PAWTDAWNA THU 19:11 - PATHIAN LEKHABU THIANGTHO (BSI)

¹¹ a nithum ni ding ah chun kiging uh hen; a nithum ni leh Lalpa chu Sinai tâng chung ah chun mipite zosia mit mu in hung suk ding ahi.

PAWTDAWNA THU 19:11 ပူးပေါင်းရင်းမြစ်များ

THILSIAM THU 11:5

Tichun, mihingte khawpi leh Insâng bawlte entha dingin Lalpa chu a chia suk tai.

NEHEMIAH 9:13

Sinai tâng ah khan van ah kipat in la hung kum suk ah; tichun, a kiang un thu la gen ah; chuleh, vaihawmna dan leh ki-etkolna dan dik takte leh thuguat leh thupiak pha takte chule la pia ahi kha;

SAM 144:5

Aw Lalpa, la vante kûnsak inla, hung suk in; tângte chu sukha’n, tichun, mei khudok hen.

SAM 18:9

Ama’n vante kûnsak in, a hung kum suk ta’n; a keng nuai ah chun thimna sâ tak a um hi.

PAWTDAWNA THU 19:16

A nithum ni jingkal ah chun van-gi leh kawlphe a hung um ah; chuleh, tâng chung ah chun sûmpi sâ tak a hung um ah, pengkul gi ngai tak mai a hung kimût ah; giabuk ah mipi zosia chu a kithing hial ziang tau a.

PAWTDAWNA THU 19:18

Lalpa chu meikuang ah a hung kum ziakin Sinai tâng chu a pum in meikhu’n a tuam a: Hâltuina meikhu gual in meikhu chu a kitung to ziang a: Chuleh, a tâng pumpi chu nasa tak in a kithing tai.

PAWTDAWNA THU 19:20

Sinai tâng chung ah Lalpa a hung suk ah, tângvûm a hung tun in, tâng chung lam ah chia to dingin Lalpa chun Mosi a hun kodok ah; tichun, Mosi chu a kal to tai.

PAWTDAWNA THU 24:16

Lalpa lopi’na chu Sinai tâng chung ah chun a um den ta; sûmpi’n tâng chu ni guk sung a khû ah: A ni sagi ni chun ama’n sûmpi lak ah kipat chun Mosi a hun ko tai.

PAWTDAWNA THU 24:17

Lalpa lopi’na kilang chu Israelte mit mu in tângvûm ah haltuina mei gual mai ahi.

PAWTDAWNA THU 3:8

Amau chu Aiguptate khut ah kipat hukdok ding leh zia gam ah kipat chu puidok ah, gam hawi leh kiningting, khuaizu leh bawngnawi luanna gam, Kanaan mite, Hit mite, Amor mite, Periz mite, Hiv mite leh Jebus mite chênna gam lua ding ah pui lût ding ah hung suk ka hi.

PAWTDAWNA THU 34:2

Jing jingkal ah kisazo sa’n um inla, jingkal leh Sinai tâng ah hung to inla; tângsip ah chun nangma ngei la hung kilat ding ahi.

PAWTDAWNA THU 34:5

Lalpa chu sûmpi’n a hung suk ah, a kiang in a hung ding ah; tichun, “Jehovah kiti” min chu a puangjak tai.

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

JOHAN 3:13

Kuama van ah kal to kha a um puau, van ah kipat hung sukpa, Mihing Chapa van ah umpa tilo ngal hi.

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

DAN LEKHABU 33:2

A kiang un: Sinai ah kipat in Lalpa chu a hung ah, Seir tâng ah kipat in nisa gual in a hung suk hi; Paran tâng ah kipat in ei hun sal tai. A kiang in mithiangtho a sîngtêl a um un, a changlam ah a sepai hon tawh.

DAN LEKHABU 4:10

Horeb tâng ah Lalpa la Pathian âng ah la din lai ua, Lalpa‘n ka kiang ah, “Mipite chu ei ko khawm piak inla, ka thu hil ing ka; lei chungah a dam sungsiau ah ei lau theina ding uh leh a chateu a hilsawn theina ding un;

JOSHUA 3:5

Chuleh, Joshua’n mipite kiang ah chun, “Kisuthiangtho un; jing leh Lalpa‘n la lak un thilmak hun bawl ding ahi ngâl a,” a tia.