PAWTDAWNA THU 2:24 - PATHIAN LEKHABU THIANGTHO (BSI)

²⁴ Chuleh, a kâ thawmteu chu Pathian in a ngaitha, Pathian in Abraham, Isak leh Jakob kiang ah a thuthung kha a hezing a.

PAWTDAWNA THU 2:24 ပူးပေါင်းရင်းမြစ်များ

THILSIAM THU 15:13

Ziaphatchun, Lalpa chun Abram kiang in, “La suante chu amau gam hilo ah chun malzin in hung um intiu in, a nau hun sep piak in au, ti kichian tak in he ta’n: Chuleh, amau chun kum za li hun hi’genthei in au.

THILSIAM THU 16:11

Chuleh, Lalpa vansawlchâk ma chun a kiang in, “Ngaitia, nau la vop ta hen, chapa hun nei in la tin, a min in Ishmael la hun sak ding ahi: Lalpa’n la genthei dan hi a hetpi tâk ziakin,

THILSIAM THU 17:7

Kei leh nang leh la suante suan sawn sawnte tiang inle ka thuthung, nang â ding leh la nung ah la suante â dingin a Pathian uh hiding in kumkhua thuthung dingin hi’det ding ka hi.

THILSIAM THU 18:18

Abraham hi chi lian tak leh hat tak hung hi ngei ding ahi ti leh, ama ziak ah khawvel chitin maljawl in hung um ding ahi ti ka mu chian ngal in;

THILSIAM THU 22:16

“Zia thil hi la hi tâk ziak leh, la chapa neisunle itcha lo ah lei piak tâk ziakin, keima ka kitiam hi, Lalpa’n a ti’n:

THILSIAM THU 26:2

Lalpa a kiang in a hung kilâk ah, “Aigupta gam ah chia kin; ka hun kawkmu ding gam ah chun chêng zing in:

THILSIAM THU 26:24

Zia jan ah chun Lalpa a kiang in a hung kilâk ah, “Kei, la pa Abraham Pathian chu ka hi: Lau kin, la kiang in ka um zing hi, hun maljawl ing ka tin, ka suak Abraham ziakin la suante chu hi’pung ding ka hi,” a ti’n.

THILSIAM THU 26:3

Zia gam ah hin um tadi inla, la kiang in um ing ka tin, hun maljawl ing ka tin; zia gam zosia hi nangma leh la suante kiang ah hun pia’n, la pa Abraham kiang ah ka tiam kha hi’det ding ka hi:

THILSIAM THU 32:28

Ama chun, “La min Jakob hita pua’n tin, Israel hizaw ta’n ah, Pathian tawh mihing la buan gêl ta’n, la thazo ta’ngal in,” a ti’n.

THILSIAM THU 35:11

Chuleh, Pathian in a kiang ah, “El Shaddai chu ka hi; la chisuan pha hen la, hung pung ta’n; nam pakhat leh nam chi chuam chuamte la lak in hung piang in la khalbe’ kipat hin leng leh lalte le hung pawt in au.

THILSIAM THU 35:12

Abraham tawh Isak kiang ah gam ka la piak kha nangma kiang ah hun pia’ng ka tin; chuleh, la nung ah la suan leh pâkte kiang ah zia gam chu pia kit ing ka,” a ti tai.

THILSIAM THU 8:1

Pathian in Noah leh long sung ah a kiang ah ganhing zosia leh gancha um zosiate chu a hezing ah. Tichun, Pathian in lei chung lam ah hin hui a nunsak ah; chun, tui chu a hung kiam pan ta’n;

2 LENGTE 13:23

Himaleh, Lalpa chu a chung un a hung ja’ngai ah, amau a lainat ta’n; Abraham, Isak leh Jakob kiangah a thuthung ziakin amau lam a nga tai, amau chu hi chimit lo in, tu’tiang in a mau chu a umpi’na ah kipat a naw mang nai diak puai.

SAM 102:2

Ka lungngai nikhua hin la mai sêl mang kin. Ka lam ah la bil hun daw inla, ka hun ko tak leh ei hun dawnhu kawm ziang in.

SAM 102:20

suangkul tângte thûmna a het ah, thi ding ah umte thâdok ding leh,

SAM 105:42

A suak Abraham kiangah a thuthung thiangtho kha, a hetzing ziakin.

SAM 106:45

Amau ziakin a thuthung a hezing a, a ngilneina nasat dungzui in, a chung un a ja’ngaina a tâklang tai.

SAM 138:3

Ka hun ko ni ma ma in, nang in lei dawnhu ta hen; ka thagau hatna lei hipun piak tai.

SAM 22:24

Ama’n genthei thuakte chu a mu tawm puan, a ki’dak diak puai; a mai ei sêlgûksan diak pua’n, ama ka ko tak leh ei ngaitha sek ngal a.

SAM 22:5

A hun ko un, tichun, hukdam in a um sek ui; nangma a hun muang un, tichun, a mualpho ngai puau hi.

SAM 79:11

Suangkul ngâkte thûmgit la kiang tung hen la; la thilhitheina lopi dungzui in, thi ding ah umsate chu humbit in.

PAWTDAWNA THU 6:5

Chuleh, Aigupta mite’n sal ah a koi uh Israel chate kâ thawm le ka he ta’n: chuleh, ka thuthung kha ka hezing hi.

KISIMNA LEKHABU 20:16

Lalpa kiang ah kap pum ah ka kiko phat un, ka aw git uh a hia’n, a vansawlchâk hun sawl in Aigupta gam ah kipat in ei hung puidok ah; tu’hin la gamgi bul, Kadesh mun ah khua pakhat ka hung tung tau hi.

NASEPTE 7:34

Aigupta gam ah ka mite chu, sukgenthei ah a umdan uh ka mu ta’n, a maunateu le ka he ta’n, amau hukdok ding ah hung suk ka hi. Tu’hin hung in, Aigupta gam ah hun sawl ding ka hi,” a tia.

VAIHAWMTE 2:18

A lak ua vaihawm ding Lalpa‘n a tundok phat si’n leh, Lalpa‘n zia vaihawm dingte chu a umpi zing ah; tichun, zia vaihawmte dam sung sia chu a mêlmateu khut ah kipat in a hukdok sek hi; amau tawden ah sugentheite nuai ah a thûmnau Lalpa‘n a khawksak sek ziakin.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.