PAWTDAWNA THU 22:22 - PATHIAN LEKHABU THIANGTHO (BSI)

²² Meithâi hileh, nauchaga hileh la sukgenthei lo ding uh ahi.

PAWTDAWNA THU 22:22 ပူးပေါင်းရင်းမြစ်များ

JOB LEKHABU 31:16

Migentheite thildoi ka la piak nop lo ah, meithâite mittung lo ah ka la um ah;

JOB LEKHABU 34:28

a navekna khop ding ah, chagate thum leh mau ah umsak ziak un, nuaisia ah umte kâ thawm chu la he ta’ngâl a.

SAM 10:14

Nang in la mu zing ngal ah! Mi nunsiate’n la khut ah kipat, buaina leh lungjinna a tuak dingteu chu la tepte hi; panpi ding neilote chun a hun bêl sek un; nauchaga panpitu la hi’ngal a.

SAM 34:7

Lalpa kichate chu a vansawlchâk in a ûm kîmvêl hen, a hukhing sek hi.

THUPILTE 22:23

Lalpa‘n amau chu genpi gêl gêl ding ahi ngal a; amau haw chomgam taphot chu, Lalpa‘n amau hinna le chomnâm ding ahi.

THUPILTE 23:10

Gamgi tepte’na umsa chu chawn kin la; nauchagate gam chule lak piak diak kin,

THUPILTE 23:11

amau hukdoktu chu hât tak ahi; nangma lang in hung pang ding ahi.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 10:2

mi tasamte diklo tak ah vaihawm piak ah, ka mipite lak ah migentheite, a diknau lâkmang piakte, meithâite galmat gual ah man a, nauchagate suamgamte haw, la chung uh a gik hi!

JEREMIAH 7:6

la lak ua gam dang mite, nauchagate leh meithâite la nuaisia lo ua, zia mun ah hin mawna neilote thisan la sua lo ua, nanghaw kisukliamna ding bep ah pathian dangte la zui lo uh chun,

JEREMIAH 7:7

ziaphat chuleh, masanglai ah la pu leh pateu kiang ah a kumkhaw go ding ua ka la piakna, zia gam sung ah hin la lak un hung chêng ta’ng ka.

EZEKIEL 22:7

La sung ah chun nu leh pate musit in a um un; la sung ah malzinte suam in a um un; la sung ah nauchaga leh meithâite diklo tak ah bawl in a um ui.

ZEKARIAH 7:10

meithâi, nauchaga, malzin leh migentheite chu nuaisia kiu in; kuama’n la lungthim ziang unle la unauteu siatna ding ngaitua kiu in, a ti’n.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 23:14

Nanghaw, lekhazikte leh Pharisai miphalêmte haw, la chung uh a gik hi! Meithâite la ne gam un, mi thepna’n sawt tak tak la pauchap sek ui; ziaziakchun, demna nasa zaw diak la chung un tung in a.

DAN LEKHABU 10:18

nauchaga leh meithâite dik tak ah vaihawm piak ah, gam chuam mite a khawtuana tâklang zing ah, a nêk ding, sil leh chên khomtua zing ahi ngâl a.

DAN LEKHABU 15:9

“Kum sagi’na, kingaidamna kum a nai ta hen,” ti ziak ah la Invêng tasam kiang ah bangma penuam lo leh mudana lungthim sia leh diklo la nei lona ding un chingthei tau in; achutiloleh, Lalpa kiang ah kiko intiu in, nang in a mawpaw khan lau.

DAN LEKHABU 24:17

Gamdang mite leh nauchagate chung thu diklo tak ah vai la hawm piak lo ding uh ahi; meithâi sil leh chên le banda la lâkpiak lo ding uh ahi.

DAN LEKHABU 24:18

Nang hawle Aigupta gam ah khan suak la la hiu a, Lalpa la Pathian un zia tak mun ah kipat khan a hun tatdaw la hiu kha hezing ta un; ziaziakchun, zia thil hi la bawl ding un thu ka hun piak la hiu.

DAN LEKHABU 27:19

Gamdang mite, nauchagate leh meithâite diklo tak ah vaihawm piakte chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.