PAWTDAWNA THU 20:17 - PATHIAN LEKHABU THIANGTHO (BSI)

¹⁷ La Invêngte thil nei awtcha kin; la Invêngpa ji a hem, a suakpa a hem, a suaknu a hem, a bawngchal a hem, sabiltung a hem a thilneite him him la ên lo ding ahi.

PAWTDAWNA THU 20:17 ပူးပေါင်းရင်းမြစ်များ

THILSIAM THU 14:23

patzang khat leh kengtawdap khauzang khat ziang le nang â taphot chu bangma la pua’ng ka; achutiloleh, ‘Abram hi ka siam hausat ahi,’ ti kha’n la;

THILSIAM THU 3:6

Tichun, numei chun thingga chu a mu phât in nêk ding ah kilawm leh mit hîp ma ma ahi ti leh, mi hi’pil thei ding ah thingga etlâ um tak ahi ti a het in a ga chu a lo ah, a ne ta’n; a umpi a pawsal chule a pia’n, ama’nle a ne tai.

THILSIAM THU 34:23

chutileh, a ganchateu, a suanteu, a gan zosiau hi ei uh â hung himai lo ding a hem? A thuu hi lem sakpi mai hitiu; tichun, I kiang un um den mai ding a hiu,” a tiu a.

JOB LEKHABU 31:1

Ka mitte tawh thuthung ka siam un; bangti’n em nungak ka et thei ding?

JOB LEKHABU 31:9

Ka lunggil hi numei in a hipmang ah, ka Invengte kotkhak bul ah, mi châng ah a la pang kha, ka hi chun vâng,

SAM 10:3

Mi nunsia’n a duthusam chu a kisaktheipi in, lawkna ding hawl ah du-âmte chun Lalpa chu hânsialaw in, a pâmpai sek ui.

SAM 119:36

La thu hetsak lam ah ka thinlung kaihei inla, keima â ding bep ah lawkna hilo dingin.

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

THUPILTE 6:29

Zia gual chun, kuale a Invêngpa ji tawh lum khawm ah, khoikha tapo chu, gawt lo in suakcha pua’n a;

THUGENTU 4:8

mi pakhat chapa le nei lo, suapile nei diak lo, a sep gimna’n lah tawpni nei diak lo a um in; a hausakna chule a mit taina khop ahi diak puai, “Ka hinkhua nopna ding zosia chân hial ah, kua â ding ah sêm gimle ka hem?” a kitiu a. Zia hile bangmalo mai leh a thawn ah buaina mai mai ahi.

ISAI 33:15

Kuale dik tak ah tawi ah, dik tak ah thugen a, mi neisa lâkpiak ah punna doi lo ah, gawlgûkna la’lo ding ah a khut kaimang ah, thisan sua’na ding thu hetkhâk ding lau ah kivêng sek ah, thil phalo mu ding nuam lo ah mitsîng sekte chu,

ISAI 57:17

Huaihap tak ah a nunsiat ziak un, a chung un ka lungna ma ma in; ka la vaw ta’n, ka lungnatna ziakin, ka kisêl mangsan tai; maleh, ei nusia tei tei un, amau nop dan dan in a chia tei tei ui.

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 5:8

Amau chu sakol pha tak ah kivâkvâ gual a hiu, midangte ji etlâ ziakin a hâm sek ui.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

MIKAH 2:2

Midangte lou a awtchau ah, zia chu thagum in a lak piak sek un; midangte In a eng un, zia chu thagum in a lak piak sek un; In leh a neitu chu a bawl genthei ma ma sek un, mihing leh a gochanteu a nuaisiau hi.

HABAKKUK 2:9

“Thil phalo in a sukkhak lo ding ah bû sâng tak ah sia ah, a In sung â ding ah lawkna diklo, lakhawmte chung chu a gik hi!”

MATTHAI 20:15

Kei â hive’n, ka nop dan dan ah ka bawl thiang hilo a hem? Ahiloleh, keima huangphal ziakin nang in mitthipna la nei ziang a hem? a tia.

