PAWTDAWNA THU 19:19 - PATHIAN LEKHABU THIANGTHO (BSI)

¹⁹ Pengkul git chu a ngai deu deu phatin Mosi’n thu a hun gen a: Pathian in ama chu van-git in a hun dawnhu a.

PAWTDAWNA THU 19:19 ပူးပေါင်းရင်းမြစ်များ

NEHEMIAH 9:13

Sinai tâng ah khan van ah kipat in la hung kum suk ah; tichun, a kiang un thu la gen ah; chuleh, vaihawmna dan leh ki-etkolna dan dik takte leh thuguat leh thupiak pha takte chule la pia ahi kha;

SAM 81:7

Lungjin ni’n lei ko ah, ka hun hukdok ta’n; vân-git kisêlna mun ah kipat in ka hun dawnhu in; Meribah tui munte ah khan ka hun patep la hi. (Selah)

PAWTDAWNA THU 19:13

Kuama’n a khut ua le a sukkhak lo diu, a sukha taphot chu suang ah se’lup a hem, thalpi’ kâplup a hem hiding ahi; gancha hileh, mihing hitaleh hinghoi lo ding ahi: pengkul thûm jawn jawn ah a hung git phat leh mipite chu tâng lam ah chun hung kal to uh hen,” a tia.

PAWTDAWNA THU 19:16

A nithum ni jingkal ah chun van-gi leh kawlphe a hung um ah; chuleh, tâng chung ah chun sûmpi sâ tak a hung um ah, pengkul gi ngai tak mai a hung kimût ah; giabuk ah mipi zosia chu a kithing hial ziang tau a.

KISIMNA LEKHABU 12:8

Thugûk le hilo ah kichian tak in, ama tawh kimaitua in ka kiho un, ama’n Lalpa mêl chu a mu ta ahi. Bang ding ah ka suak Mosi gensiat chu lau lo la hiu em?” a tia.

DAN LEKHABU 4:36

A thu hilna la hettheina ding un van ah kipat in a aw a hun hiatsak ah. Lei chung ah mei kuang lak ah kipat a aw la het zing lai un, a meipi nasa tak a hun etsak tai.

DAN LEKHABU 5:22

Zia thute hi tâng chung ah khan mei kuang sûmpi leh khawthim lak ah kipat in, Lalpa‘n aw ngai tak in la kikhopnau ah a la gen ta’n; ziate chu a belap ta puai. Ziate chu suangpêk pani chung ah zikdok in, ka kiang in ei pia.

HEBRAITE 12:19

pengkul gitna leh aw gitna mun ah hung la hi puau in; zia git hete chun a het kit tâk lona ding un a la don hial uh ahi kha.

HEBRAITE 12:21

A thil mu diu tizat a um bêk ziakin Mosi’n le, “Ka lau talua hen, ka kithing jak ziang hi,” a ti ahi. Zia mun ah chun nanghaw vang la ding puau a.