PAWTDAWNA THU 22:24 - PATHIAN LEKHABU THIANGTHO (BSI)

²⁴ Ka lungnatna la chung un kuang intin, chemjam in hun that ing ka tin, la jiteu chu meithâi in hung um intiu in, la chateu le nauchaga hung hiding a hiu.

PAWTDAWNA THU 22:24 ပူးပေါင်းရင်းမြစ်များ

NEHEMIAH 5:7

Zia thu chu pha tak ah ka ngaitua zaw phatin, miliante leh vaihawmte chu ka vau ah, a kiang un, “La chipiteu kiang ah sumpung del ah a la pia la hiu em?” ka ti’n. Tichun, zia thu chu ngaitua dingin mi tam tak ka ko khawm a;

JOB LEKHABU 31:23

Pathian ah kipat vangsiatna tuak ding chu, ka tizat lam tak ahiziak in leh, a lopina chu tuak ngam lo ding ka hi’ngâl a.

SAM 109:2

Mi nunsia leh thep mangte’n ka chung in, a kam uh a ka tau in, ka siatna dingin zuau thu a phuak ui.

SAM 109:9

A chate nauchaga’n um uh hen la, a ji chu meithâi hung hi hen.

SAM 15:5

a pung thangaina ziak ah dangka thunglâk sak ngai lo mi; mawna neilo lanna ding ah, golgûknale la ngai lo mite ngei chu. Zia gual mi chu bangtik lai inle kilîng pua’n a.

SAM 69:24

La lungnatna a chung un buntha’n la, la lungnat siatsona chun amau delkhum hen.

SAM 76:7

Nangma vang lau um tak la hi! La lungnatna a puansiat phat leh, kua a hem la âng ah ding ngam ding?

SAM 90:11

La lungnatna thil hi’thei zia he’, la lau um gual tak ah la lungnatna nasat dan hi, kua a hem ngaitua sek?

JEREMIAH 15:8

A meithâiteu chu tuisuagiat pang ah, piaunêl sâng in a tam zawu ah; sunchang lai ah a khanglaiteu that ding mite ka hun sawl in, a chung ua patauna leh, dip dapna phutlo in ka tunsak tai.

JEREMIAH 18:21

Ziaziakchun, a chateu chu kialpi thoksak inla, chemjam tuak dingin naw mang in; a jiteu chu cha bei ah um in, meithâi hung hitau hen. A pawsalteu chu natpi’n thiu hen la, a khangdawngteu chu kido’na chemjam in thi tau hen.

KÂ LATE 5:3

Pa neilo nauchaga ka suak zo tau; ka nuteu le meithâi gual a hitau hi.

THIAMPUTE LEKHABU 25:35

La suapipa a genthei ah, la lak ua a khawsak maw chun la kaitua ding uh ahi; mikhual gual in la kaitua ding uh ahi.

THIAMPUTE LEKHABU 25:36

Ama ah kipat a pung la kin la, ama ah kipat lawkna le hawl diak kin; la Pathian uh lau zaw un, la suapiu la kiang ua a khawsak theina dingin.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

LUKA 6:38

Piau in, tichun nang uh le piak in um in lau; phatchuamngai tak ah te’piak in, a sawt ah sawnchak in, a law ah lawchak in, a dimlêt hial in la ângsung ua sun piak in um ding la hiu, mi la te’piaknau ngai ma a chun nangmaule te’piak ah um ding la hiu, a tia.

DAN LEKHABU 23:20

Gam dang mite kiang in vang a pung del in thil la batsak thei ui; ahi’n, la Israel chanpiteu kiang in vang a pung delna ziakin bat la piak lo ding uh ahi; Lalpa la Pathian un la lua ding ua a hun piakna gam ah chun a hun maljawl theina dingin.

DAN LEKHABU 23:21

Lalpa la Pathian kiang ah kitiamna la nei phat leh, la bawlna ding hunbî chu vawchawn kin; Lalpa la Pathian in a hun phût phat leh, gilo ah thiammaw chang hi mai ding la hi’ngâl a.

HEBRAITE 10:31

Pathian hing khut ah pûk chu thil huaisia tak ahi.