PAWTDAWNA THU 23:12 - PATHIAN LEKHABU THIANGTHO (BSI)

¹² Ni guk sung na sêm in la tiu in, a nisagi ni leh la kichawl dam diu ahi; tichun, la bawngchal leh la sabiltung un kicholdamna a muu ah, la In ah piang la suakte leh gam dang mi la lak ua chêngte le a kichawldam theina ding un.

PAWTDAWNA THU 23:12 ပူးပေါင်းရင်းမြစ်များ

NEHEMIAH 13:16

Tura mite, khawpi sung ah chêngte chunle sanga leh zok thei chitin hun paw lut in, Judah mite leh Jerusalem khua mite kiang in sabbath ni chun a zuak sek un.

PAWTDAWNA THU 16:23

ama’n a kiang un, “Zia hi Lalpa’n jing hi Lalpa â ding ah sabbath thiangtho chu ahi; la kan ding uh chu tu’ni hin kang unla, la huan ding uh chu tu’ni hin huan un: Chuleh, a bângkhâi cheng chu jingkal kit â dingin koihe un, ti thu a la piak kha ahi,” a tia.

PAWTDAWNA THU 23:11

a kum sagi’na phat leh gam chu kichawl damsak in la tin; a ga him him le la lak khawm lo ding ahi: tichun, la lak ua mi gentheite’n kilak khawm intiu in, amau nêkbangte chu zu leh vâte’n a nêk ding uh ahi. Zia gual a hin la grep huan leh la Oliv huanteu le la bawl sek diu ahi.

PAWTDAWNA THU 34:21

Ni guk sung na sêm unla, a ni sagi ni chun la kichawl dam diu a hia; bu tu’hun hileh, bu ât hun hileh la kichawl him him ding uh ahi.

PAWTDAWNA THU 35:2

Ni guk sung nasepna la mat diu a hia, a ni sagi ni ahileh vang nang uh â ding ah ni zek thiangtho, Lalpa â ding ah chawldamna Sabbath hi’n ah; kuale zia ni ah bang a hem khat bawl taphot chu tha ngal ding ahi.

PAWTDAWNA THU 35:3

Sabbath ni chun la chênnau mun taphot ah mei la sêm him him lo ding uh ahi,” a tia.

ISAI 58:3

“Bang ding ah la mulo ding ah anngawl sek ka hiu em? La ngaisak lo ding ah bang a tia, kikoi niam sek ka hiu em?” la tiu a. Ngai tiam u, la anngawl niu ah chun, nang uh lunglutna dungzui bep ah bawl la hiu a, la nasêmteu chu, la êngbawl nalai ui.

THIAMPUTE LEKHABU 23:3

Ni guk sung in la sep ding cheng uh zo thiang unla, a ni sagi ni chu sabbath ni, khawmpi thiangtho chu ahi; zia ni hin na la sep lo ding uh ahi: La chênna zosiau ah, Lalpa â ding ah sabbath ni chu ahi.

MARKA 2:27

Mihing hi sabbath ni â ding ah siam a hipua’n; sabbath ni hi mihing â ding ah siam ahi zawi.

LUKA 13:14

Himaleh, sunagog ah hotu chun, Jesu’n sabbath ni mi a sukdam ziak ah chun, lungna tak in mipi lak in thu a hun gen a, “Mite hin nasepna dingin ni guk sung hun I nei ui; sabbath ni khel khel ah hung lo in, zia hun sung ah chun hung un la hung kihi’dam un,” a tia.