PAWTDAWNA THU 20:5 - PATHIAN LEKHABU THIANGTHO (BSI)

⁵ Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

PAWTDAWNA THU 20:5 ပူးပေါင်းရင်းမြစ်များ

2 SAMUEL 21:1

David hun lai ah chun kum thum sung a kizom in kial a hung tung ta’n; tichun, David in Lalpa a dong a. Lalpa‘n a kiang in, “Saul in Gibeon mite a thalup ziakin, ama leh a Inkuante’n thisan maw a puau hi,” ti’n a hun dawnhu a.

2 SAMUEL 21:6

A chapa sagite chu ka khut un ei pedok inla, amau chu Lalpa tâng ah, Gibeon ah Lalpa âng ah khâilum ding ka hiu,” ti’n a don tau a. Lengpa chun, “Hun pedok ding ka hi,” a ti tai.

1 LENGTE 19:10

Ama chun a dawnhu a, “Lalpa, sepai honte Pathian â dingin phatchuam ka la ngai ma ma in; Israel chate’n la thuthung a nusia tau ah, la mâichâmte a suchim ua, la jawlneite le chemjam in a that tau hi. Kei bep hi ka um ta’n; chuleh, ka hinna hi lakmang dingin a hawl nalai ui,” a tia.

1 LENGTE 21:29

“Ka ma-âng ah Ahab a kingainiam tak dan saw la mu em? Ka ma-âng ah a kingainiam tâk ziakin, ama dam sung sia’n siatna chu hun tung sak lo ding ka hi; himaleh, a chapa dam sung in a Inkuan ah siatna tunsak ding ka hi,” a tii, ti’n a gen tai.

2 LENGTE 17:35

Lalpa chun, amau tawh kikâl in thuthung a la bawl ah, zia gual hin thu a la pia’i, “Zia pathian dangte chu la ki’chak diu a hipua’n, a ma-âng ua le la bawkhup diak lo diu ahi; chuleh, a nau le la sep diak lo diu a hia, a kiang ua thillatte la lat lo hial diu ahi;

2 LENGTE 17:41

Ahi’n, zia namte Pathian lau dan chule zia gual chu a hia, a milim siam kawm uh chu a na a sep piak ua; a chateu leh a tuteu hawnle a zui pek ua; tu’ni tiang hin a pu leh pateu hi’dan dan ah chun ahi zing nalai ui.

2 LENGTE 23:26

Zia sapichunle, Judai gam chung ah Lalpa lungnatna a la kuangdoksa chu, Manasseh in a la suklungnat sawn diak ziakin a dai zo nai diak puai.

2 LENGTE 5:18

Himaleh, Lalpa‘n la suak hi thil pakhat chung thu’n ei ngaithiam hen: Ka pu chu Rimmon In ah pathian ho ding ah a lut ah a khut a jak ah, Rimmon In ah ka kûn suk phat leh, Lalpa‘n la suak hi zia thil pakhat thu ah hin ei ngaithiam hen,” a tia.

2 LENGTE 5:27

Ziaziakchun, Naaman phâkna chu nang tawh la suante chung ah kumkhua’n um den ta hen,” a tia. Tichun, vûk gual ah vam hial in a phâk tai.

2 KHANGTHU 25:14

Edomte that zo ah Amaziah a hung kit phatin, Seir gam ah mite pathian haw chu a hun kipuak ah, a pathian dingin a koihe ah, a ho ah; chuleh, a kiang un kithoina thillatte le a lân tai.

2 KHANGTHU 7:19

Himaleh, la ma-âng ah ka dan siamte leh ka thupiakte hi zui lo ah, pathian dangte na sêm ah la biak leh vang,

JOB LEKHABU 21:19

Nang unla, “A dukdak lonau chu, a tu leh a chateu dit dingin, Pathian in a khol khawm piak hi,” la tiu in. A chung un thuk kit ziang leh hechian ding a hiu.

JOB LEKHABU 5:4

A chate chu bitna tawh a kigamlau in, khawpi kotbul ah khet gawp in a um un, amau hukdok ding kuama a um puau hi.

SAM 109:14

A pateu gitlona kha Lalpa âng ah het zing hi hen la, a nu gitlonale thaimang in um ki’hen.

SAM 78:58

A thoimualteu ah chun ama a choklungnau ah; a milim pathian siamteu chun, a thangsiatna a choktho ui.

SAM 79:8

Ka pu leh pateu duk dak lona kha, ka chung un hezing kin la; la lainatna chun kin tak in, ei dawn ngal ziang ta hen, nasa tak ah tawden in ka um ta’ngal un.

SAM 81:15

Lalpa hawte chu amau lau in kûn in au; a siatnau chun vang kumtuang dai ding ahi tai.

