PAWTDAWNA THU 20:24 - PATHIAN LEKHABU THIANGTHO (BSI)

²⁴ Keima â dingin lei ah hin mâichâm ei siam piak inla, zia chung ah chun la hâlmang thillatteu leh la kichamna thillatteu, la belamteu leh la bawngteu la hun lat sek diu ahi: ka min hetzingna taphot ah chun hung ing ka tin, hun maljawl ding ka hi’ngal a.

PAWTDAWNA THU 20:24 ပူးပေါင်းရင်းမြစ်များ

THILSIAM THU 12:2

Nam lopi tak in hun siam ing ka tin, hun maljawl ing ka tin, la min hi’lian ing ka; tichun, nangma chu maljawlna hi’n la;

2 SAMUEL 6:12

Pathian thuthung thingkuang ziakin Obed-edom chanaute leh a nei a lamteu chu Lalpa‘n a malzawl hi, ti Lengpa David kiang ah a hil tau a. Tichun, David chu a kuan ah, Obed-edom In ah kipat Pathian thuthung thingkuang chu David Khawpi ah kipak tak in a vapaw ta’n;

1 LENGTE 8:29

“Zia tak ah chun ka min um ding ahi,” ti ah la genna mun, zia In lam hi sûn leh jan in en zing inla; la suak in zia mun lam nga’ a pauchapna chu ngaitha’n.

1 LENGTE 8:43

la chênna van ah ngaitha’n la, gam dang mite chunle a hun konau gual in bawl piak in; chutichun, la mi Israelte gual ah hin, lei ah mipite zosia’n la min a hun het ua, a hung lau theina ding un leh, zia ka In sak ah hin la min kiko ahi ti a hettheina ding un.

1 LENGTE 9:3

Lalpa‘n a kiang in, “Ka kiang ah la pauchapna leh la dotna chu ka ngaitha tai; zia la In sak hi ka suthiang ta’n; zia tak ah chun kumtuang dai dingin ka min ka koi tai; zia tak ah chun ka mitte leh ka lungthim bangtik lai ah le um zing ding ahi.

2 LENGTE 5:17

Ziaphatchun, Naaman in, “Ahiloleh, la suak hi sakolneu pani puak khop lei tang ei puaksak in; la suak hin Lalpa tilo ngal pathian dang âng ah hâlmang thilpiak lân leh kithawi talo ding ka hi’ngal a.

2 KHANGTHU 12:13

Tichun, Lengpa Rehoboam chu Jerusalem ah chun kisudet in vai a hawm a. Rehoboam chu leng ah a pan lim in kum sawmli leh khat mi ahi ta’n; Lalpa‘n a min umsakna ding mun ah Israel nam zosia lak ah kipat a la têlchuam Jerusalem khua chun kum sawm leh sagi sung vai a hawm ah; a nu chu Amon mi a hia, a min chu Naamah ahi.

2 KHANGTHU 6:6

ahi’n, ka min umna dingin Jerusalem khua hi ka la têl ta hen, ka mi Israelte chung ah vaihawm dinginle David hi ka la têl ta ahi,’ ti ah a la genpa, ama khut ma ma ah hun guitunsakpa min hi pâk in um ta hen.

2 KHANGTHU 7:16

Kumkhua ka min a umna dingin zia tak mun hi ka la guat chuam ta’ngal ah; ka mit leh ka lungthim zia tak ah chun um den ta ding ahi.

EZRA 6:12

Jerusalem ah Pathian In suksiat gaw taphot leh, zia thupiak sukdanglam gawte chu, kua leng leh lal leh bang gual mi hiziang leh le, zia mun ah a min hi’det pa, Pathian chun sumangthai dik dek ta hen. Keima Darius in zia thu hi ka piak ahi; a dîn a dên in zui hi hen, ti’n a dawnhuna lekha chu a zik tai.

NEHEMIAH 1:9

ahi’n la, ka kiang lam ah la hung kile’kit ua, ka thupiakte la zuiuh chun, naw mang ah la umnau kawlkil gamla pen tiang pek himaleh le, zia tak ah kipat chun hun pui khawm kit in, ka min um zingna ding ah ka la guatna mun ah chun hun pui tung kit ding ka hi,’ la ti kha hezing in.

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

SAM 122:2

Aw Jerusalem, ka kengteu hi, la kul kotkhak sung in a ding zing ui.

SAM 128:5

Lalpa‘n Zion ah kipat in hun maljawl hen la, la dam sung sia’n Jerusalem phatna mu zing ta’n.

SAM 134:3

Lalpa, lei leh van siampa chun, Zion ah kipat in hun maljawl ta hen!

SAM 74:7

La mun thiangtho chu a hâl tum un; la min umna mun chu lei tual tawh kikim in, a hi’buak zo tau hi.

