PAWTDAWNA THU 2:23 - PATHIAN LEKHABU THIANGTHO (BSI)

²³ Chomkhat zaw in Aigupta lengpa chu a thi ta’n. Israel chate chu a saltânnau ah chun a thûm un, a kap tau a. A saltânnau ah a kâ thawmteu chu Pathian kiang a tung ta’n.

PAWTDAWNA THU 2:23 ပူးပေါင်းရင်းမြစ်များ

THILSIAM THU 16:11

Chuleh, Lalpa vansawlchâk ma chun a kiang in, “Ngaitia, nau la vop ta hen, chapa hun nei in la tin, a min in Ishmael la hun sak ding ahi: Lalpa’n la genthei dan hi a hetpi tâk ziakin,

THILSIAM THU 4:10

Lalpa’n a kiang in, “Bang a hem la bawl kha? La naupa thisan aw chun lei ah kipat in ei hun ko hi.

NEHEMIAH 9:9

Aigupta gam ah ka pu leh pateu genthei dan kha la mu’n; chuleh, Tuipi San pang ah a pauchapnau khale la hia’i.

JOB LEKHABU 35:9

Nuaisiana a tam bêk ziakin mipite chu a kapdok un; mihat khut thakna ziakin, panpi ngai in a kikojak ui.

SAM 102:1

Aw Lalpa, ka pauchapna hi ngaitha’n la, ka kiko thawm hi la kiang tung ta hen.

SAM 102:2

Ka lungngai nikhua hin la mai sêl mang kin. Ka lam ah la bil hun daw inla, ka hun ko tak leh ei hun dawnhu kawm ziang in.

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 18:6

Ka lungjin in Lalpa ka ko ah: ei panpi dingin ka Pathian ka ko hi. A tempul ah kipat in ei la ngaitha’n, ka kona aw a he tai.

PAWTDAWNA THU 1:14

chêktang leh chêkchâlna ding siam in, lou ah na jat chuam chuam gim tak ah sepsak in, a hinkhuau chu a hihaksa ma ma ziang tau a. A nasep zosiau ah chun lungsiatna bei in sepsak in a um tau hi.

PAWTDAWNA THU 4:19

Chuleh, Midian gam ah chun Lalpa chun Mosi kiang in, “Aigupta gam ah chia kit ta’n, nangma thâ ding ah hun hawl zosiate khale a thi zo tau hi,” a tia.

PAWTDAWNA THU 6:5

Chuleh, Aigupta mite’n sal ah a koi uh Israel chate kâ thawm le ka he ta’n: chuleh, ka thuthung kha ka hezing hi.

PAWTDAWNA THU 6:9

Mosi’n zia gual chun Israel mipite kiang in a gen ah; himaleh, a lungthim uh a nat bêk ziak leh a saltânnau a huaisiat bêk ziakin Mosi thugen chu a ngaisak him him puau hi.”

PAWTDAWNA THU 7:7

Pharaoh kiang ah thu a vagen lai ua chun, Mosi chu kum sawmgiat ah upa a hita, a u Aron chule kum sawmgiat leh thum ah upa ahi tai.

ISAI 19:20

Zia chu sepai honte Lalpa â ding ah, Aigupta gam ah tepte’na leh hiatpitu hung hi’ntin; amau sugentheite ziak ah Lalpa a hun ko phat uh leh, amau hukdok ding hun sawl piak intin, amau panpi in, hukdok in a.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

KISIMNA LEKHABU 20:16

Lalpa kiang ah kap pum ah ka kiko phat un, ka aw git uh a hia’n, a vansawlchâk hun sawl in Aigupta gam ah kipat in ei hung puidok ah; tu’hin la gamgi bul, Kadesh mun ah khua pakhat ka hung tung tau hi.

NASEPTE 7:30

Kum sawmli nung in, Sinai tâng gamthip ah chun, a kiang in Pathian ah mi pakhat, thingbuk lak ah meikuang in a hung kilâk a.

DAN LEKHABU 24:15

A nasep man uh nisi’n in la piak ding uh ahi; migenthei a hiziak un, zia bep chu a nisi’n nêk mu’nau ahi ngâl ah; achutiloleh, Lalpa kiang ah hun hêk intiu in, nangmau chu maw sak hi kha’n lau.

JAKOB 5:4

Ngai un! La lou uh tho ah sum thalawte thaman, dawha la tuktân piakteu chu a kikodok tau hi; bu âtte kiko chule sepai honte Lalpa nakhang in a lût tai.

VAIHAWMTE 4:3

Ama chun thik sakol kângtalai za kua a nei ziakin, Israelte chu kum sawmni hial genthei tak in a taw den ta’n; ziaphatchun, Israelte Lalpa panpi’na don in a kiko tau hi.

1 SAMUEL 12:8

Jakob kha Aigupta gam ah a chên lai khan, Aiguptate chun a la êngbawl tau ah; Ziaphatchun, la pu leh pateu khan Lalpa a ko un; tichun, la pu leh pateu kha Aigupta gam ah kipat a puidok ah, zia gam ah chênsak dingin Mosi leh Aron kha a la sawl tai.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.