PAWTDAWNA THU 19:5 - PATHIAN LEKHABU THIANGTHO (BSI)

⁵ tu’hin, ka thu la zop ua, ka thuthung la mat ua leh, mi zosia chung in nang uh hi kei â ding ah gobîk hi’n lau: lei chung zosia hi kei â ahi ngal a:

PAWTDAWNA THU 19:5 ပူးပေါင်းရင်းမြစ်များ

THILSIAM THU 17:9

Chuleh, Abraham kiang in Pathian in, “Nang in vang ka thuthung hi la vop zing ding ahi; nang leh la nung ah la suante suan sawn tiang in la vop zing ding uh ahi.

1 LENGTE 8:53

Aw Lalpa Pathian, ka pu leh pateu Aigupta ah kipat la puidaw lai ah, Mosi mangcha’ la thutep gual in, amau chu la gochan ding ah lei ah mipite zosia lak ah la koichuam sate ahi ngâl un, a tia.

1 KHANGTHU 17:22

Chuleh, la mipi Israelte hi kumtuang ah la mipi hiding in la la siam ta’n; chuleh, nangma chu aw Lalpa, a Pathian uh la hi,” a ti tai.

JOB LEKHABU 41:11

Kua a hem, vakilanpi ah suakcha ding? Van nuai ah hin kua a hem um?

JOB LEKHABU 41:3

Ama chun la kiang ah thil hun don ding a hem? La kiang ah aw nêm tak in a hung pau diam?

SAM 135:4

Lalpa‘n Jakob chu ama â ding bîk in a kitêl ta hen, Israel hi a gochan dingin a kitêl ta ngal a.

SAM 24:1

Lei chung leh a sung ah um zosia, khawvel leh a sung ah chêng zosia hitawh, Lalpa â ahi’n;

SAM 25:10

A thuthung leh a thuguat zawmte â dingin, Lalpa lampi zosia chu ngilneina leh thutak ngen ahi.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

PAWTDAWNA THU 23:22

A thu la ngai ah, ka gen zosia la zui leh, la gâlte â ding ah gâl leh, la mêlmate a ding ah mêlma hi ding ka hi.

PAWTDAWNA THU 24:7

Ziazaw chun, thuthung lekhabu chu a la, mipi zosia het in a simdok ta’n; amau chun, “Lalpa’n a gen zosia chu bawl in, a thu le awi ing kau,” ti’n a hun dawnhuu a.

PAWTDAWNA THU 34:9

Chuleh a kiang in, “Tu’hin la mittung ka hi chun aw Lalpa, ka ni la hi: Ka Lalpa ka lak un lungsiat tak in ei kitonpi in aw; mi lu’lul tak himaleng uh le, ka gitlo nau leh bawl khialnateu ei ngaidam inla, la gochan dingin ei la’n,” a tia,

PAWTDAWNA THU 6:7

Chuleh, nang uh ka mipite hi dingin hung kilâk ing ka tin, keile la Pathian uh hi’ng ka tin; tichun, Aigupta puakgik ah kipat hun puidok kha Kei Lalpa la Pathian uh ka hi, ti hun he ta’n lau.

PAWTDAWNA THU 8:22

Ahi’n, zia ni ah chun Goshen gam, ka mite chênna gam chu koichuam ing ka tin; tichun, zia tak ah chun thosi hon him him um pua’n ah: Chutichun, lei ah hin Lalpa chu ka hi ti la hettheina ding un.

PAWTDAWNA THU 9:29

Mosi’n a kiang in, “Khawpi paw lam ka pawt daw phat leh Lalpa kiang in ka khutte jak ing ka tin; tichun, van-gi chawl intin, gialpi le ke diak ta pua’n a; tichun, lei chung pumpi hi Lalpa â ahi ti la hettheina dingin.

SOLOMON LÂ 8:12

Ka grep huan, kei â ngei chu ahi; nang Solomon in sang khat chu nei in la tin, theiga vêngte chun za ni chang in au.

ISAI 1:19

Thu la mat ua la nop phot uh leh, gam phatna hi hun ne’n la tin uh,

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 56:4

Mikiget, ka cholni chang ah, ka lung lam thilte têl ah, ka thuthung tudet mite kiang ah chun, Lalpa‘n zia gual hin a gen a:

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

JEREMIAH 13:11

Dialchen chu kawng ah a be zing gual ah Israelte leh Judate chu le keima ah bek zing ah, keima â ding ah mipi, ka min chawi ding leh ka lopina ding ah ka siam a hiu a; himaleh, ka thu a ngai nuam puau hi, Lalpa‘n a tii.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

EZEKIEL 16:8

La kiang hun haw in, ka hun et kit leh, dawichâk ah ngai thei la hung hi tai. Ka puanâk chual mong la chung in ka kaipal ah, la ngawnchang hi’na chu ka khû tai; la kiang in kitiamna ka nei in, nang tawh I kikâl in thuthung ka siam a; tichun, nang chu kei â la hung hi tai, Lalpa Pathian in a ti ahi.

