PAWTDAWNA THU 21:13 - PATHIAN LEKHABU THIANGTHO (BSI)

¹³ Ahi’n, kua’nle tup mawng hilo ah Pathian in ama bawl ding him him a la bawl khaksak ahi chun, a tailutna ding, a bitna mun ding guat piak ing ka.

PAWTDAWNA THU 21:13 ပူးပေါင်းရင်းမြစ်များ

2 SAMUEL 16:10

Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.

ISAI 10:7

Ahi’n, zia gual chu a lungtup leh, lunggêl a hikhel pua’n, a lungthim inle a ngaitua kha puai; himaleh, a lungtup chu, nam tawmchate sukbei ding a hizawi.

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

KISIMNA LEKHABU 35:6

Chuleh, Levite â ding ah khawpi la piakteu lak ah chun, bitna khua pagukte chule a huap khawm ding ahi; zia khuate ah chun chanpal ah mi thatkhate tailutna ding ah la phalnau mun hi hen la; ziate bân ah hin khawpi sawmli leh pani le la piakbe ding uh ahi.

DAN LEKHABU 19:14

Lalpa la Pathian un la luana ding ua a hun piakna ding gam ah, la hung chan phat ua leh, khang masa lam ah mite’n gamgi a la thunsau, la Invêngteu gamgi chu la chawn lo ding uh ahi.

JOSHUA 20:1

Ziaphatchun, Lalpa‘n Joshua a hun ho ah,

1 SAMUEL 24:10

Tu’ni ma ma hin la hinna Lalpa‘n kawlhawm ah khan ei la pia ta ahi, ti la mit ngei in la mu tai; mi khenkhat in that ziang in ei tiu ah; ahi’n, la hinna ka hawi piak la hi. A kiang un, ka hotupa chung in ka khut tha pua’ng ka, ama chu Lalpa sathaunu’ ahi ngâl in, ka ti ahi.

1 SAMUEL 24:18

Tu’ni ka hinna Lalpa‘n la khut ah a hun piak lai inle ei that lo ah, pha tak ah lei khawtua dan lei etsak zaw ta’ngâl a.

1 SAMUEL 24:4

David sepaite chun a kiang in, “Tu’ni hivang Lalpa‘n la kiang ah, ‘La gâlte chu la khut ah hun pia’ng ka tin, la nop nop la law ding ahi,’ ti ah a genna hun chu hung tung a hita hi,” a tiu a. Ziaphatchun, David awlchân a chia ah, Saul puanâk chual mong neukhat a va âttha tai.