PAWTDAWNA THU 2:11 - PATHIAN LEKHABU THIANGTHO (BSI)

¹¹ Mosi a hung pitin phatin, ni khat a chipite lak in a va vakdok ah, a nasep gim danteu chu a vamu ta’n. Aigupta mi pakhat in ama chipite a vok lai tak chu a mu’n.

PAWTDAWNA THU 2:11 ပူးပေါင်းရင်းမြစ်များ

PAWTDAWNA THU 1:11

Chutichun, puakgik tak tak puaksak ah, amau haw tawden theina dingin a chung un a nasepnau enkoltu ding a guat piak chiat tau a. Amau chun Pharaoh van koikhawmna ding khawpi Pithom tawh Rameses a bawl piak tau a.

PAWTDAWNA THU 3:7

Chuleh, Lalpa chun, “Aigupta gam ah ka mipite thokgim dan ka en zui zing a; chuleh, a nasepsak hotuteu ziak ah a kâ thawmteu chule ka he tai. A thokgim danteu chule ka hechian ta ahi.

PAWTDAWNA THU 5:14

Israel nam lak ah puitute chu Pharaoh nasep enkolte chun a vuau a: “Bang ding ah tu’ma gual ah kha ja’ni leh tu’ni hin la chêktang bawl ding uh zo lo la hiu em?” ti’n a nawu a.

PAWTDAWNA THU 5:4

Himaleh, Aigupta lengpa chun a kiang un, “Mosi leh Aron, bang ding ah mipite hi a nasepnau ah kipat pui mang gua la hiu em? La nasepna lam chiat uh kizot tau in,” a tia.

PAWTDAWNA THU 5:5

Pharaoh in a gen jel a: “Ngai un tu’hin a gam mite sâng ma in amau a tam zaw hial tau ah, a nasepnau cholsak ding la ti nalai sêt un,” a tia.

PAWTDAWNA THU 5:9

Na haksa zaw diak sepsak un; tichun, a nasep ding bep uh buaipi in, thumanlo a ngaisak manlo’na ding un,” a tia.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

ISAI 58:6

Anngawl dan ka doidan chu zia gual hi ahi: Diktatlo’na khauhual thap thâk a, ngawngkol puak lâk thâk ah, nuaisia ah umte zalensak ah, ngawngkol zosia khetbot hi ahi.

MATTHAI 11:28

Nanghaw sêmgim leh puakgik paw zosiate haw, ka kiang ah hung un, keima’n a la chawldam sak ing ka.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,