PAWTDAWNA THU 20:12 - PATHIAN LEKHABU THIANGTHO (BSI)

¹² La nu leh la pa ja in; chutileh, Lalpa la Pathian in a hun piak gam ah hin la dam sung nikhua a sawt theina dingin.

PAWTDAWNA THU 20:12 ပူးပေါင်းရင်းမြစ်များ

THILSIAM THU 48:12

Joseph in a chate chu a pa malpi kikâl ah kipat chun a kaidok ah, a mai ah leitual si’n chibai a bûk a.

THILSIAM THU 50:12

Chutichun, a chapate chun a duthusam gual ah chun a bawl piak tau a.

1 LENGTE 2:19

Bathsheba chu Adonijah â ding ah gen piak dingin Lengpa Solomon kiang in a chia ta’n. Amanu chu tuak dingin lengpa chu a kipan ah, a bokkhup ta’n; a lalchutpha chung in a chu suk ah, lengpa nu chutna’ kichu dingin a sawl ah; chuleh, a chang lam ah chun amanu chu a kichu tai.

2 LENGTE 2:12

Elisha chun a et zing kawm in a kiko zing a, “He pa, he pa! Israel kângtalaite leh a sakolpute chu!” ti in. Himaleh, a mu phâk tâk lo phatin, a puan chu a la, phel ni’n a botthêk tai.

PAWTDAWNA THU 21:15

Chuleh, kuale a nu a hem, a pa a hem vaw taphot chu thalup ngei ngei ding ahi.

PAWTDAWNA THU 21:17

Kuale a nu a hem, a pa a hem hânsia lawkhum taphot chu tha ngei ngei ding ahi.

THUPILTE 15:5

Mingol in a pa hilna a musit in, a pa hilna hethiamte chu mi lunggêl thei a hiu.

THUPILTE 17:6

Têksete â dingin a tuteu chu a lal lukhuk uh ahi’n; chate lopina chu a nu leh pateu hi a hiu.

THUPILTE 20:20

La nu a hem, la pa a hem hânsia la law khum chun, sîn leh têt kibang khop ah thim lak in, la thaumei kimût mit piak ding ahi.

THUPILTE 28:24

A nu a hem, a pa a hem suam ah, “Thil ka bawl khial puai,” ti chu, suam mang lak ah pang ahi.

THUPILTE 3:16

A khut changlam in dam sawtna a um ah; a khut veilam in hausakna leh lopina a um hi.

THUPILTE 30:11

A pateu hânsialaw ah, a nuteu maljawlna pelo mile a um ui.

THUPILTE 30:17

A pa simmaw leh a nu thu ngainêpte mit chu, phâigam va-âk in kheldok intin, musanete’n a sa le ne’n au.

JEREMIAH 35:18

Himaleh, Rekabte sunghaw kiang in Jeremiah in zia gual hin a la gen a: Sepai honte Lalpa, Israelte Pathian in zia gual hin a hun gen hi: La pu bul uh Jonadab thupiak leh a dan thuthung zosia vopdet ah, a hun thupiak la zui ziak un;

JEREMIAH 35:7

inle la sak lo diu, thâile la chîn lo diu, grep le la phû lo diu; chuleh, grep gui khat ziang le la nei lo diu ahi; la chênnau gam sung ah sawt tak la chêntheina ding un, la damsung siau puanbûk ah la chên diu ahi,’ ti in.

EZEKIEL 22:7

La sung ah chun nu leh pate musit in a um un; la sung ah malzinte suam in a um un; la sung ah nauchaga leh meithâite diklo tak ah bawl in a um ui.

THIAMPUTE LEKHABU 19:3

mi tin in a nu leh a pateu a ja ding uh ahi: chuleh, ka sabbath nite a chan ding uh ahi: Keima hi Lalpa la Pathian uh ka hi.

THIAMPUTE LEKHABU 19:32

Têksete leh la sâng ah upa zaw te la jabawl ah, la Pathian la lau ding ahi: Keima hi Lalpa chu ka hi.

MALAKI 1:6

Aw Thiampu, ka min simmawte haw, cha’n a pa a chawihoi in, suak in a pu a chawihoi hi; kei pa ka hileh chawihoi ah ka umna bang ahi em? Hotu ka hileh ja ah ka umna bang ahi em? ti’n sepaite Lalpa‘n a hun dong la hiu. Nanghaw chun, “Bangti’n la min ka simmawu ah a hem?” la tiu a.

