PAWTDAWNA THU 18:9 - PATHIAN LEKHABU THIANGTHO (BSI)

⁹ Aigupta mite khut ah kipat hukdok ah, Israelte chung ah Lalpa’n thilpha a bawl piak zosiate ziak ah chun Jethro chu a kipak ma ma a.

PAWTDAWNA THU 18:9 ပူးပေါင်းရင်းမြစ်များ

ISAI 44:22

La hi’khelnateu chu sûmpi gual in ka mût mang ta’n, la gitlona chu phâisûm gual in ka mûtthial tai; ka kiang lam ah hung kit unla, ka hun hukdok ta’ngal a.

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

ISAI 66:10

Nanghaw, Jerusalem ngainate haw, kipakpi unla, ama ziakin lim tau in; ama a la sûnte haw, lim tak in kipakpi tau in;

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

ROMTE 12:15

Kipakte chu kipak piu inla, kapte chu kâ piu in.

1 KORINTH 12:26

Chutichun, bâk pakhat in a thok chun a leng un a thokpiu in, bâk pakhat chawihoi ahi chun a leng un a kipakpiu hi.

1 SAMUEL 15:6

Saul in Kent mite kiang ah chun, “Amalekte lak ah kipat in hung pawtdok un, achutiloleh, amau tawh hun that khawm mai ding ka hiu; Aigupta gam ah kipat Israelte a hung pawt daw lai ua khan, a chung un la pha ngâl un,” ti’n a ko ah. Tichun, Amalekte lak ah kipat chun Kent mite chu a hung pawtdok tau a.