PAWTDAWNA THU 2:3 - PATHIAN LEKHABU THIANGTHO (BSI)

³ A sêlgûk zaw tâk lo phatin, phâiluang in bawm pakhat a siam ah, vahaibuan leh thingnâi in a tuai bit ah; nausen chu zia bawm sung ah chun a koi ah, lui pang ah phâiluang lak in a koi ta ahi.

PAWTDAWNA THU 2:3 ပူးပေါင်းရင်းမြစ်များ

THILSIAM THU 11:3

Chun, a hung kiho ua, “Kisau in, cheklei siam hitiu in, pha tak in hâl tâk hitiu,” a tiu a. Tichun, suang thasâng in cheklei leh a châlmatna ding thingnâi thasâng ah thauvomman a hun nei tau a.

THILSIAM THU 14:10

Siddim phâiguam chu thauvomman chawdawna khûk in a dim ah; Sodom leh Gomorrah khua lengte ni chu a tai daw phat un, kawkhûkte ah chun a ke’lut tau ah; leng dangte chu tânggam ah chun a tai mang tau hi.

THILSIAM THU 6:14

Nang â dingin Gopher thing in long kibawl in la; long ah chun pindan chuam chuam siam in la tin, a sunglam leh a pawlam chu thingnâi ah la jutbit ding ahi.

PAWTDAWNA THU 1:22

Ziaphatchun, Pharaoh in a mipite kiang in, “Hebrai mite chapa zosia chu Nail luipi ah la pai lut sik sek diu ahi, numeite bep la hawi ding uh ahi,” ti’n thu a pia tai.

ISAI 18:2

phâiluang ah pum kisiam chung ah, Nail luipi dung ah kitawl ah, gam palai sawl sekte tak chu aw! Chia kin un, nanghaw thangko kin-gangte haw, a gam uh luiliante’n a khen uh, nam sâng leh mi tuai phate, a gamla leh a nai ah umte’n a kichâk uh, nam hat leh gal zo zingte kiang ah chun chiau in.

ISAI 19:6

a tuilamteu chu namsia ta’n a, chuleh, Aigupta luipi Nail luibâkte chu, kiam in keugawp intin; phâiluang leh ngathalte chule muat ta’n a.

ISAI 35:7

piaunêl sa lut lut chu, dil hung suak ta’n tin; gam gawchâk chu tuinâk hung hita’n a; Ngei hon chênna mun chu, dawp lak hung suak ta’n tin, phâiluang leh pumpêng kek dim ta’n a.

MATTHAI 2:13

A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

MATTHAI 2:16

Herod in, Mipilte chun ama a lepbawl uh ahi, ti a hetdok phatin a lungna ta ma ma a. Tichun, mi a sawl ah, aksi kilat lai ah mipilte thu a dotna hun dungzui in, Beth-lehem leh a kîmvêl ah naupang kum ni ah pat a nuai lam zosia chu a that tai.

NASEPTE 7:19

Ama chun I chiteu chu dawha’n a hun bawl ah; I pu leh pateu chun a chasenteu chu thi dingin a nutsiasak sek a.