PAWTDAWNA THU 19:9 - PATHIAN LEKHABU THIANGTHO (BSI)

⁹ Ziaphatchun, Lalpa chun Mosi kiang in, “Sûmpi sâ tak in la kiang ah hung ding ka hi; tichun, mipite’n la kiang ah ka thugen hi a het ua, nangma chu a hun taksan zawk sêm theina ding un,” a tia. Tichun, Mosi’n mipite thugen chu Lalpa kiang in a tut kit a.

PAWTDAWNA THU 19:9 ပူးပေါင်းရင်းမြစ်များ

1 LENGTE 8:12

Ziaphatchun, Solomon in zia gual hin a hun gen a: “Lalpa‘n, thimna sâ tak ah a chên ding thu a la gen in.

2 KHANGTHU 20:20

A jing ah chun ma tak ah tho in Tekoa gamthip lam in a chiauah; a kipatdaw ding phat un Jehoshaphat chu hung dingdok in, zia gual hin a hun gen a: “Aw Judah mipite leh Jerusalem khua chêngte haw, ka thugen hi ngai tiam un! Lalpa la Pathian uh chu ging un; chutileh, phudet in um bep ding la hiu; a jawlneite hile gingcha tau in,” ti’n a gen a.

2 KHANGTHU 6:1

Ziaphatchun, Solomon in zia gual hin a gen ah: “Lalpa chun, thimpi lak ah chun chêng ing ka, a la ti hen;

SAM 97:2

Sûmpi leh thim in a tuamvêl hi; dikna leh vaihawmna dik chu, a lalchutpha kingakna ahi.

SAM 99:7

Sûm ding in amau a hun ho in, a thu hetsak leh a dan thuguatte chu a zawm tau hi.

PAWTDAWNA THU 14:31

Aiguptate do-na a chung ua Lalpa thilbawl lopi tak chu Israelte’n a muu a. Tichun, mipite chun Lalpa chu a lau tau a; chuleh, Lalpa leh a suak Mosi chule a taksang tau hi.

PAWTDAWNA THU 19:16

A nithum ni jingkal ah chun van-gi leh kawlphe a hung um ah; chuleh, tâng chung ah chun sûmpi sâ tak a hung um ah, pengkul gi ngai tak mai a hung kimût ah; giabuk ah mipi zosia chu a kithing hial ziang tau a.

PAWTDAWNA THU 20:21

Ziaphatchun, mipite chu gamla deu tak in a ding ua, Mosi chun Pathian umna tâng thim sâ tak umna lam chu a nai a.

PAWTDAWNA THU 34:5

Lalpa chu sûmpi’n a hung suk ah, a kiang in a hung ding ah; tichun, “Jehovah kiti” min chu a puangjak tai.

PAWTDAWNA THU 4:31

Mipite chun a taksang ngal tau ah: Lalpa chun Israel mipite a kantha tai ti leh, a gentheinateu le a mu tai ti a het phat un, a bokkhup ua, Pathian chibai a bûk tau hi.

PAWTDAWNA THU 4:5

“Tichun, Lalpa, a pu a pateu Pathian, Abraham Pathian, Isak Pathian leh Jakob Pathian kha la kiang ah kilâk ngei ahi ti a taksan theina ding un,” a tia.

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

ISAI 7:9

Ephraim luchang chu Samaria ahi’n, chuleh, Samaria luchang chu Remaliah chapa ahi kit hi. La taksan zaw lo chun, pang zo him him pua’n la, ti’n gen in, a ti’n.

KISIMNA LEKHABU 12:5

Chuleh, Lalpa chu sûmpi khuam gual ah dingin a hung suk ah, biakbûk kotkhak ah chun a hung ding ah, Aron tawh Miriam a hun ko ah; amau teni chunle a nai phei ua.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MARKA 9:7

Ziaphatchun, amau haw lia in sûm a hung jing a, sûm lak ah aw gi chun: “Zia hi ka Chapa dawi tak ahi, ama thu ngai un,” a tia.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

DAN LEKHABU 4:10

Horeb tâng ah Lalpa la Pathian âng ah la din lai ua, Lalpa‘n ka kiang ah, “Mipite chu ei ko khawm piak inla, ka thu hil ing ka; lei chungah a dam sungsiau ah ei lau theina ding uh leh a chateu a hilsawn theina ding un;

DAN LEKHABU 4:36

A thu hilna la hettheina ding un van ah kipat in a aw a hun hiatsak ah. Lei chung ah mei kuang lak ah kipat a aw la het zing lai un, a meipi nasa tak a hun etsak tai.

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.