PAWTDAWNA THU 22:9 - PATHIAN LEKHABU THIANGTHO (BSI)

⁹ Bawngchal a hem, sabiltung a hem, belam a hem, puan a hem leh thil dang matsua thu him him ah, kinialna a um ah, mi khat in, “Zia hi kei â ahi,” ti ah kichuna a um chun, zia thubuai chu vaihawmte âng ah tut hi’ntin, vaihawmte’n thiamlo a chansak zawk zawk in, a le’ni in a dit ding ahi.

PAWTDAWNA THU 22:9 ပူးပေါင်းရင်းမြစ်များ

THILSIAM THU 31:39

Gamsa peliamte le la kiang ah ka hun pui ngai puai; a mangte thasâng keima’n ka dit sek ah: sûn hileh, jan hileh a kigumang taphot, lei ditsak sek hi.

1 LENGTE 8:31

Mi kua a hem in a Invêng chung ah a hikhel ziakin, kihaksialna thutiam a chung ah tung ta hen la, zia In ah la mâichâm âng ah a hung kitep phat leh,

2 KHANGTHU 19:10

la chanaute kua a hem khat a khawpiu ah kipat thubuai thisan sua’na a hem, dan leh thupiak lam thu a hem, thu guat leh dan thuthung lam thu ahi chun, Lalpa chung ah thil diklo tak ah a bawl lona ding leh, amau leh a chanauteu chung ah hachang thakna a hung tun lona ding in hil sek un. Zia gual ah chun bawl leu chin, bawlkhial ah ngaw ah umlo ding la hiu.

PAWTDAWNA THU 22:10

Mi pakhat in a Invêngpa kiang ah sabiltung khat a hem, bawngchal khat a hem, belam khat a hem leh bang gancha hiziang leh le a chintup dingin pia hen la; chuleh, zia gancha chu kuama mulo ah thi a hem, a liam a hem, gûk mang a hem in um ta leh;

PAWTDAWNA THU 22:28

Pathian gensia kin la, la mipite lak ah puitute le hosia kin.

PAWTDAWNA THU 22:4

Ahi’n, nisa suak nung ah zia gual ah chu kibawl ahi’chun, a thisan phuba chu lâk hi’n a.

THIAMPUTE LEKHABU 6:5

ahiloleh, thil dang zuau thu ah a la kitepnate le a dit kit ding a hi: a kim kei ah a dit kit bân ah, a mun nga ah khen a mun khat a belap ding ahi. A bawlkhialna a hung kihiatdaw ni ma ma in a neipa kiang in a pethuk ngâl ding ahi.

MATTHAI 18:15

Kochuam sung ah mi pakhat in la chung ah thil hi’khial taleh, chia’n la, ama leh nangma bep het in a gitlona hil in. A hun ngaithâk leh ama chu la thu zaw hita’n a.

MATTHAI 18:35

Zia gual ah chun, mitin in la lunggil tak ua la suapiteu la ngaidam lo ua leh, ka Pa van ah um inle zia gual ma chun la chung un hun bawl ding ahi, a tia.

DAN LEKHABU 25:1

Mi pani thubuai nei ah a kinak phat ua leh, vaihawmna Inpi ah chia intiu in; tichun, vaihawmte chun pakhat chu thiam chansak intiu in, a khat zaw chu thiamlo a chansak ding uh ahi.