PAWTDAWNA THU 23:24

a pathianteu âng ua la bawkhup lo diu, a nau le la sep lo ding uh, a bawldan uh le la zui lo diu ahi: amau chu la tawden ua, a biak uh dawikhuamte chule la khetbuang dim dem ding uh ahi.

PAWTDAWNA THU 34:14

(pathian dang him him la ho lo diu ahi, Lalpa, a min doichilgil kiti chu Pathian doichilgil ahi ngal a.)

THUPILTE 8:36

ei mu lo tapo chu vang, ama leh ama kihiliam ahi’n; ei muda zosia chu thi’na dawi a hiu, ti in.

ISAI 44:15

Ziaphat chuleh, thingkhua ah mat thei in a hung khanglian ah. A khenkhatte mei awi ding ah tik in a kihailum ta’n; a khenkhatte chu thukkhûk in a tik ah, an huanna’n a mang tai. Chuleh, a dang cheng chu pathian in a siam ah, a ho ta’n; pathian lim in le a siam ah, a ma-âng chun bokkhup in a ho tai.

ISAI 44:19

Khat chale, “A kimkhat thing in ka tik in, a meiâm chung in le vaithum ka kang ah, sale ka em ah, ka ne ta’n. Tu’hin a dang cheng chu ki’dak um tak in ka siam hilo a hem? Thingbong khat âng ah khiangkho mai ding ka hem?” ti ngaitua ah, hethiam leh hetna nei a um puau hi.

JEREMIAH 2:9

Ziaziakchun, ka hun ngaw nalai la hiu, la tu leh chateu tiang in ngaw nalai ding ka hi, Lalpa‘n a tii.

JEREMIAH 32:18

Khang sâng tam tak chung ah ja’ngaina la pia’n; himaleh, a pu leh pateu bawlkhialna a tu leh chateu pheichung ah phuba lasek chu nang la hi’n; aw Pathian lopi leh hat, la min chu sepai honte Lalpa ahi;

EZEKIEL 18:19

Ahi’nla, nang un, “A pa gitlona ziakin bang ding ah a chapa’n thuak lo ding a hem?” la tiu a. A chapa’n dan zui in, thil dik a bawl ah, ka dan thuguat zosia chingthei tak ah a zui chun, matheilo in a hin ding ahi.

EZEKIEL 18:2

Israel gam chung thu ah, “Nu leh pate’n grep thûk a nêk uh leh a chateu ha a jai,” ti thuching kigen gen ziang hi bang ti’na a hem?

EZEKIEL 20:7

Chun, a kiang un: Mitin in la mu nop tun tun uh ki’dak um takte chu paimang unla, Aiguptate milim chun kisubuak kiu in; Kei hi Lalpa la Pathian uh ka hi, ti’n ka la gen ta’n.

EZEKIEL 39:25

Ziaziakchun, Lalpa Pathian in zia gual hin a gen hi: Tu’hin, Jakob vangphatna pia kit ing ka tin, Israel Inkuan zosia chung in ja’ngai ta’ng ka; tichun, ka min thiangtho â dingin thangtawm ta’ng ka.

EZEKIEL 8:3

Khut tawhbang a hun thadok ah, ka sam in ei hun man ta’n; chuleh, thagau in lei leh van kikâl in ei domkhai ah, Jerusalem ah Pathian In kilâkna’n ei etsak ah; a huang sungnung lutna kotpi mallam nga lutna bul tak ah chun thangsiatna milim a um ah, zia milim chun thangsiatna a choktho sek a.

DANIAL 1:2

Lalpa chun Judai gam ah Lengpa Jehoiakim chu a khut in a pia, chuleh, Pathian In ah ûm leh bêl khenkhat a lâk piak chule a phal a. Zia go thilte chu Shinar gam in a paw tung ah, ûm leh bêlte chu a pathian In ah go thil koi khawmna chun a koi tai.

DANIAL 3:18

Ahi’nla, a chutilo tâk leh le, Aw lengpa, la pathian na chu sêm pua’ng ka tiu in, la sana milim siam chule ho diak lo ding ka hiu ti he ta’n,” ti’n a dawnhu tau a.

THIAMPUTE LEKHABU 20:5

zia mihing leh a Inkuante chu ângngat in do ing ka tin, tichun, Molekh ho’na ziak ah kisubuak zosia tawh ama chu a chipite lak ah kipat paitha ding ka hi.

THIAMPUTE LEKHABU 26:1

Thing leh suang leh thil dang milim siamkawm leh dawi khuam la kisiam lo ding uh ahi; zia tawhbang milimte chu la ho’lo him him ding uh ahi: Keima hi Lalpa la Pathian uh ka hi’ngâl a.

THIAMPUTE LEKHABU 26:29

La chapateu leh la chanuteu sa hun ne ding la hiu.

NAHUM 1:2

Pathian doichilgil leh phuba la chu Lalpa chu ahi’n; Lalpa chu phuba la sek leh lungnat hat ahi; Lalpa‘n a dodâlte chung ah phuba a la sek ah; ama do-te chung ah a lungnatna kuanjaksak sek chu ahi.