MATTHAI 19:19

La nu leh pa le ja inla, nangma la kihepi gual in la vengte le hepi in, tite hi, a tia.

MARKA 10:19

Thupiakte la he a pom: Tual that kin, ângkawm kin, Gucha kin, Hiatpitu dik lo in pang kin, Mi dawha bawl kin, La nu leh la pa ja in, ti te hi,” a tia.

MARKA 7:10

Mosi chun, la nu leh pa ja in, kuale a nu leh pa hosia chu thi mai hen, a ti’n;

LUKA 18:20

Thupiakte kha la hia’i, ‘Ângkawm kin’ ‘Tualthat kin,’ ‘Gucha kin,’ ‘Hetpitu dik lo in pang kin,’ ti leh, ‘La nu leh pa ja in,’ tite hi,” a tia.

EPHESA 5:21

Khrista la jana ziak un, nanghaw le kilutcha tua chiat un.

DAN LEKHABU 11:8

La gâl kâi nung ua, la luana ding uh gam chu la lût ua, la lua theina ding ua hâtna la neitheina ding un, tu’ni la kiang ua ka thupiak zosia hi zawm dingin thu ka hun pia la hiu;

DAN LEKHABU 11:9

la chutiuchun, gampha, bawngnawi leh khuaizu luanna gam, la pu leh pateu leh a suanteu kiang ah piak ding ah Lalpa‘n a la kipautiamna gam ah chun, sawt tak la chêntheina ding un.

DAN LEKHABU 21:18

Kua a hem khat in chapa lochal tak leh thukhel tak nei hen la, a nu leh pa thu zui nuam lo in, a thununnau le ngaisak lo leh,

DAN LEKHABU 25:15

Lalpa la Pathian un a hun piakna gam hin, la dam sawt theina ding un, bûkna dik leh te’na dik tak bep la mat ding uh ahi.

DAN LEKHABU 27:16

A nu a hem a pa a hem jalo tapo chu, hânsiadong in um tau hen, a ti zaw phat uh leh, mipi zosia chun, “Amen,” tiu hen la.

DAN LEKHABU 32:47

Zia hi thil mai mai hilo in, la hinnau ma ma ahi ngâl a; zia thu ziak hin Jordan luigâl la vakai ua, la luanau gam ah chun la dam sawt theina ding un,” a tia.

DAN LEKHABU 4:26

Jordan lui gâl kâi ah, la hun luana ding gam ua kipat hi’mangthai ah um ding la hiu ti ei hiatpitu hi dingin lei leh van ka ko ahi; chêng sawt pua’n la tiu in, mangthai sik sek ding la hiu.

DAN LEKHABU 4:40

Nanghaw leh la nung ua la tû leh chateu â ding ah thilpha ahi theina ding leh, Lalpa la Pathian un a hun piakna gam ah la um sawt theina ding un, tu’ni ka thupiak dungzui ah hin ama dan leh a thupiakte chu zawm tau in.

DAN LEKHABU 5:16

Lalpa la Pathian thupiak dungzui un la nu leh pa ja un; tichun, Lalpa‘n a hun piakna gam ah hin lamzang in la tiu in, la dam kum uh le sawt in ah.

DAN LEKHABU 5:33

La gam luana ding ua chu la dam sawt ua, lam zang tak ah la hin theina ding un, Lalpa la Pathian un thu a hun piak gual tak in la zop ding uh ahi, a tia.

DAN LEKHABU 6:2

nangma leh la tû leh chateu in Lalpa la Pathian uh la lau ua, la dam sung siau a dan te leh a thupiakte la zui ua, la dam sung kumteu hi’sau a hitheina dingin.

KOLOSSA 3:20

Chate haw, bangkim in la nu leh pateu thu awi un, zia chu Lalpa kipak lam tak ahi.

RUTH 3:6

Tichun, Ruth chu buphual in a chia suk ah, a talpinu’n a hil gual chun a bawl tai.

1 SAMUEL 22:3

Zia tak ah kipat chu David pawtdok in, Moab gam ah Mizpeh a tung a. Moab lengpa kiang in, “Pathian in kei â ding ah bang ei hun bawl piak ding a hem ti ka het masang sia, lungsiat tak in ka nu leh pa la kiang ah hung uh hen la, la kiang ah hung um tadi leu ti ah hung don ka hi,” a vatia.