PAWTDAWNA THU 20:26 - PATHIAN LEKHABU THIANGTHO (BSI)

²⁶ Ka mâichâm chu kalbi ah kal to dingin la siam lo ding ahi; zia chung ah chun la jamaw la latsak lo ding ahi ngal in,” ti in.

PAWTDAWNA THU 20:26 ပူးပေါင်းရင်းမြစ်များ

SAM 89:7

mithiangthote kikhopna a lau uh Pathian, chung lam ah a kiang ah um zosia lak ah, thupi leh ja um tak chu kua dang a hem?

PAWTDAWNA THU 28:42

A taksau ngawnchang hinau khû ding ah puanâk chual nuai ah a chên ding un puan malngat tawkanuai la siam piak ding ahi; zia chu a kawng ua kipat a pheizum tiang uh tung ding ah la siam ding ahi.

PAWTDAWNA THU 28:43

Ziate chu Aron tawh a chapate’n, mipite kikhopna biakbûk sung ah nasêm ding ah a lut phat ua leh, mun thiangtho, mâichâm mai ah a hung ding tak ua leh a chên sek diu ahi: chutilochun, gitlona kithoina ding ah thillat a hun choi phat ua leh amau chu maw chang ah um in, thi kha’n au. Zia hi ama tawh a nung ah a suante zosia â ding ah kumkhua a bawl ding uh dan ka guat chu ahi.

THUGENTU 5:1

Pathian In ah la chia phat leh, la keng vêngpha’n; mingolte kithoina thilpiak sâng in, ngaitha ding ah kisa zosa um hi a pha zawi; amau chun a thil hi’khial uh a ngaitua ngai puau a.

EZEKIEL 43:17

A kingakna chule ning li nei hi’ntin, a dung leh vai tong sawm leh li gêl hi hen la, a geikawl tong kimkhat ah lian in ûmvêl intin, a kingakna chu tong khat in ûm kîmvêl in ah. Mâichâm leilawn kalbite chun sualam a nga ding ahi, ti’n a gen a.

THIAMPUTE LEKHABU 10:3

Ziaphatchun, Mosi’n Aron kiang in: “Lalpa‘n a la gen kha zia hi ahi: ‘Keima ei nai tapote kiang ah, thiangtho in kilang ing ka tin; tichun, mi zosiate âng ah chun, choisa’n in um ding ka hi,’ a la ti kha,” a tia. Aron in gen ding he lo in a thip tai.

1 PETER 1:16

“Keima ka thiantho gual in, nanghaw le la thiantho diu ahi,” ti ah zik ahi ngal a.