PAWTDAWNA THU 18:20 - PATHIAN LEKHABU THIANGTHO (BSI)

²⁰ nang in amau chu thupiak leh dante zilsak inla tin; chuleh, a um ding dan leh a bawl ding leh bawl lo dingteu hil in.

PAWTDAWNA THU 18:20 ပူးပေါင်းရင်းမြစ်များ

SAM 143:8

Jingkal in la ngilneina det thu ei hetsak in, nang ka hun ging ngal a. Ka chiana ding lampi ei hil in, ka lungthim in nangma lam ka hun nga ngal a.

SAM 32:8

La chiana ding lampi chu hun kawk mu in, hun hil ing ka tin; ka mit ah hun entha zing in, lem hun guat piak ding ka hi.

PAWTDAWNA THU 18:16

thubuai a nei phat ua leh ka kiang in a hung sek ua, khat leh khat kikâl ah thubuaite chu ka la tan piak sek ah; chuleh, Pathian thugente leh dante chu ka la hilsek ahi,” a tia.

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

JEREMIAH 42:3

Lalpa, la Pathian chun khoilam zuan ah chia ding ka hiu em, bang bawl ding ka hitau em, ti ei hil hen,” a hung tiu a.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

EZEKIEL 3:17

Mihing, Israel Inkuante vêng dingin ka hun siam tai; ka kam ah kipat thu la het phat leh, keima ah kipat in thu la hil ding ahi.

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

MARKA 13:34

Mihing Chapa hi, khual gamla tak ah mi pakhat zindok gual chu ahi; zia pa chun a In a nutsia ding kuan in, a suakte kiang in thuneina a pia’n, a sep ding uh a pechiat ah, kotkhak vêngpa le ginum tak ah la vêng dingin thu a piai.

DAN LEKHABU 1:18

Zia hun ah khan la bawl ding zosiau thu ka hun peta kha lam.

DAN LEKHABU 4:1

Tu’hin, aw Israel mite haw, Lalpa, la pu leh pateu Pathian in a piakna gam chu dam ah la lût ua, la lua theina ding un ka dan thu leh ka thuguatte chu ngaisak ah la zui ding uh ahi.

DAN LEKHABU 4:5

Ngai un, la luana ding gam ua la zui zing ding un, Lalpa ka Pathian in thu ei piak dungzui in dante leh, thuthungte chu ka hun hil la hiu hi.

DAN LEKHABU 5:1

Mosi’n Israelte zosia a ko khawm ah, a kiang un: Aw Israel mipite haw, tu’ni la kiang ua ka gen ding dante leh dan thupiakte hi a la ngai tiam un; ziate hi gunchu tak ah la zil ua, la zop ding uh ahi.

DAN LEKHABU 5:27

Nang in vanai inla, Lalpa I Pathian un a gen nop zosia chu va ngaitha’n. Chuleh, Lalpa I Pathian un a hun hil zosia chu kei uh ei hilsawn in; zia chu ngaitha’n, zawm ziang ing kau,” la tiu a.

DAN LEKHABU 7:11

Ziaziakchun, tu’ni zui ding ah ka hun thupiakte–a thupiakte, a dante leh a vaihawmna thute hi gunchu tak in zui tau in, a tia.

1 THESSALONITE 4:1

Chutichun, suapite haw, a tawp pen in la umdan ding uh leh Pathian la kipaksak dan ding uh, tu’ la umdan uh, keimau ah kipat la zil uh hi, la hau diakna ding un Lalpa Jesu ah chun ka ni un ka tilkhau la hiu.

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.