PAWTDAWNA THU 19:21 - PATHIAN LEKHABU THIANGTHO (BSI)

²¹ Ziaphatchun, Lalpa chun Mosi a hun ho ah, “Chia suk inla, mite hil in: achutiloleh, Lalpa a mu nopna ziak un a dâi hun kân kha tawl in au: chutileh, mi tam tak in manthai khawlaw ding a hiu.

PAWTDAWNA THU 19:21 ပူးပေါင်းရင်းမြစ်များ

PAWTDAWNA THU 3:3

Ziaphatchun, Mosi’n, “Kihei in, zia thil hi vak en tiam ka, bangtidan ah hambuk saw kâng lo a hem?” a tia.

PAWTDAWNA THU 3:5

Ziaphatchun, ama’n, “Hun nai kin! La kengtawdap kha sût in; la dinna mun kha mun thiangtho ahi ngal in,” a hun tia.

PAWTDAWNA THU 33:20

Himaleh, ka mêl vang mu thei pua’n la: kuama ka mêl mu ngal ah, dam zing um ngai him him lo ahi ngal in,” a tia.

THUGENTU 5:1

Pathian In ah la chia phat leh, la keng vêngpha’n; mingolte kithoina thilpiak sâng in, ngaitha ding ah kisa zosa um hi a pha zawi; amau chun a thil hi’khial uh a ngaitua ngai puau a.

KISIMNA LEKHABU 4:15

Giamun a kichawn ding phat ua leh, Aron tawh a chapate chun mun thiangtho leh a sung ah matchâk zosia a tuam zaw phat ua leh, Kohath chapate chu a jawn dingin hung intiu in; ahi’n la, thilzek thiangthote chu a sukkhak lo ding uh ahi; achutiloleh, thi ziang kha’n au. Ziate chu kikhopna biakbûk, Kohath chate puak sek dingte chu a hiu.

KISIMNA LEKHABU 4:18

Levite phung lak ah kipat in Kohathte Inkuan chu la hi’mangthai lo ding uh ahi.

KISIMNA LEKHABU 4:19

Thilzek thiangtho pen a hun nai phat uh leh thi lo ah, a hin zing theina ding un zia gual hin bawl un: Aron tawh a chapate chu lût in, mi tin in a puak ding uh guat piak uh hen.

KISIMNA LEKHABU 4:20

Himaleh, Kohathte chu a sung ah lût in, thilzek thiangthote chu a mitlêm unle en kiu hen; achutiloleh, thi kha’n au, ti in.

DAN LEKHABU 5:5

(zia lai ah chun Lalpa thu la kiang un ka hun gen lat theina ding in, nang un mei kuang la lau ziak un, Lalpa tawh nanghaw kikâl in ka la ding zing ah.) Tichun, ama’n zia gual hin a hun gen tai:

1 SAMUEL 6:19

Beth-shemesh khua mite chun Lalpa thuthung thingkuang lamtua ding ah lim takah a um lai un, Jekoniah chate chu vang a kipak him him puauah; a lak ua mi sawmsagi a thatlum ta’n. Lalpa‘n mipite lakah tam tak a thalup ziakin mipite chun a sûn tau a.