THIAMPUTE LEKHABU 20:24

“A gam uh bawngnawi leh khuaizu luanna gam ngei chu, keima’n la gochan ding ua la lua ding un hun pia ding ka hi,” ti ah ka la gen tâk gual ah khan. Midangte lak ah kipat hun khendanpa Lalpa la Pathian uh chu ka hi.

AMOS 3:2

Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

MALAKI 3:17

Sepai honte Lalpa chun, amau chu kei â hi’n tiu in, thil ka hun bawl ni phat leh amau chu ka gochan bîkte hi’n tiu in; min a na sep piak a chapa a duat gual un, amau chu hawi ding ka hi.

1 KORINTH 10:26

“Lei leh a sung ah um zosia hi Lalpa â ahi ngal a”.

1 KORINTH 10:28

Ahi’n la, kua a hem in, “Zia hi kithoina thillat ahi,” ti a hung hil chun, a hung hiltu ziak leh, sia leh pha hetna ziakin nêk dâ un.

DAN LEKHABU 10:14

Vânte leh vân sâng pen tiang leh, leilung leh a sung ah um zosia hi Lalpa la Pathian uh â hi sik sek maleh,

DAN LEKHABU 11:27

Tu’ni ka gen gual ah, Lalpa la Pathian uh thu la zop uh chun maljawlna hi’ntin;

DAN LEKHABU 14:2

Lalpa la Pathian â dingin mithiangtho la hi’ngâl ua; khawvel ah nam zosia lak ah kipat Lalpa‘n a gochan leh ama â ding bîk ah a hun têlchuam la hiu.

DAN LEKHABU 14:21

Bang sa le a pûlthi taphot chu la nêk lo ding uh ahi; ziate chu la lak ua gam dang mite nêk dingin pia thei in la tiu in; ahiloleh, gam dang mite kiang ah zuak thei in lau. Nanghaw vang Lalpa la Pathian uh â dingin mithiangtho la hi’ngâl un. Kêlno chu a pi nawitui in huan kiu in.

DAN LEKHABU 26:18

Tu’ni hin Lalpa‘n a thutiamna dungzui ah, ama â ding bîk hi’ding leh, a thupiakte la zopna ding un, la lemsaknau a chang tai;

DAN LEKHABU 26:19

ama’n nanghaw nam zosia lak ah a hun koisân ah, pakchat um, minthang leh ja um tak ah hun bawl dingin; chuleh, a la kitiamna dungzui ah, ama Lalpa la Pathian uh â ding ah nam thiangtho la hi’ding uh ahi.

DAN LEKHABU 28:1

Lalpa la Pathian uh thu, tu’ni ka hun hil gual ah a thupiakte la zui ua, la bawl nâk uh leh, Lalpa la Pathian uh chun lei chung nam zosia chung in hun koisâng in a;

DAN LEKHABU 28:9

Lalpa la Pathian thupiakteu la ngai ua, a lampite la hawu chun, Lalpa chun la kiang ua a la kitiamna dungzui in, Ama â ding ah nam thiangtho hiding in hun phudet in a.

DAN LEKHABU 4:20

Himaleh, tu’ni hun ah Lalpa golua mite la hi gual ua la hung um theina ding un, ama’n thîk haltuina lak ah kipat, Aiguptate khut ah kipat ngei khan a hun hukdok la hiu kha.

DAN LEKHABU 5:2

Lalpa I Pathian un Horeb tâng ah khan, I kiang un thuthung a la siam ta’n:

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

DAN LEKHABU 9:29

La thilhitheina lopi tak leh la ban jak ah la puidaw, la mite leh la gochante chu ahi ngâl un,” ka tia.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 11:8

Ginna’n Abraham in a lua ding gam chu zuan dingin thu a awi ah; a zotna ding lam he masa lo in a kipandok ta’n.

HEBRAITE 8:9

a pu leh pateu Aigupta gam ah kipat, puidok ah a khut ua ka kaibât lai gual kha hitalo in, ka thuthung a jawm pawngal un; ziaziakchun, ka ngaisak tâk lo ahi,’ Lalpa‘n a ti’n.

JOSHUA 24:24

Mipite’n Joshua kiang in, “Lalpa I Pathian uh na bep sêm ing ka tiu in, ama thu le jawm ing kau,” a tiu a.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.