun Pathian lungnatna a puangjak ta’n; ama a la dodâl dingin Lalpa vansawlchâk lamlian ah chun a la ding ta’n. Ama chu a sabiltung chung ah chuang in, a suakte mi pani tawh kiton a hiu a.

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

JOHAN 14:3

Chuleh, nang uh â ding ah mun ka siam leh, hung kit ing ka tin, ka kiang ah um dingin hung pui ding ka hi, ka umna nang uh le la umtheina ding un.

DAN LEKHABU 33:2

A kiang un: Sinai ah kipat in Lalpa chu a hung ah, Seir tâng ah kipat in nisa gual in a hung suk hi; Paran tâng ah kipat in ei hun sal tai. A kiang in mithiangtho a sîngtêl a um un, a changlam ah a sepai hon tawh.

JOSHUA 23:5

Lalpa la Pathian un amau hun naw daw piak intin, la muphâk lo un delmang piak in ah; ziaphat chuleh, Lalpa la Pathian un a tiamsa gual in, a gam uh chu chang ta’n lau.

JOSHUA 5:13

Khatvei chu Jeriko khawpi kiang ah Joshua a dâk to lai in, mi pakhat, a khut ah chemjam lâmsa, a âng ah ding a mu ta mai ah. Joshua’n a zuan ah, a kiang in, “Ka lam ua pang la hem, ka mêlmateu lam ah pang?” ti’n a dong a.

JOSHUA 5:14

Ama chun, “Kuama lam ah ka pang puai; ahi’n, Lalpa sepaite lamkai ding ah hung ka hi,” ti’n a hun dawnhu ta’n. Tichun, Joshua’n a mai ah lei tual si’n bokkhup in, chibai a bûk ah, a kiang in, “He pu, la suakpa hin bang bawl leng lei ti em?” ti’n a dong a.

JOSHUA 6:2

Lalpa‘n Joshua kiang in: “En tiam in, Jeriko khawpi tawh a lengpau leh a sepai zosiau chu la khut ah ka piak a hitau.