PAWTDAWNA THU 22:25 - PATHIAN LEKHABU THIANGTHO (BSI)

²⁵ Ka mite tawh mi chagate kiang ah sum la batsak tak ua leh, sumpung tam tak tak la sekpa gual in bawl kin la, a chung un sumpung la del lo ding ahi.

PAWTDAWNA THU 22:25 ပူးပေါင်းရင်းမြစ်များ

2 LENGTE 4:1

Tu’hin, jawlnei pawlkhat lak ah mi pakhat ji chu Elisha kiang in a hung kap ta’n, “La suak, ka pawsal a thi ta’n; la suak chu Lalpa a la kicha mi ahi ti la hia’i, himaleh, a leibatna pa a hung ah, ka chate pani chu suak dingin a hung kipui mang tai,” a tia.

2 LENGTE 4:7

Amanu chu Pathian mi kiang ah chun a hung ah, ama chun, “Chia’n la, la sathau chu vazuak inla, leibatte zosia chu dit in; chuleh, a vâl cheng chun nang leh la chate a la kivâk tau in,” a tia.

NEHEMIAH 5:7

Zia thu chu pha tak ah ka ngaitua zaw phatin, miliante leh vaihawmte chu ka vau ah, a kiang un, “La chipiteu kiang ah sumpung del ah a la pia la hiu em?” ka ti’n. Tichun, zia thu chu ngaitua dingin mi tam tak ka ko khawm a;

SAM 15:5

a pung thangaina ziak ah dangka thunglâk sak ngai lo mi; mawna neilo lanna ding ah, golgûknale la ngai lo mite ngei chu. Zia gual mi chu bangtik lai inle kilîng pua’n a.

THUPILTE 28:8

Sumpung lakhawm ah hausa taphot chu, migenthei khawtuate â ding ah lak khawm piak a hiu.

JEREMIAH 15:10

Gam sung pumpi mi zosia kinakpi ding leh kinialpi ding ah ka nu’n ei la hin mai hi chu aw! Ka chung a gik na e! Kuama bat ding in ka pia ngai pua’n, kuama â le ka ba ngai diak puai; himaleh, a leng un hânsia ei law khum tho tho ui.

EZEKIEL 18:13

sumpung doina ziakin mi thunglâksak hen la hileh, zia gual mi chu a dam diam? Hing pua’n a. Zia gual thil ki’dak um zosia bawlpa chu, a thi tei ding ahi; a thisan maw ama’n kipuak in a.

EZEKIEL 18:17

thil phalo bawl lo ding ah a khut a tûktân ah, sumpung la’lo ah, ka thuguatte a zui ah, ka dan thuthungte a vop chun, a pa gitlona ziakin ama chu thi pua’n tin, a hin ngei ngei ding ahi.

EZEKIEL 18:7

kuama poi a khoi lo ah, a kitiamna dungzui ah a leibat a dit kit ah, misuam ah pang lo ah, gilkialte nêk ding a piak ah, sil leh chên beite a thuam a,

EZEKIEL 18:8

sumpung a lâk lo ah, nunsiatna bawl lo ding ah a khut a tûktân ah, a kinate dik tak ah thu a tan a,

EZEKIEL 22:12

Nangma ah thisan sua’na dingin golgûkna a lau ah; sum bat man ding leh a sum pung la lau a; chuleh, la Invêngte neisa lâkpiak in kihihausat la guau a; tichun, keima lei hemil tau hi, Lalpa Pathian in a tii.

AMOS 2:8

mâichâm bul tincheng in kitepna puansil chung ah a lum un; chuleh, a mi gapnau uain chu Pathian In ah a hun dawn uh ahi.

MATTHAI 25:27

Chuti ahileh, ka dangka hi sum koina In bêk ah la vakoi ah, ka hung kit ah hin ka dangka chu a pung tawh ka mu kit ding ahi.

LUKA 19:23

bangatia, ka dangka hi sum sukpunna In bêk ah a la koi lo? Ka hung tun ah hin ka dangka chu a pung tawh ka hun phût ding hilo a hem?’ a tia.

DAN LEKHABU 15:7

Lalpa la Pathian un a hun piakna ding gam chu la hung tun phat ua leh, la chênnau khuate ah chun la suapiu kua a hem khat tasam a um chun, zia gual ah tasamte chung ah chun la lungthim uh hi’khau kiu inla, la khutpêk uh le hi’neu diak kiu in.

DAN LEKHABU 24:13

A hun maljawl theina ding leh Lalpa la Pathian ah la min phatna a hung hitheina dingin, thilpiak chu jan ah a silman tei tei na dingin, nitum ma ngei ngei ah la piak kit ding ahi.