PAWTDAWNA THU 22:20 - PATHIAN LEKHABU THIANGTHO (BSI)

²⁰ Kua hileh, Lalpa hilo, pathian dang kiang ah kithoina la’n taphot chu thitâk ah thiamlo chang ahi.

PAWTDAWNA THU 22:20 ပူးပေါင်းရင်းမြစ်များ

1 LENGTE 18:40

Elijah chun a kiang un, “Baal jawlneite chu man un; a lak ua pakhat chale suachâksak kiu in,” a tia. Tichun, a man ua; Elijah in Kishon Lui in a pui suk ah, zia tak ah chun a that gam tai.

2 LENGTE 10:25

Hâlmang thillat a piak zaw phat ah chun, Jehu in a vengtute kiang leh hotute kiang in, “Hung lut un la hung that un; kuamacha suachâk sak kiu in,” a tia. Tichun, chemjam in a sat lum tau a. A vengtute leh hotute chun a sepdok zel ua, ziazaw chun, Baal tempul ah Insawng ah chun a lut tau hi.

2 KHANGTHU 15:13

Kuale Israelte Pathian, Lalpa lam nga nuam lo tapo chu, têksia hi’n, khanglai hileh; numei hi’n, pawsal hileh thalup ngal ding a hiu, a tiu a.

PAWTDAWNA THU 23:9

La lak ua chêng malzinte la sukgenthei lo diu ahi: Aigupta gam ah malzin la la hi’tâk ziak un malzin lungthim la he ta ngal un.

PAWTDAWNA THU 32:8

ka thupiakte chu kin tak in a kiheisan zo tau: Bawngno lim a kisun un, a ho un, a kiang in kithoina bawl in, ‘Aw Israel, ziate hi Aigupta gam ah kipat hun puidok pathiante chu a hiu,’ a ti zo tau hi,” a tia.

PAWTDAWNA THU 34:15

A gam ah chêngte hi tawh thuthung siam kha tawl in, a pathianteu kiang po ah hin va ângkawm in, a pathianteu kiang po ah va kithawi in, a hun chial phat ua leh le a kithoinateu po chu vanekha pal in lau.

EZEKIEL 20:7

Chun, a kiang un: Mitin in la mu nop tun tun uh ki’dak um takte chu paimang unla, Aiguptate milim chun kisubuak kiu in; Kei hi Lalpa la Pathian uh ka hi, ti’n ka la gen ta’n.

THIAMPUTE LEKHABU 17:7

tichun, thithate kêlcha kiang ah kithoina a piak ua, nawchi ei zoksan tâklona ding ua, a khang zosiau ah a zui ding uh dan chu ahi.

THIAMPUTE LEKHABU 19:33

Gam dang mi, la gam sung ah hung chêngte chu a siatna ding uh la bawl lo ding ahi.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

KISIMNA LEKHABU 21:3

Lalpa chun Israelte kitiamna aw git a ngaitha’n, Kanaan mite chu a khut un a pedok tai; tichun, a mau tawh a khawpiteu chu a hise dim dem tau a; ziaziakchun, zia mun chu Hormah a sak tau a.

DAN LEKHABU 10:18

nauchaga leh meithâite dik tak ah vaihawm piak ah, gam chuam mite a khawtuana tâklang zing ah, a nêk ding, sil leh chên khomtua zing ahi ngâl a.

DAN LEKHABU 18:20

Himaleh, jawlnei kuale a gen ding ah ka piak hilo keima min ah thugen a hem, pathian dangte min ah thugen a hem a um chun, zia jawlnei chu thalup ding ahi,” a tia.

DAN LEKHABU 23:8

A suan leh pâkteu, a khang thumna chate chu Lalpa mite lak in pansak thei ta’n lau.

DAN LEKHABU 24:17

Gamdang mite leh nauchagate chung thu diklo tak ah vai la hawm piak lo ding uh ahi; meithâi sil leh chên le banda la lâkpiak lo ding uh ahi.