PAWTDAWNA THU 20:4 - PATHIAN LEKHABU THIANGTHO (BSI)

⁴ Chung lam van ah um hi hen la, nuai lam ah um hileh; ahiloleh, leinuai ah tui lak ah um hitaleh, bang thil hiziang leh le, a kibatpi a hem milim la kisiam lo diu ahi.

PAWTDAWNA THU 20:4 ပူးပေါင်းရင်းမြစ်များ

1 LENGTE 12:28

Tichun, lengpa chun, midangte lemguatpina dungzui in, sana bawngno lim pani a siam a. Mipite kiang ah chun, “Jerusalem ah la chiatonau kha a sawt tho tai. Aw Israel, la Pathianteu, Aigupta gam ah kipat hun puidokte chu ziate hi a hiu,” a tia.

2 LENGTE 17:12

Lalpa‘n a kiang ua, “La bawl lo hial diu ahi,” a la ti’sa chu bawl in, a hapan ma ma ziang tau hi.

2 KHANGTHU 33:7

A milim siam haw chu Pathian In ah chun a koi ah, zia mun thu ah hin Pathian in David leh a chapa Solomon kiang ah khan zia gual hin a la gen ta’ngal a: “Israel nam zosia lak ah kipat ka têlchuam, Jerusalem khua zia In ah hi’n kumkhua’n ka min koi ding ka hi’n;

SAM 78:58

A thoimualteu ah chun ama a choklungnau ah; a milim pathian siamteu chun, a thangsiatna a choktho ui.

SAM 97:7

Milim pathian ho zosia a mualpho un, milim bangma hilo suang tapo chu; pathian dang zosia chu a ma-âng in, a bokkhup tau hi.

PAWTDAWNA THU 20:23

Keima kibatpi dingin dangkathik ah kisung pathian la siam lo diu a hia, sana ah pathian limle la siam lo ding uh ahi:

PAWTDAWNA THU 32:1

Mipite chun Mosi tâng ah kipat a hung suk kit hak talua tai, a tiu ah tichun, Aron kiang in a chia khawm ua a kiang in, “Kipan in, ka mau ei pui dingin pathian ei siam piak mai in; zia Mosi, Aigupta gam ah kipat ei puidokpa hi la bangti a hem ka he’phak ta puau in,” a hung tiu a.

PAWTDAWNA THU 32:23

Amau in ka kiang ah, Ka mau ei pui piak dingin pathiante ei siam piak in; zia Mosi, Aigupta gam ah kipat ei puidokpa hi la bangti chanchin ahi em ka he’pha ta puau hen, a hung tiu a.

PAWTDAWNA THU 32:4

Ama’n ziate chu a la’, zia chu bawngno lim in a sung ah; tichun, “Aw Israel, ziate hi Aigupta gam ah kipat hun puidok pathiante chu a hiu,” a tiu a.

PAWTDAWNA THU 32:8

ka thupiakte chu kin tak in a kiheisan zo tau: Bawngno lim a kisun un, a ho un, a kiang in kithoina bawl in, ‘Aw Israel, ziate hi Aigupta gam ah kipat hun puidok pathiante chu a hiu,’ a ti zo tau hi,” a tia.

PAWTDAWNA THU 34:17

Milim kisung pathian la siam lo ding uh ahi.

ISAI 42:17

A milim siamkawm ua kinga, a milimteu kiang ah, “Nanghaw hi ka pathianteu la hiu,” ti zosia chu naw kit ah um in, mualpho ta’n au.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 45:16

Milim siamte chun buaina tuak in, a leng un mualpho tak leh, zakcha tak in um ta’n au.

EZEKIEL 20:7

Chun, a kiang un: Mitin in la mu nop tun tun uh ki’dak um takte chu paimang unla, Aiguptate milim chun kisubuak kiu in; Kei hi Lalpa la Pathian uh ka hi, ti’n ka la gen ta’n.

EZEKIEL 8:10

Tichun, ka lût ah, ka et leh, a bâng ah ganhing bokvâk chitin, ganhing ki’dak um zosia leh Israel Inkuante milim ho zosia lim, a dim ah kizik ka mu tai.

EZEKIEL 8:3

Khut tawhbang a hun thadok ah, ka sam in ei hun man ta’n; chuleh, thagau in lei leh van kikâl in ei domkhai ah, Jerusalem ah Pathian In kilâkna’n ei etsak ah; a huang sungnung lutna kotpi mallam nga lutna bul tak ah chun thangsiatna milim a um ah, zia milim chun thangsiatna a choktho sek a.

THIAMPUTE LEKHABU 19:4

Milim ho kiu inla, milim ah kisung pathiante le kibawl diak kiu in; Keima hi Lalpa la Pathian uh chu ka hi.

THIAMPUTE LEKHABU 26:1

Thing leh suang leh thil dang milim siamkawm leh dawi khuam la kisiam lo ding uh ahi; zia tawhbang milimte chu la ho’lo him him ding uh ahi: Keima hi Lalpa la Pathian uh ka hi’ngâl a.

KISIMNA LEKHABU 12:8

Thugûk le hilo ah kichian tak in, ama tawh kimaitua in ka kiho un, ama’n Lalpa mêl chu a mu ta ahi. Bang ding ah ka suak Mosi gensiat chu lau lo la hiu em?” a tia.

NASEPTE 17:29

Pathian suante I hiziak un, Pathian chu sana a hem, dangka a hem, suang a hem, mihing khutthiam ah bawl kawm thil a hem gual ah I ngai ding uh ahi puai.

ROMTE 1:23

Pathian thi theilo lopina chu, mihing thitheite lim gual po ah siam in, vacha lim po, gamsa keng pali nei lim po leh ganhing bokvâk haw lim gual po in a sângtha tau hi.

DAN LEKHABU 16:22

chuleh, Lalpa la Pathian un a huat ma ma dawi suangle la phû him him lo ding uh ahi.

DAN LEKHABU 27:15

Kua’nle a gûk ah Lalpa ki’dak chi, mi khutthiamte milim siamkawm a hem, sunthaw a hem a kibawl uh chun, hânsiadong in um tau hen, a tiu ah. Mipi zosia chun, “Amen,” ti’n dawnhuu hen la.

DAN LEKHABU 5:8

Chung lam van ah umte mêlpu leh, nuai lam lei chung ah umte mêlpu a hem leh, tui lak ah chêngte lak ah bang a hem khat mêlpu milim la kisiam lo ding uh ahi.

THUPUAN 16:2

Tichun, vansawlchâk pakhatna chu a chia ah, a belbu chu lei ah a buntha ta’n: Ziaphatchun, sahâng tepte’na neite leh a lim ho-te zosia chung in meimasia huaisia leh na tak a chu tai.

THUPUAN 9:20

Zia gawtna thi lo sunte chun a khut nasepteu, thithate, sana milimte, dangka milimte, sum-eng milimte, thing milimte, khua mu theilo, hethei lo leh chia theilote chu ho lo dingin a lung uh a hei diak puau a.

VAIHAWMTE 17:3

Tichun, dangka thik sang khat leh za khat chu a nu kiang ah a piak kit phatin, a nu chun a kiang in, “Zia dangka hi ka chapa’n milim sêkthaw leh sunthaw a bawlna dingin, keima khut ngei in Lalpa kiang in ka lândok hi,” a tia.