PAWTDAWNA THU 20:2 - PATHIAN LEKHABU THIANGTHO (BSI)

² Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

PAWTDAWNA THU 20:2 ပူးပေါင်းရင်းမြစ်များ

1 LENGTE 18:39

Mi zosia’n zia chu a mu phât un, a mai ua lei tual si’n, “Lalpa chu Pathian ahi ngei mai hi! Lalpa chu Pathian ahi ngei mai hi!” a ti tau a.

2 LENGTE 17:12

Lalpa‘n a kiang ua, “La bawl lo hial diu ahi,” a la ti’sa chu bawl in, a hapan ma ma ziang tau hi.

2 LENGTE 17:7

Zia gual chun, Israelte chun Aigupta gam ah Lengpa Pharaoh khut nuai ah pat puidokpa, Lalpa a Pathian chung un thil gilo a hun bawl kit ua; pathian dang a hun ho kit tau hi.

2 KHANGTHU 28:5

Ziaziakchun, Lalpa a Pathian in Aram mite lengpa khut in a pedok ta’n; amau chun a zo un, a mipi tam takte chule Damaska khua lam ah sal in a pui mang zo tau hi. Ama chule Israelte lengpa khut ah piakdaw ahi’tâk ziakin, mi tam tak chu a that gam tau hi.

SAM 50:7

“Aw ka mite haw, ngai un, thu gen ding ka hi; Aw Israel, ngai in, la diklona hun hetchiansak ding ka hi. Keima Pathian, la Pathian chu ka hi.

SAM 81:10

Kei Lalpa, la Pathian uh, Aigupta gam ah kipat hun puidokpa chu ka hi. La kam lian tak in kân, hun sung dim ding ka hi.

SAM 81:11

Himaleh, ka mite’n ka aw a ngai nuam puau a; Israelte’n ka thu a mang puau hi.

SAM 81:7

Lungjin ni’n lei ko ah, ka hun hukdok ta’n; vân-git kisêlna mun ah kipat in ka hun dawnhu in; Meribah tui munte ah khan ka hun patep la hi. (Selah)

PAWTDAWNA THU 13:14

Tu’nung phat leh la chateu in, “Zia hi bang ding ah kibawl a hem?” ti a hun dot phat ua leh, “Aigupta suak channa In ah kipat Lalpa’n a bân thahat ah ei puidok ziak leh,

PAWTDAWNA THU 13:3

Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

PAWTDAWNA THU 15:13

La tatdawsa la mite chu, la lainatna’n la puidok ah: La hatna’n amau chu la chênna, mun thiangtho tiang in la pui tung a.

PAWTDAWNA THU 15:16

Aw Lalpa, la mipite a gâlkâi ma siau, la chawk dawsa la mipite zosia chu a gâlkâi ma siau in, launa leh tizatna a chung un a chu ta’n, la bân thahâtna ziakin, amau chu suangtum gual in a thip tau hi.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 20:1

Ziaphatchun, Pathian in ziate zosia hi a gen tai:

PAWTDAWNA THU 29:46

Chuleh, amau haw lak ah ka chêntheina dingin, Aigupta gam ah kipat puidok sek Lalpa a Pathian uh chu ka hi ti he ta’n tin uh: Keima Lalpa a Pathian uh ka hi.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

ISAI 43:3

Lalpa la Pathian, Israel Mi Thiangthopa, a hun hukdokpa chu ka hi’ngal a. Nangma kitatdawna dingin, Aigupta gam chu ka pedok ta’n, nangma thatheng dingin, Ethiopia leh Sheba gamte hi ka pedok tai.

JEREMIAH 16:14

Aigupta gam ah kipat Israelte puidokpa Lalpa chu a hin nâk leh, ti ah kitiamna um tâk lo’na ding nikhua chu hung tung intin,

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

JEREMIAH 31:1

Ziaphat chuleh, Israel Inkuan zosiate Pathian hung hita’ng ka ti’n, amau chule ka mipite hung hita’n au, Lalpa‘n a tii.

JEREMIAH 31:33

Himaleh, ziazaw nung lam ah, Israel Inkuante kiang ah ka thutiam siam ding chu zia hi hi’n a, Lalpa‘n a tii: A lunggil sung un ka dan koi ing ka tin, a lungchang un zikdaw piak ing ka; chuleh, a Pathian uh hi’ng ka tin, amau chule ka mipite hung hita’n au.

JEREMIAH 34:13

Israelte Pathian, Lalpa chun zia gual hin a gen a: Aigupta gam ah suak leh sal la tânnau ah kipat ka hun puidaw ah khan, la pu leh pateu kiang in zia gual ah hin gen in, thuthung ka la siam tai:

EZEKIEL 20:19

Keima Lalpa la Pathian uh ka hi; ka dan siamte zui unla, chingthei tak in ka vaihawmnate vop unla,

EZEKIEL 20:5

a kiang un: Lalpa Pathian in zia gual hin a gen hi: Israelte ka têlchuam ni khan, Jakob suante kiang in thu ka la tiam ta’n: Aigupta gam ah ka la kihiatdawsak ta’n, a kiang un: Kei hi Lalpa la Pathian uh chu ka hi, ti’n ka la kitiam tai.

EZEKIEL 20:7

Chun, a kiang un: Mitin in la mu nop tun tun uh ki’dak um takte chu paimang unla, Aiguptate milim chun kisubuak kiu in; Kei hi Lalpa la Pathian uh ka hi, ti’n ka la gen ta’n.

