PAWTDAWNA THU 19:6 - PATHIAN LEKHABU THIANGTHO (BSI)

⁶ Chuleh, kei â dingin nang uh chu thiampu lenggam leh nam thiangtho hiding la hiu. Zia thute hi Israelte zosia kiang ah la gensawn ding ahi,” ti’n a gen a.

PAWTDAWNA THU 19:6 ပူးပေါင်းရင်းမြစ်များ

1 LENGTE 3:8

La suak hi mipi tam tak la doichuam, a tam dan uh simthei lo leh simsên lo lak ah um ahi’n.

1 LENGTE 8:53

Aw Lalpa Pathian, ka pu leh pateu Aigupta ah kipat la puidaw lai ah, Mosi mangcha’ la thutep gual in, amau chu la gochan ding ah lei ah mipite zosia lak ah la koichuam sate ahi ngâl un, a tia.

1 KHANGTHU 17:22

Chuleh, la mipi Israelte hi kumtuang ah la mipi hiding in la la siam ta’n; chuleh, nangma chu aw Lalpa, a Pathian uh la hi,” a ti tai.

SAM 114:2

Judah chu Pathian â ding ah, mun thiangtho a hung hi’n, Israel chu a lenggam a hung hi.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 22:31

Nang uh hi kei â ding ah mithiangtho hi’n lau: ziaziakchun, gamlak ah sahâng in a tha sa le la nêk lo ding uh ahi; uicha la piak ding uh ahi.

PAWTDAWNA THU 28:36

Sana pêk lekhazik theina ding siam inla, min namna gual ah kijemhoi in, “Lalpa â ding ah Thiangtho,” ti sun in.

ISAI 43:4

Ka mit mu ah lûl tak leh, ja-um tak la hi tâk ziakin, ka hun hepi a; tichun, la thatheng ah thuak dingin, nam dangte ka pedok in, la hinna tawh kitheng dingin, nam tinte chu ka pedok ta ahi.

ISAI 61:6

nanghaw chu vang Lalpa thiampute ti’n um in la tin uh, I Pathian uh nasêmtute min vua in um in lau; namtin hausakna chên in la tin uh, a neinungnau chu kisuanpi ta’n lau.

ISAI 62:12

Tichun, amau chu Mipi Thiangtho leh, Lalpa Tatdawsate, hun ti ta’n tiu in; chuleh, nang chule khawpi nutsia hilo in, “Hawldaw ah um” ti hung hita’n la.

ISAI 66:21

Tichun, a lak ua khenkhatte chu thiampu ah pang dingte leh, Levi chi dingte in hun têldok ing ka, Lalpa chun a tii.

JEREMIAH 13:11

Dialchen chu kawng ah a be zing gual ah Israelte leh Judate chu le keima ah bek zing ah, keima â ding ah mipi, ka min chawi ding leh ka lopina ding ah ka siam a hiu a; himaleh, ka thu a ngai nuam puau hi, Lalpa‘n a tii.

JEREMIAH 2:3

Israelte chu Lalpa â ding ah thiangtho a hiu in, a ga masa pen chu ahi. Amau ne tapo chu thiamlo chang a hiu; a chung un siatna tunsak ding ka hi, Lalpa‘n a tii,” ti in.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

THIAMPUTE LEKHABU 19:2

Israelte kiang in zia gual hin gen in, a tia: La thiantho ding uh ahi, Keima Lalpa la Pathian uh ka thiangtho ngâl in;

THIAMPUTE LEKHABU 20:24

“A gam uh bawngnawi leh khuaizu luanna gam ngei chu, keima’n la gochan ding ua la lua ding un hun pia ding ka hi,” ti ah ka la gen tâk gual ah khan. Midangte lak ah kipat hun khendanpa Lalpa la Pathian uh chu ka hi.

THIAMPUTE LEKHABU 20:26

Kei â dingin la thiangtho ding uh ahi; Keima Lalpa chu ka thiangtho ngâl ah, nang uh kei â hiding in midangte zosia lak ah kipat in ka hun khenchuam la hiu hi.

THIAMPUTE LEKHABU 21:23

Demkâi a hiziak un, ka mun thiangtho a hibuaklona ding un, puanjak leh mâichâm kiang lam a hun nai lo ding uh ahi: Keima Lalpa hin ka sukthianthosa a hita ngâl in, ti’n a gen a.

AMOS 3:2

Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

HAGGAI 2:5

Aigupta ah kipat la hung pawt lai ua, la kiang ua thu ka la tiam gual ah khan, la lak un ka thagau a chêng zing hi; lau kiu in.

KISIMNA LEKHABU 16:3

Mosi tawh Aron kilanpi dingin a pung khawm tau ah, amau teni kiang ah chun, “La kiphatsak talua tau hi! Mipi zosia hi a thiangtho un, mi tin hile a thiangtho chiat nau hi; chuleh, Lalpa chu a lak un a um zing hi. Bang ding ah nang uh teni hi Lalpa mipite sâng ah kikoisang zaw la hiu em?” a hung tiu a.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

1 KORINTH 3:17

Kua’nle Pathian chênna In chu a suksiat chun, ama chu Pathian inle susia ding ahi. Pathian chênna In chu a thiangtho ah, zia In chu nangmau la hiu hi.

DAN LEKHABU 14:21

Bang sa le a pûlthi taphot chu la nêk lo ding uh ahi; ziate chu la lak ua gam dang mite nêk dingin pia thei in la tiu in; ahiloleh, gam dang mite kiang ah zuak thei in lau. Nanghaw vang Lalpa la Pathian uh â dingin mithiangtho la hi’ngâl un. Kêlno chu a pi nawitui in huan kiu in.

DAN LEKHABU 26:19

ama’n nanghaw nam zosia lak ah a hun koisân ah, pakchat um, minthang leh ja um tak ah hun bawl dingin; chuleh, a la kitiamna dungzui ah, ama Lalpa la Pathian uh â ding ah nam thiangtho la hi’ding uh ahi.

DAN LEKHABU 28:9

Lalpa la Pathian thupiakteu la ngai ua, a lampite la hawu chun, Lalpa chun la kiang ua a la kitiamna dungzui in, Ama â ding ah nam thiangtho hiding in hun phudet in a.

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

1 THESSALONITE 5:27

Zia lekha hi a leng ua kiang ah la sim ding un Lalpa min in ka vaithâk la hiu.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

THUPUAN 20:6

Thawkitna masa pangte chu a thiangtho un, a hamphau hi; amau chung in thi ni’na chun thu a nei ta puai; ahi’n, Pathian leh Khrista thiampute hi’n tiu in, ama tawh kum sang khat vaihawm khawm ta’n au.

THUPUAN 5:10

Pathian lam ah lal leh thiampu’n la siam a; lei chung ah vaihawm dingte a hitau hi,” ti in.