PAWTDAWNA THU 23:2 - PATHIAN LEKHABU THIANGTHO (BSI)

² Thil diklo bawl dingin mi a tam lam lam la mawk zui lo ding ahi; mi kinialna hiatpitu ah la pan phat leh, a dik lai thiam lo chansak dingin a tam lam lam in pang ziang kin la;

PAWTDAWNA THU 23:2 ပူးပေါင်းရင်းမြစ်များ

THILSIAM THU 19:4

Himaleh, a i-mut mau in khawpi sung ah mi, Sodom mite ngei, vêng tin ah mi zosia, a têk a khang kidang lo in, a leng ua hung khawm in, In chu a hung ûm tau a;

THILSIAM THU 6:12

Pathian in lei hi a en ah, a se zo ta’n; lei chung ah hinna nei zosia hindan dik ah a hin tâk lo ziak un.

THILSIAM THU 7:1

Lalpa’n Noah kiang in, “Nang leh la chanaute zosia long ah chun lût un, nang chu tu’lai khangthakte lak ah ka mit mu in midik la hi ti ka hun he ta’ngal a.

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

JOB LEKHABU 31:34

mipi tam tak âng ah din jachât ziak leh, Inkuanpite ei mu tawm ding lau ziak ah; thip bik bek ah kotkhak ah le, dakdok ngam lo ka hi chun;

SAM 72:2

Dikna’n la mite chung ah vaihawm hen la; genthei thuakte chu dik tak in vaihawm piak hen.

THUPILTE 1:15

ka cha, amau lampi chu zui kin la, a lampiu ah kipat kikoi kâng in;

THUPILTE 18:5

Midik lo doisak zawk chu a pha pua’n; vaihawmna midik thiamlo chansak chule a pha diak puai.

THUPILTE 4:14

Miphalote lampi’n vâk lut kin la, thil phalo bawlte lampi chule zui kin.

JEREMIAH 37:15

Milian leh lalte chu Jeremiah chung in a lungna ma mau ah, a vuau ah, lekha zikpa Jonathan In suangkul ah chun a khum tau ah; zia tak chu suangkul ding ah siam ahi him a.

JEREMIAH 37:21

Tichun, Lengpa Zedekiah chun thu a pia; Jeremiah chu gâlvêngte huang sung in a khum tau a; khawpi sung ah vaithum a um sung sia chu nisi’n in vaithum tâng khat a pia zing tau hi; tichun, gâlvêngte huang sung ah chun a um den tai.

JEREMIAH 38:9

“He pu lengpa, zia mite hin jawlnei Jeremiah tuikul sung ah kial ah thi ding ah a khiak lut uh hi a dik puai, khawpi sung inle vaithum a um ta paw’ngâl a,” ti’n a vagen a.

EZEKIEL 9:9

Ama’n ka kiang in, “Israel leh Judah Inkuante thil bawl khial chu a huaisia ma ma hi; gam pumpi thisan sua’na’n a dim ah, khawpi sungle nunsiatna’n a dim zo tai; amau in, ‘Lalpa‘n gam hi a nungngat ta’n, Lalpa‘n en talo ahi,’ a ti’ngal ui.

THIAMPUTE LEKHABU 19:15

Vai la hawm phat leh, diklo tak in thu tan kin la, a genthei simmaw in, a hausate jabawl diak kin la dik tak in vaihawm in.

HAGGAI 1:4

Zia In hi suksiat ah um zing in nanghaw, In nuam tak ah la chên hun uh ahi em?

MARKA 15:15

Pilat chun mipi suklungawi a nuam a; tichun, Barabba chu a thâdok ah, Jesu chu a jep ah, khetden dingin a pedok tai.

LUKA 23:51

Ama chu a vaihawm lai ua a thiltup dan uh doi lo ah a la pang him kha a la hi’n. Judate khua Arimathai mi ahi’n. Pathian gam a la ngâkla ma ma khat ahi.

NASEPTE 24:27

Himaleh, kum ni nung in, Porkia Festa chun Felik a hun sâng ta’n; tichun, Felik chun Judate kiang ah min phat a dawi ziakin Paul chu suangkul in a nusia tai.

NASEPTE 25:9

Himaleh, Festa chun Judate lung lam a hawl ziakin, Paul kiang in, “Jerusalem lam ah chia to ah, zia tak ah chu la chung thu ka ngaitua zawk la nuam em?” a tia.

ROMTE 1:32

Pathian in zia tawhbang mite chung thu chu a tan piak tak leh, thi tâk ah vaihawm piak ah um ding a hiu ti a hezing tho ui; himaleh, amau thil diklo bawlte bep le tongkhop lo in, zia gual ah bawl sek, midangte chule a kipakpi nalai sêt ui.

DAN LEKHABU 1:17

Doichuam nei in vaihawm kiu in; milian leh neu kibang in ngaitua piak unla; kuama lau chuam nei kiu in, vaihawmna chu Pathian â ahi ngalah. Nang uh ngaitua ding ah haksa talua phot chu, ka kiang ah hun tut un, keima’n ngaitua na’ng ka,” ti’n thu ka la pia ta ngal a.

DAN LEKHABU 16:19

Dikna chu manlo sua kiu inla, doichuam bîk la nei lo ding ahi; gawlgûkna le la kiu in; gawlgûkna chun mipilte mit a hi’thûm ah, a dikna thugen uh a changma sek hi.

DAN LEKHABU 24:17

Gamdang mite leh nauchagate chung thu diklo tak ah vai la hawm piak lo ding uh ahi; meithâi sil leh chên le banda la lâkpiak lo ding uh ahi.

JOSHUA 24:15

Tu’hin Lalpa nasep ding chu nuam lo la hiu leh, tu’ni ma ma hin kua pen na sêm ding la hiu em, la pu leh pateu in Luipi gâl lam ah pathiante na a la sep piak uh kha ahi em; ahiloleh, la luanau gam ah Amorte pathiante a hizaw diam, ti têl ngâl un. Kei leh ka Inkuante’n vang Lalpa na bep sêm ing kau, ti’n a dawnhu a.

1 SAMUEL 15:24

Samuel kiang ah Saul in, “Mipite ka lau ziak ah a thuu ka la mat tâk ziakin, Lalpa thupiak leh la thugen ka la botsia kha ta’n, ka la gilo ta ahi.

1 SAMUEL 15:9

Saul tawh a sepaite chun Agag tawh, belam leh bawng hon leh belam no lak ah a thau deu deu leh a pha diakte pum in, van pha diakte chu tawh a hawi un; a phalo lam deu deu leh a man tam lo zosia chu a susia dik dek tau hi.