KISIMNA LEKHABU 14:18

‘Kei Lalpa la Pathian uh hi, lungna vak ziang lo, lungniang leh hepina dim, thiamlona leh bawlkhialna zosia ngaidam ah, a hiziak ah thiamlonate hemil ziang ngai lo, pate thiamlona le chate chung ah, khang thumna leh khang li’na tiang ah, a tu a chateu tiang ah phuba la ziang ka hi,’ la ti ta ngâl a.

KISIMNA LEKHABU 14:33

La ginumlonau ziakin la chateu chu gamthip ah hin kum sawmli sung vâkvai malam in au.

KISIMNA LEKHABU 25:11

“Thiampu Aron chapa, Eleazar chapa, Phinehas in Israelte chung ah ka lungnatna a del mang tai; a lak ua keima sik ah thangtawmna a nei ziakin Israelte chu ka hi’mangthai lo ahi.

MATTHAI 4:9

A kiang in, “Ka ma hin bokkhup in chibai bûk in ei ho inla, zia zosia hi pia sik sek ing ka,” a tia.

JOHAN 15:18

Khawvel in a hun huat chun, nang uh a huat ma khan keima ei haw tai, ti la het diu ahi.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

JOHAN 9:2

A nungzuite chun a kiang in, “Hotupa, zia pa mitthûmsa a pian hi ama gitlo ziak a diam, a nu leh pa gitlo ziak a hizaw diam?” a tiu a.

ROMTE 1:30

demhatnate, Pathian huatnate, musitnate, kiletsaknate, uannate, gitlo thil pandokte, nu leh pa thu awilonate;

ROMTE 8:7

Taksa lam doidan vang Pathian tawh kimêlmâkna ahi’n; Pathian dan tawh kituakna a um puai; um le a um theilo him ahi.

1 KORINTH 10:22

Lalpa chu thangsiat sak gua I hiu em? Ama sâng in I hat zawu ah a hem?

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.

DAN LEKHABU 32:41

ka chemjam hiam lek ing ka tin, ka khut in vaihawmna la’ng ka tin, ka mêlmate chung ah phuba a lâk tak leh, ei mudate chu thuk ta’ng ka.

DAN LEKHABU 4:24

Lalpa la Pathian uh hi, mi kâkmang mei gual leh doichilgil tak Pathian ahi ngâl a.

DAN LEKHABU 5:10

ei hepi a, ka thupiak zawm taphot, a suan sangkhatna tiang ah le ja’ngaina hi’lang sek chu ka hi ngâl a.

DAN LEKHABU 5:9

Zia tawhbang chu ho lo ah a nau le la sep lo ding uh ahi; keima Lalpa la Pathian uh hi Pathian thikthusia, pate gitlona ziak ah a chate gawt sek, ei pâmpaite chu a suan thumna leh a suan li’na tiang ah gawt sek leh,

DAN LEKHABU 6:15

la lak ua um Lalpa la Pathian uh chu, Pathian thangsia hat ahi ngâl ah. Lalpa la Pathian uh lungnatna chu la chung un kuangjak in, lei chung ah kipat hin hun hi’mangthai kha’n a.

DAN LEKHABU 7:10

chuleh, ama pâmpaite hi’mangthai ding ah amau chung ngei ah thuk sek mi ahi. Ama doi lo ah pampaite chung ah kipadâm lo ah, amau taksa chung ngei ah thuk kit ziang sek chu ahi.

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

JOSHUA 23:16

Lalpa la Pathian un la pom ding ua thuthung a hun piak chu, bawtsia ding ah pathian dangte na la sep ua, a âng ua la khiangkho ua leh, Lalpa lungnatna la chung un kuangjak intin, gam pha tak a hun piakna kipat hin, mangthai pai ngâl ding la hiu, ti he tau in, ti’n a gen tai.

JOSHUA 23:7

zia gam ah um nalaite hi tawh kigawm lo ah, a pathian minteu le gen puak lo ding leh, a min ua le kitiam lo ding leh, a nau sêm lo ding leh a âng ua le khiangkho lo ah la umtheina ding un,

JOSHUA 24:19

Himaleh, Joshua’n mipite kiang in, “Lalpa na chu sêm thei pua’n lau, ama chu Pathian thiangtho ahi ngâl a. Ama chu Pathian thikthusia ahi’n, la bawsiatnau leh la gitlonateu chu ngaidam pua’n a.

VAIHAWMTE 2:19

Himaleh, a vaihawmteu thi zaw si’n leh a puk kit ua, a pu leh pateu sâng ah gilo zaw ah um in, pathian dang a ho ua, ziate chu bokkhup in chibai a bûk tau a. A thilbawl uh phalo leh a lochalnau lampi chu a haisan nuam puau hi.