MATTHAI 5:28

Kei vang in, kuale numei tatsiatpi ding et ah en tapo chun, a lungthim in a ângkawm zo ahi tai ti ka hil la hiu.

LUKA 12:15

Chuleh, Jesu chun, a kiang un, “Chingthei un! Huaihapna lak ah chun kiveng un! Nei leh lam leh thil hauna mai hi mihing dampi pen ahi puai,” a tia.

LUKA 16:14

Pharisai sum thangaite chun zia thute chu a het phat un, a nuisan un.

NASEPTE 20:33

Kuama dangka leh sana leh sil leh chên ka eng ngai puai.

NASEPTE 5:4

Zokdaw ahi masang ah chun nang â hilo a hem? Zokdaw ahi’nung inle a man chu nang thu thu hilo a hem? Bangatia, la lungthim ah zia thil hi gêlgu la hem? Kei uh ei thêm la hipua’n, Pathian thêm la hizawi,” a ti’n.

ROMTE 13:9

“Ângkawm kin, Tual that kin, Gu kin, Êng kin,” ti leh thupiak dang um nalai him himte hi, “Nangma la kihepi gual in la vêngte hepi in,” ti hin a khaikhawm suak tai.

ROMTE 7:7

Bang I gen ta ding awm leh? Dan chu gitlona a hem? Hilo e! Dan ziak ah het hilo leh, gitlona chu a la helo ding ka hi. Dan in, “Êng kin,” tilo leh, ênna chu bang a hem helo ding ka hi.

1 KORINTH 6:10

guchate, huaihapte, zukhamte, mi vau mangte leh mi suamte chun Pathian gam lua pua’n au.

EPHESA 5:3

Mithiangthote la hung hi’tâk ziak un, numei chung ah tatsualnate, buakna zosia leh ênna thute hi la lak un genkhâk le hita ki’hen.

EPHESA 5:5

Mi hûkte, mi buakte, mi du-âm leh milim ho-te haw hin, Khrista leh Pathian gam ah chun chan him him a nei puau hi, ti he tau in.

DAN LEKHABU 5:21

La Invêngte ji la dawichâk lo ding ahi. La Invêngte In leh lou, suakpa leh suaknu, bawngchal hileh, sabiltung hileh, a thil neite him him la ên lo ding ahi, ti in.

DAN LEKHABU 7:25

A pathian lim siamteu chu mei in hâltum unla, a sana leh dangka neiteu chu enla kiu in; nang uh â dinginle kilâk diak kiu in. Nang uh subuai ah hung pang ziang thei a hiziak un; ziate chu Lalpa la Pathian un a ki’dak lam tak ahi ngâl a.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

JOSHUA 7:21

Gâllâk thil ah Shinar puan hoi tak leh, dangka shekel za ni leh sana tum shekel sawmnga ah gik ka mu phât in, ka en lâ ta lua’, ka la lâk mai ahi. A leng in ka puanbûk sung ah, lei nuai ah ka sêlgu’n, dangka chu a nuainung pen ah ka koi ahi,” a tia.

1 SAMUEL 12:3

Zia hin ka um hi; ka chung ah lungkim lo zosia’n Lalpa leh a sathaunu’ ma-âng ah hin gen un. Kua bawngchal ka lâkpiak a um em? A leh, kua sabiltung ka lâkpiak a um em? ahiloleh, kua dawha bawl in a nei ka lâkpiak la um awm? Kua ka hun êngbawl la um awm? Mit kithumsak in kua kiang ah golgûkna ka la ngai em? Zia gual chu a um chun hun gen un, hun dit kit sik sek ing ka,” a tia.

1 SAMUEL 15:19

Bang ding ah Lalpa thugen chu zui lo la hi em? Bang ding ah Lalpa mit mu ah thil diklo tak bawl ding ah gâllâkte chu baw he hu ziang la hi em? ti’n a gen a.