PAWTDAWNA THU 20:3 - PATHIAN LEKHABU THIANGTHO (BSI)

³ Keima tilo Pathian dang him him la nei lo diu ahi.

PAWTDAWNA THU 20:3 ပူးပေါင်းရင်းမြစ်များ

1 LENGTE 11:4

Solomon a hung têk phatin, a jite’n a lungthim chu pathian dangte lam in a heimang tau ah; a pa David lungthim dik gual ah khan a lungthim chu Lalpa a Pathian lam in a dik ta puai.

SAM 29:2

Lalpa kiang in a min lopina piau inla, thiangtho hoina kijem in Lalpa ho tau in.

SAM 73:25

Van ah nang lo’ngal kua a hem ka nei? Lei ah le nangsâng ah ka doizawk a um puai.

SAM 81:10

Kei Lalpa, la Pathian uh, Aigupta gam ah kipat hun puidokpa chu ka hi. La kam lian tak in kân, hun sung dim ding ka hi.

SAM 81:9

Gamdang pathian la lak un umlo ding ahi’n; pathian dang le ho diak lo ding la hiu a.

PAWTDAWNA THU 15:11

“Aw Lalpa, kua a hem pathiante lak ah, nang tawh te’thei ding? Kua a hem nangma gual ah thianthona ah lopi, choihoina lam ah lau um leh, thilmakte bawl?

PAWTDAWNA THU 20:23

Keima kibatpi dingin dangkathik ah kisung pathian la siam lo diu a hia, sana ah pathian limle la siam lo ding uh ahi:

PAWTDAWNA THU 22:19

Kua hileh, gancha luppi taphot chu la tha diu ahi.

PAWTDAWNA THU 23:24

a pathianteu âng ua la bawkhup lo diu, a nau le la sep lo ding uh, a bawldan uh le la zui lo diu ahi: amau chu la tawden ua, a biak uh dawikhuamte chule la khetbuang dim dem ding uh ahi.

PAWTDAWNA THU 32:8

ka thupiakte chu kin tak in a kiheisan zo tau: Bawngno lim a kisun un, a ho un, a kiang in kithoina bawl in, ‘Aw Israel, ziate hi Aigupta gam ah kipat hun puidok pathiante chu a hiu,’ a ti zo tau hi,” a tia.

PAWTDAWNA THU 34:14

(pathian dang him him la ho lo diu ahi, Lalpa, a min doichilgil kiti chu Pathian doichilgil ahi ngal a.)

ISAI 26:4

Bangtik lai inle Lalpa chu ging in, Lalpa Jehovah, kumtuang suangpi det tak chu, la nei ngal a.

ISAI 42:8

Keima hi Lalpa chu ka hi’n, zia chu ka min ahi; ka lopina kuama ka pepua’n, ka choihoina chule milimte kiang in, ka pe ngai puai.

ISAI 43:10

Nanghaw hi ei hiatpite chu la hiu a, ka nasemtu ka hun têldaw la hiu a, keima hi lei hun het ua, lei taksan theina ding uh leh, ama chu Keima hi ka hi ti, lei hetchianna ding un, Lalpa‘n a ti ahi. Ka masang ah hin pathian khat chale, siam a la um pua’n, ka nung inle um diak lo ding ahi.

ISAI 44:8

Lau kiu inla, lauthawng him him kiu in; masang lai ah kipat khan ka hun hilsa leh, ka la puanlatsa hita lo a hem? Ka thu hiatpite la hiu! Keima tilo ngal Pathian dang a um him him em? Suangpi det dang a um puai; pakhat chale ka hepuai.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

JEREMIAH 25:6

pathian dangte nasep piak ding leh, ho ding leh la khut nasep ua ka lung a natna dingin chia mang kiu in. Chuti gual ah la um uh chun, hun gawt lo ding ka hi,” a ti sek un.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

JEREMIAH 7:9

Gucha zing, tual that zing, zawntat zing leh zuau ah kitiam zing in, Baal kiang ah thilpiakte pia zing kawm in, la het lo uh pathian dangte ho ah zui zing kawm in,

DANIAL 3:18

Ahi’nla, a chutilo tâk leh le, Aw lengpa, la pathian na chu sêm pua’ng ka tiu in, la sana milim siam chule ho diak lo ding ka hiu ti he ta’n,” ti’n a dawnhu tau a.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

1 KORINTH 8:4

Milim hona kithoina thillat nêk thu ah chun, “Khawvel milimte hi bangma ahi puai,” ti leh, “Pathian pakhat beplo ngal chu a dang a um puai,” ti I hechiat ui.

1 KORINTH 8:6

eimau â dingin vang Pathian pakhat bep a um ah, ama chu thil zosia siampa leh eimau le ama ah I umnau Pa chu ahi’n; ama jal ah thil zosia siam ah um leh, ama ziak ah I hinnau, Lalpa Jesu Khrista pakhat bep chu a um hi.

EPHESA 5:5

Mi hûkte, mi buakte, mi du-âm leh milim ho-te haw hin, Khrista leh Pathian gam ah chun chan him him a nei puau hi, ti he tau in.

DAN LEKHABU 5:7

keima tilo ngâl pathian dang him him la neilo ding uh ahi.

DAN LEKHABU 6:14

La kîmvêl ua namdangte pathian leh pathian dang him him la biak lo ding uh ahi;

DAN LEKHABU 6:5

Lalpa la Pathian chu la lungthim zosia’, la ngaituana zosia’ leh la hatna zosia’n la hepi ding uh ahi.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

KOLOSSA 2:18

Kuama’n amau doilam thu bep ah kingainiam leh, vansawlchâkte biakna’n la kipakman uh hun lâkpiak kiu hen, a thil mu teu chu pansan in a taksa lam lungthim ua kisathei in,

THUPUAN 19:10

Ziaphatchun, a kengbul ah bok khup ah biak ding gua’n ka nai leh ama’n, “Hi’kin, keima le Jesu hiatsakna thu nei ah, la suapi leh la suak chanpi ka hi; Pathian bep chu bia’n; Jesu thu hiatsak chu thagau ah thugen hi ahiziak in,” a tia.

THUPUAN 22:9

Himaleh, ama’n ka kiang in, “Zia gual chun hi’ kin; keima le la suak chanpi, la suapi leh jawlneite nasemtu pakhat leh, zia lekhabu thu kigente a la zuitu pakhat ka hi. Pathian chu la biak ding ahi,” a tia.

VAIHAWMTE 6:10

chuleh, la kiang un, ‘Kei hi Lalpa la Pathian uh chu ka hi; la chênnau gam ah Amorte pathian haw hi la jalo ding uh ahi,’ ti’n ka la gen ta’n. Himaleh, ka thugen la ngaisak puau hi, a ti a hi,” a hung ti ta’n.