SAM 76:2

Salem in a bawkcha a um in; Zion tâng in a chêng hi.

SAM 78:68

Judah nam chu a têl zaw ta’n, a ngainat ma ma Zion tâng ngei chu.

PAWTDAWNA THU 10:25

Himaleh, Mosi chun, “Lalpa ka Pathian kiang ua hâlmang thillat leh kithoinate ka bawltheina ding un ei chiasak unla;

PAWTDAWNA THU 18:12

Chuleh, Mosi sungpa Jethro chun hâlmang thillat leh kithoinate chu Pathian â dingin a hun la; chuleh, Aron leh Israel upate zosia chu, Pathian âng ah Mosi sungpa an nêkpi dingin a hung khawm tau hi.

PAWTDAWNA THU 20:25

Ahi’n, suang mâichâm lei siam piak ding ahileh vang, suang kisêk him him la mat lo ding ahi; sek a hem la mat chun mâichâm chu hi’buak ding ahi ngal in.

PAWTDAWNA THU 24:4

Mosi chun Lalpa thugen zosia chu a zikdok ah. Jingkal matak in a tho ah, tângbul ah chun mâichâm pakhat a siam ah, Israel nam sawm leh ni tawh kituak in, khuam sawm leh ni a phut a.

PAWTDAWNA THU 24:5

Israel mipite lak ah tangvalte chu a sawl ah, amau chun hâlmang thillat tawh kichamna bawngchal Lalpa âng in a hun lân ua.

PAWTDAWNA THU 27:1

Chun, thinggi thing in mâichâm pakhat tong nga sau, tong nga lian, a ning pali nei hi’n tin; a san dan tong thum in la siam ding ahi.

ISAI 64:5

Thanuam tak ah thil dik tak bawlte leh, la lampite ah nangma hun hezingte chu, nang in la kituakpi sek hi. Ngaitia, ka gilo tau a, nang la lung a na’n, lei kihei mangsan ziakin, ka la chawn khial tau ahi.

THIAMPUTE LEKHABU 17:9

Lalpa kiang ah lat ding ah kikhopna biakbûk kotbul ah hun chawi lo tapo chu, a chipite lak ah kipat paithâk ding ahi.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MATTHAI 18:20

Keima min ah mi pani a hem, pathum a hem la um khawmnau ah chun kei pakhat ah pang zing sek ka hingal a, a tia.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

DAN LEKHABU 12:11

Lalpa la Pathian un, a min chênna ding ah a têlna mun ah chun, la kiang ua ka gen zosia: La hâlmang thillat kithoinateu, sawm ah khatte, la ngamtawk thilpiakteu leh la kitiamnau thil piakteu chule la hun choi ding uh ahi.

DAN LEKHABU 12:21

Lalpa la Pathian un a min koina ding ah a têlna mun chu a gamlat chun, Lalpa maljawlna gan hon leh belam honte lak ah la duchâk pen pen uh chu, la duchâk hun si’n ua leh la khua sung chiat ua that a, nethei ngâl dingin thu ka hun pia la hiu.

DAN LEKHABU 12:5

Lalpa la Pathian un la nam pumpiu lak ah kipat a chênna ding leh, a umna ding ah a têldawna pen mun chu hawldok un. Zia tak mun bep ah chun chia sek unla;

DAN LEKHABU 14:23

Lalpa la Pathian uh launa châng la hetzing theina ding un, sawm ah khat bu, uain, sathau, gan hon leh belam hon lak ah a piang masa pente chu, Lalpa la Pathian un, a min tâklatna ding ah a guatna mun ah chun la ne ding uh ahi.

DAN LEKHABU 16:11

Lalpa la Pathian un a min umna ding ah a guatna mun ah chun, nang tawh la chapate, la chanute, la suakpa leh la suaknute, la lak ua um Levite, gam dang mite, nauchagate leh meithâite chu tawh la leng un, Lalpa la Pathian uh ma-âng ah lim tak in la ûm khawm ding uh ahi.

DAN LEKHABU 26:2

Lalpa la Pathian un a piakna gam leilung ah ga masa pente lak ah bang a hem jat chu, Lalpa la Pathian un a min hetzingna ding ah a guatna mun ah chun la hun puak ding uh ahi.

DAN LEKHABU 7:13

hun hepi in, maljawl in, hun hi’pung in ah; la pu leh pateu kiang ah piak a la tiamsa gam ah chun la gil ua gate leh la gam ua theiga te, bu te, uain te, sathau te, la ganchateu leh la belamteu chu hi’pun piak in a.

1 TIMOTHI 2:8

Chutichun, muntin in pawsalte chun, khut thiangtho jak in, lungna lo leh kinial lo in pauchap leu ka dawi in;