PAWTDAWNA THU 23:11 - PATHIAN LEKHABU THIANGTHO (BSI)

¹¹ a kum sagi’na phat leh gam chu kichawl damsak in la tin; a ga him him le la lak khawm lo ding ahi: tichun, la lak ua mi gentheite’n kilak khawm intiu in, amau nêkbangte chu zu leh vâte’n a nêk ding uh ahi. Zia gual a hin la grep huan leh la Oliv huanteu le la bawl sek diu ahi.

PAWTDAWNA THU 23:11 ပူးပေါင်းရင်းမြစ်များ

NEHEMIAH 10:31

chuleh, zia gam ah mite hin sabbath ni ah van leh nekthei a hung zok unle, sabbath ni leh nizek thiangtho ah chun chaw him him pua’ng ka tiu in; chuleh, kum sagi’na si’n leh lou ah thâi chîng lo in, leiba zosia le beng lo dingin a kihaksial tau a.

NEHEMIAH 10:32

Chun, ka Pathian In ua nasepna matchâk dingin kum si’n leh shekel khat mun thum ah khen a mun khat pia zing dinginle ka kitiam tau a.

PAWTDAWNA THU 23:10

Kum guk sung la gam ua buchi the’ in la tin, a gate chu kilak khawm in la tin;

PAWTDAWNA THU 23:12

Ni guk sung na sêm in la tiu in, a nisagi ni leh la kichawl dam diu ahi; tichun, la bawngchal leh la sabiltung un kicholdamna a muu ah, la In ah piang la suakte leh gam dang mi la lak ua chêngte le a kichawldam theina ding un.

THIAMPUTE LEKHABU 25:20

A kum sagi’na hun sung ah bangma chîng lo leh lakhawm lo ah um ziang ding chu, bang ne leh dawn ah um ding I hi tam? Ti la um khâk uh chun,

THIAMPUTE LEKHABU 25:22

Chuleh, a kum giatna thâi la chîn phat unle, bului chu ne nalai in la tin uh; a kum kuana ga thak a tun hun tiang in bului chu ne nalai ding la hiu.

KISIMNA LEKHABU 16:14

Khuaizu leh bawngnawi luanna gam ah ei pui lût ah, lou mun leh grep huan mun ding gam luasak ding ah lei puidaw ahi puai ti a kichian hi. Chuleh, zia mite zosia mit hi kheldaw piak ding la ti nâk lai a hem? Hung talojen ing kau!” ti’n a dawnhu tau a.

DAN LEKHABU 15:11

Zia gam ah chun tasam um ta lo ding ahiziak in, “La gam sung ua genthei leh tasamte panpi’na dingin la ban uh jak un,” ti’n thu ka hun pia la hiu.