PAWTDAWNA THU 18:8 - PATHIAN LEKHABU THIANGTHO (BSI)

⁸ Mosi chun, Lalpa’n Pharaoh leh Aigupta mite chung ah Israelte ziak ah a thilbawl zosia tawh, a hungnau lamkâl ah gentheina a chung ua tung zosia tawh, Lalpa’n zia haw zosia lak ah kipat a hukdaw dante chu a sungpa kiang in a hil tai.

PAWTDAWNA THU 18:8 ပူးပေါင်းရင်းမြစ်များ

THILSIAM THU 44:34

Naupang kitonpi kit lo hin ka pa kiang lam ah bangti chia kit thei ma ma ding ka hem? Ka pa chung ah siatna hung tung ding chu mu’ngam ma ma lo ka hi,” a ti tai.

NEHEMIAH 9:32

Ziaziakchun, tu’hin ka Pathian uh, Pathian lopi leh Bangkim bawlthei, lau um, thuthung hezing ah, ja’ngaina ah dim chun, kei uh chung leh ka lengteu, ka pu leh pateu leh la mite zosia chung ah, Assuria lengte hun ah kipat tu’ni tiang ah haksatna ka tuakteu hi ngainêp ziang kin la;

SAM 106:10

A mêlmateu khut ah kipat in a hukhing a, gâlte khut ah kipat in a hukdok tai.

SAM 106:8

A chuti sapi’nle, ama min ziakin, a la hukhing nalai a, a thilhitheina lopi tak chu, a hetsak theina dingin.

SAM 107:2

Lalpa tatsate, lungkhamna lak ah kipat a tatdawsate zosia chun, zia gual chun gen uh hen la;

SAM 66:16

Pathian lau zosiate haw, hung unla, ngai un; tichun, a thil ei bawlpiakte hun hil ing ka.

SAM 81:7

Lungjin ni’n lei ko ah, ka hun hukdok ta’n; vân-git kisêlna mun ah kipat in ka hun dawnhu in; Meribah tui munte ah khan ka hun patep la hi. (Selah)

PAWTDAWNA THU 15:16

Aw Lalpa, la mipite a gâlkâi ma siau, la chawk dawsa la mipite zosia chu a gâlkâi ma siau in, launa leh tizatna a chung un a chu ta’n, la bân thahâtna ziakin, amau chu suangtum gual in a thip tau hi.

PAWTDAWNA THU 15:6

Aw Lalpa, la khut changlam chu, thil hitheina’n a lopi hi! Aw Lalpa, la khut changlam chun, mêlmate a mai chimit tai.

PAWTDAWNA THU 16:3

Israelte chun a kiang un, “Aigupta gam ah sabêl bul ah ka chut lai uh leh vaithum vâ tak ah ka nêk lai ua khan, Lalpa khut in ei la thi sak ta kha hizaw mai leh aw! Gamthip ah gilkial ah thi dingin mipite hi lei pui lût a hita hilam,” a tiu a.

PAWTDAWNA THU 18:1

Midian gam ah thiampu, Mosi sungpa Jethro chun, Mosi tawh a mipi Israelte â ding ah Pathian in thil a la bawl piak zosia leh Aigupta gam ah kipat Israelte chu Lalpa’n a puidok tai ti a het phat in,

PAWTDAWNA THU 2:25

Pathian in Israelte chu entha zing in a ngaisak zing hi.

PAWTDAWNA THU 23:23

Ka vansawlchâk chu la ma-âng ah a chia phat leh, Amor mite, Hit mite, Periz mite, Kanaan mite, Hiv mite leh Jebus mite gam chu hun pui tung intin; amau chu gawtmang dim dem ding ka hi’ngal a;

PAWTDAWNA THU 4:23

Ka hun ni la hi, ka chapa hun thâdok in ei biak theina ding un. La hun thâdaw nop lo leh, ngaitia la chapa, la chapa upa pen chiat uh hun that ding ka hi,’ a tii, la ti ding ahi,” a tia.

PAWTDAWNA THU 7:4

Pharaoh in la thugen a ngai diak lo ding ziakin, Aigupta chung in ka khut tha’ng ka tin, gawtna huaisia takte mang in ka mipi Israelte chu a hon hon in Aigupta gam ah kipat in puidok ding ka hi.

PAWTDAWNA THU 7:5

Aigupta gam chung ah ka khut ka hun thâk ah, Israel mipite chu a lak ua kipat ka puidaw phat leh, Aigupta mite chun Lalpa ka hi ti hun he ta’n au,” a tia.

KISIMNA LEKHABU 20:14

Kadesh mun ah kipat in Mosi chun Edom lengpa kiang in palai a sawl ah: “La suapipa Israel in zia gual hin a gen hi: Ka chung ua vangsiatna tung zosia kha nang inle la henai;