PAWTDAWNA THU 18:25 - PATHIAN LEKHABU THIANGTHO (BSI)

²⁵ Mosi chun Israelte zosia lak ah kipat in mi matthei dawmte chu a têldok ah, amau chu mipite chung ah luchang in, sang khat chung ah te, za khat chung ah te, sawmnga chung ah te leh sawmkhat chung ah te vaihawm dingin a siam tai.

PAWTDAWNA THU 18:25 ပူးပေါင်းရင်းမြစ်များ

THILSIAM THU 47:6

Aigupta gam chu la thu thu ahi; la pa tawh la suapite chu gam phatna pen pen ah chênsak inla, Goshen gam ah khin chêng ziangleu hita’n a: Chuleh, a lak ua mi matthei a um uh chun ka gancha honte chung ah hotu dingin koi ziang in,” a ti tai.

2 SAMUEL 18:1

Ziaphatchun, David in a kiang ah sepai um zosia chu a kai khawm ah, sang khat chung ah hotu dingte leh za khat chung ah hotu dingte a guat a.

PAWTDAWNA THU 18:21

Chuleh, mipite lak ah kipat mi matthei, Pathian lau, mi thudik, golgûkna doilote chu têldok inla: zia gual mite chu sang khat chung ah te, za khat chung ah te, sawmnga ah chung ah te leh sawm khat chung ah te vaihawm dingin a chung un koi inla;

PAWTDAWNA THU 18:24

Tichun, Mosi’n a sungpa thugen chu a ngai ah, a gen dan zosia chu a zui tai.

KISIMNA LEKHABU 1:16

Ziate hi Israel mipite lak ah kipat têldawte, a pa’u phung chiat ah kipat leh hotu leh luchang ding ah a têldawteu chu a hiu hi.

KISIMNA LEKHABU 1:4

Phung tin leh a pa phung chiat ah kipat ah luchang pakhat chiat in a hun kithuapi ding uh ahi.

KISIMNA LEKHABU 11:16

Tichun, Lalpa chun Mosi kiang in: “Nang in upa a hiu ti leh Israelte chung ah vaihawm puitu la hiatsa ngen, mi sawmsagite chu ka kiang ah hun ko khawm inla, mipite kikhopna puanbûk ah hun pui inla, zia tak ah chun nang tawh hung ding khawm un,” a tia.

NASEPTE 6:5

A thu gen uh chu a leng un pha a sau a; tichun, ginna leh Thagau Thiangtho ah dim, Stephen, Philip, Prokora, Nikanor, Timon, Parmena leh Antiok ah Juda phungkâi Nikolai, amau cheng chu a têldok tau a.

DAN LEKHABU 1:15

Tichun, la phung lak ua kipat in mipil leh a ja-um deute sia ka ladok ah, nanghaw chung ah hotu ding bang, a sâng têl chung ah hotu ding leh, a za têl chung ah hotu dingte, sawmnga chung ah hotu dingte, a sawm têl chung ah hotu ding leh nanghaw phung chiat ah hotu dingte ka guat a.