PAWTDAWNA THU 20:10 - PATHIAN LEKHABU THIANGTHO (BSI)

¹⁰ Himaleh, a ni sagi ni hi Lalpa la Pathian Sabbath ni ahi: zia ni hin nang, la chapa, la chanu, la suakpa leh la suaknu, la ganchate leh la huang sung ah chêng malzin inle, kuama’n na la sep lo diu ahi.

PAWTDAWNA THU 20:10 ပူးပေါင်းရင်းမြစ်များ

NEHEMIAH 10:31

chuleh, zia gam ah mite hin sabbath ni ah van leh nekthei a hung zok unle, sabbath ni leh nizek thiangtho ah chun chaw him him pua’ng ka tiu in; chuleh, kum sagi’na si’n leh lou ah thâi chîng lo in, leiba zosia le beng lo dingin a kihaksial tau a.

PAWTDAWNA THU 16:26

Ni guk sung chu luak sek in la tiu in, a ni sagi ni, sabbath ni ah chun vang luak ding khat chale umlo ding ahi,” a tia.

PAWTDAWNA THU 31:13

Israelte kiang in nang, nangma ngei in hi tia hin la gen ding ahi: “Ka Sabbath nite hi la chan zing ding uh ahi, zia hi keima tawh nangmau kikâl ah, la suan zosia tiang ua tepte’na hiding ahiziak in, nang uh hun hithiangtho Lalpa chu ka hi ti la het theina ding un.

PAWTDAWNA THU 34:21

Ni guk sung na sêm unla, a ni sagi ni chun la kichawl dam diu a hia; bu tu’hun hileh, bu ât hun hileh la kichawl him him ding uh ahi.

PAWTDAWNA THU 35:2

Ni guk sung nasepna la mat diu a hia, a ni sagi ni ahileh vang nang uh â ding ah ni zek thiangtho, Lalpa â ding ah chawldamna Sabbath hi’n ah; kuale zia ni ah bang a hem khat bawl taphot chu tha ngal ding ahi.

EZEKIEL 14:7

Kuale, Israel Inkuan lak ah mi hi hen la, gam dang mi Israel gam ah chêng hitaleh, a lungthim ua milim koidet ah, a dukdak lo’nau ah a kipalna ding uh koi zo ta’ngal ah, jawlnei kiang ah thu ei dong ding ah hung taphot chu, Keima, Lalpa hin amau chu dawnhu ing ka.

THIAMPUTE LEKHABU 23:3

Ni guk sung in la sep ding cheng uh zo thiang unla, a ni sagi ni chu sabbath ni, khawmpi thiangtho chu ahi; zia ni hin na la sep lo ding uh ahi: La chênna zosiau ah, Lalpa â ding ah sabbath ni chu ahi.

LUKA 23:56

A hung kit ua, gimtui leh sathau haw a ngaituau a; thupiak dan dungzui in sabbath ni chun a chawl tau hi.