HOSEA 12:10

Jawlneite kiang in ka la gen tai; kilâkna supung kei ka hi. Jawlneite mangcha’n la chung ua siatna tunsak ding ka hi.

HOSEA 13:4

Ahi’n la, kei chu Aigupta gam ah kipat, Lalpa la Pathian uh ka la hita’n; kei tilo Pathian dang la hepuau in; chuleh, kei ti lo hukdampa dang le a um puai, ti la hiau a.

THIAMPUTE LEKHABU 11:45

Keima Lalpa hi la Pathian uh ka hi’theina ding ah Aigupta gam ah kipat nanghaw hun puidokpa kha ka hi; keima ka thiantho gual in, la thiantho ding uh ahi.

THIAMPUTE LEKHABU 19:36

Bûkna dik, te’na dik, ephah dik leh Hin dik tak la mat ding uh ahi: Keima hi Lalpa la Pathian uh, Aigupta gam ah kipat hun puidokpa chu ka hi’ngâl a.

THIAMPUTE LEKHABU 23:43

la suanteu in, Israelte Aigupta gam ah kipat ka puidaw lai in, sawlbawk ah a la chêng ui ti a hettheina ding un: Keima hi Lalpa la Pathian uh ka hi, ti’n a gen a.

THIAMPUTE LEKHABU 25:38

Keima hi Lalpa la Pathian uh ka hitheina ding ah Aigupta gam ah kipat hun puidokpa, Kanaan gam hun pepa chu ka hi’ngâl a.

THIAMPUTE LEKHABU 25:42

Amau chu keima suak hiding ah Aigupta gam ah kipat ka puidaw ahi ngâl un: Suak gual ah zokmang lo ding ahi.

THIAMPUTE LEKHABU 25:55

Kei â dingin Israelte chu suak a hiu a: Aigupta gam ah kipat ka puidaw, ka suakte chu a hiu: Keima hi Lalpa la Pathian uh chu ka hi, ti’n a gen a.

THIAMPUTE LEKHABU 26:1

Thing leh suang leh thil dang milim siamkawm leh dawi khuam la kisiam lo ding uh ahi; zia tawhbang milimte chu la ho’lo him him ding uh ahi: Keima hi Lalpa la Pathian uh ka hi’ngâl a.

THIAMPUTE LEKHABU 26:13

Keima hi Lalpa la Pathian uh, a suak ua um kit talo ding ah Aigupta gam ah kipat hun puidokpa chu ka hi: la ngawngkolteu hi’bong ah, jang tak ah hun chiasak pa chu ka hi.

AMOS 2:10

Amorte gam lua dingin Aigupta gam ah kipat in ka hun puidok a, gamthip ah kum sawmli sung ka hun pui hi.

ROMTE 10:12

Judate leh Grikte kikâl ah bangma kikhiakna a um puai, Lalpa pakhat, mi zosia chung ah Lalpa ahi, a min lam tapote chung ah phatna a hau ngal a.

ROMTE 3:29

Aleh, Pathian chu Judate Pathian bep ahi diam? Jentelte Pathian le hilo a hem? ahi, Jentelte Pathian le ahi.

DAN LEKHABU 13:10

Aigupta gam ah suak hi’na In ah kipat hun puidokpa, Lalpa la Pathian ua kipat nanghaw hun pui mang gua taphot chu suang in seplum ziang un.

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 20:1

La gâlteu do ding ah la kuan lai un, sakolte, sakol kângtalaite leh sepai hon nanghaw sâng ah tam zaw la mu ziak un lau diak kiu in; nanghaw Aigupta gam ah kipat hun puidokpa Lalpa la Pathian un a hun umpi zing ngâl a.

DAN LEKHABU 5:15

Nanghaw le Aigupta gam ah khan suak leh sal in la la um tau ah; zia’ kipat chun Lalpa la Pathian un, a khut hât tak leh a bânjak in a hun puidok la hiu ti kihe zing un; ziaziakchun, Lalpa la Pathian un sabbath ni chang thiangtho dingin thu a hun piak la hiu.

DAN LEKHABU 5:6

Keima hi Lalpa la Pathian uh, Aigupta gam ah suak leh sal ah la tânnau ah kipat hun puidokpa kha ka hi’n;

DAN LEKHABU 7:8

Lalpa‘n a hun hepi ziakin, la pu leh pateu kiang ah a la kipau tiamna thu chu a vop det ziakin, Aigupta lengpa Pharaoh khut ah kipat leh, la suak channau In sung ah kipat hun hi’thiangtho in, Lalpa‘n a khut hât tak in a hun pui daw la hi zawu hi.

VAIHAWMTE 2:1

Gilgal ah kipat in Lalpa vansawlchâk pakhat Bokim ah hung tung to in, a kiang un, “La pu leh pateu kiang ah ka la kitiamna gam ah ka hun pui lût theina dingin, Aigupta gam ah kipat in ka hun puidok ta’n; a kiang un, ‘La kiang ua ka thutiam chu thul pua’ng ka tin,

VAIHAWMTE 6:10

chuleh, la kiang un, ‘Kei hi Lalpa la Pathian uh chu ka hi; la chênnau gam ah Amorte pathian haw hi la jalo ding uh ahi,’ ti’n ka la gen ta’n. Himaleh, ka thugen la ngaisak puau hi, a ti a hi,” a hung ti ta’n.